ଅଗଷ୍ଟ ୧୪କୁ ‘ବିଭାଜନ ବିଭୀଷିକା ସ୍ମୃତି ଦିବସ’ ଋପେ କରାଯିବ ସ୍ମରଣ

ସ୍ୱାଧୀନତାର ୭୫ ତମ ବାର୍ଷିକୀ ପୂର୍ବରୁ ମୋଦି ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି । ୧୪ ଅଗଷ୍ଟ ପରଠାରୁ ଭାରତରେ ‘ବିଭାଜନ ବିଭୀଷିକା ସ୍ମୃତି ଦିବସ’ ଭାବରେ ସ୍ମରଣୀୟ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଘୋଷଣା କରିଛନ୍ତି ଯେ ଲୋକଙ୍କ ସଂଘର୍ଷ ଏବଂ ବଳିଦାନକୁ ସ୍ମରଣ କରି ଅଗଷ୍ଟ ୧୪ କୁ ବିଭାଜନ ବିଭୀଷିକା ସ୍ମୃତି ଦିବସ ଭାବେ ପାଳନ କରାଯିବ ଏବଂ ବିଭାଜନର ଯନ୍ତ୍ରଣା କେବେବି ଭୁଲିପାରିବା ନାହିଁ । ସୂଚନା ଥାଉକି ଯେ ଆସନ୍ତାକାଲି ଅର୍ଥାତ୍ ରବିବାର ଦିନ ଭାରତ ଏହାର ୭୫ ତମ ସ୍ୱାଧୀନତା ଦିବସ ପାଳନ କରିବ ।

ଟ୍ୱିଟରରେ ଏହି ଘୋଷଣା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଦେଶ ବିଭାଜନର ଯନ୍ତ୍ରଣା କେବେ ବି ଭୁଲିପାରିବ ନାହିଁ । ଘୃଣା ଏବଂ ହିଂସା ହେତୁ ଲକ୍ଷ ଲକ୍ଷ ଭଉଣୀ ଏବଂ ଭାଇ ବିସ୍ଥାପିତ ହୋଇଥିଲେ ଏବଂ ଏପରିକି ପ୍ରାଣ ହରାଇଲେ । ସେହି ଲୋକଙ୍କ ସଂଗ୍ରାମ ଏବଂ ବଳିଦାନକୁ ସ୍ମରଣ କରି ୧୪ ଅଗଷ୍ଟକୁ ‘ବିଭୀଷିକା ସ୍ମୃତି ଦିବସ’ ଭାବରେ ପାଳନ କରିବାକୁ ନିଷ୍ପତ୍ତି ନିଆଯାଇଛି ।

ଆମେ ଆପଣଙ୍କୁ କହିବୁ ଯେ ଭାରତ ଏହାର ସ୍ୱାଧୀନତା ଦିବସକୁ ୧୫ ଅଗଷ୍ଟରେ ପାଳନ କରୁଥିବାବେଳେ ପାକିସ୍ତାନ ଏହାକୁ ୧୪ ଅଗଷ୍ଟରେ ପାଳନ କରିଥାଏ । ଅଗଷ୍ଟ ୧୪ରେ, ଭାରତ ଦୁଇ ଭାଗରେ ବିଭକ୍ତ ହେଲା ଏବଂ ଏକ ନୂତନ ଦେଶ ଜନ୍ମ ହେଲା । ୧୯୪୭ ମସିହାରେ ବ୍ରିଟିଶ ଉପନିବେଶ ଶାସନ ଦ୍ବାରା ଭାରତ ବିଭାଜନ ପରେ ପାକିସ୍ତାନ ଏକ ମୁସଲମାନ ଦେଶ ଭାବରେ ଠିଆ ହୋଇଥିଲା । ବ୍ୟାପକ ଦଙ୍ଗା ଯୋଗୁଁ ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଥିଲେ ଏବଂ ଅନେକ ଲକ୍ଷ ଲୋକ ପ୍ରାଣ ହରାଇଥିଲେ ।