ଐତିହାସିକ ଲର୍ଡ୍ସ ଗ୍ରାଉଣ୍ଡରେ ମ୍ୟାଚ ଦେଖିବା ପାଇଁ ଲଣ୍ଡନ ଗସ୍ତରେ ବିସିସିଆଇ ଅଧ୍ୟକ୍ଷ ଗାଙ୍ଗୁଲୀ

ବିସିସିଆଇ ସଭାପତି ସୌରଭ ଗାଙ୍ଗୁଲି ଐତିହାସିକ ଲର୍ଡ୍ସ ଗ୍ରାଉଣ୍ଡ୍‌ରେ ବସି ଭାରତ-ଇଂଲଣ୍ଡ ମଧ୍ୟରେ ହେବାକୁ ଥିବା ଦ୍ୱିତୀୟ ଟେଷ୍ଟ ଦେଖିବାକୁ ନିଷ୍ପତ୍ତି ନେଇଛନ୍ତି । ସେ ଖୁବ୍‌ ଶୀଘ୍ର ଲଣ୍ଡନ ଯାତ୍ରା କରିବେ ।

ସୂଚନା ମୁତାବିକ, ୮ ତାରିଖରୁ ବ୍ରିଟେନ୍‌ ସରକାର ଭାରତ ପାଇଁ କରୋନା କଟକଣା କୋହଳ କରିଛନ୍ତି । ଅର୍ଥାତ କୌଣସି ଭାରତୀୟ ବ୍ରିଟେନ୍‌ରେ ପହଞ୍ଚି ସମ୍ପୂର୍ଣ୍ଣ କରୋନା ଟିକା ନେଇସାରିଥିବାର ପ୍ରମାଣପତ୍ର ପ୍ରଦର୍ଶନ କଲେ ୧୦ଦିନିଆ କଠୋର କ୍ୱାରେଣ୍ଟାଇନ୍‌ରେ ରହିବ ନାହିଁ । ସୌରଭ ଓ ବିସିସିଆଇ ସଦସ୍ୟମାନେ ଉଭୟ ଡୋଜ ଟିକା ନେଇସାରିଛନ୍ତି । ତେଣୁ ଲଣ୍ଡନରେ ପହଞ୍ଚିବା ପରେ କ୍ୱାରେଣ୍ଟାଇନ୍‌ରେ ରହିବେ ନାହିଁ । ସୌରଭଙ୍କ ସହ ବିସିସିଆଇ ସମ୍ପାଦକ ଜୟ ଶାହ, ଉପ ସଭାପତି ରାଜୀବ ଶୁକ୍ଳା, କୋଷାଧ୍ୟକ୍ଷ ଅରୁଣ ଧୁମାଲ ମଧ୍ୟ ଲଣ୍ଡନ ଗସ୍ତ କରିବାର କାର୍ଯ୍ୟକ୍ରମ ରହିଛି ।