ଜିଓଫାଇବର୍ ଭୁବନେଶ୍ୱର ସମେତ ଓଡ଼ିଶାର ଅନ୍ୟ ସହରର ପ୍ରମୁଖ ଆବାସିକ ସୋସାଇଟି ଏବଂ ଆପାର୍ଟମେଂଟରେ ଡିଜିଟାଲ ଲାଇଫଲାଇନ ପାଲଟିଛି

ଭୁବନେଶ୍ୱର: ସାଂପ୍ରତିକ ମହାମାରୀ ସମୟରେ ଅନ୍‌ଲାଇନ ପାଠପଢା ପାଇଁ ଛାତ୍ରଛାତ୍ରୀ ଓ ଶିକ୍ଷକ ହୁଅନ୍ତୁ, ଅଥବା ଘରେଥାଇ କାମ କରୁଥିବା (ୱାର୍କ ଫ୍ରମ ହୋମ୍‌) ବୃତ୍ତିଧାରୀ, କିମ୍ବା କ୍ଷୁଦ୍ର ବ୍ୟବସାୟୀ ଏବଂ ଉଦ୍ୟୋଗୀ ହୁଅନ୍ତୁ, ସବୁ ବର୍ଗର ଲୋକଙ୍କ ପାଇଁ ନିରବଚ୍ଛିନ୍ନ ଡିଜିଟାଲ ସଂଯୋଗ ଅତ୍ୟାବଶ୍ୟକ ହୋଇପଡିଛି । ଭରସାଯୋଗ୍ୟ ହାଇ-ସ୍ପିଡ ଇଂଟରନେଟର ବର୍ଦ୍ଧିତ ଆବଶ୍ୟତାକୁ ଦୃଷ୍ଟିରେ ରଖି ରିଲାଏନ୍ସ ଜିଓ ଓଡ଼ିଶାର ୨୭ରୁ ଅଧିକ ସହର ଓ ନଗରରେ ପ୍ରମୁଖ ଅଂଚଳଗୁଡିକରେ ଦେଶର ସର୍ବାଧିକ ଲୋକପ୍ରିୟ ହାଇ-ସ୍ପିଡ ବ୍ରଡବ୍ୟାଣ୍ଡ୍ ସେବା, ଜିଓଫାଇବରକୁ ଦ୍ରୁତ ସଂପ୍ରସାରିତ କରିଛି । ହଜାର ହଜାର ବ୍ୟକ୍ତିଗତ ଏବଂ ଔଦ୍ୟୋଗିକ ଉପଭୋକ୍ତାଙ୍କୁ ନିରବଚ୍ଛିନ୍ନ ହାଇ-ସ୍ପିଡ ବ୍ରଡବ୍ୟାଣ୍ଡ୍ ସେବା ଯୋଗାଇବା ସହିତ ଜିଓଫାଇବର ସଂପ୍ରତି ରାଜ୍ୟର ରାଜଧାନୀ ଭୁବନେଶ୍ୱର ସମେତ ରାଜ୍ୟର ବଡ ସହରଗୁଡିକରେ ଥିବା ଅଧିକାଂଶ ପ୍ରମୁଖ ଆବାସିକ ସୋସାଇଟି ଓ ଆପାର୍ଟମେଂଟ ଗୁଡିକର ହଜାର ହଜାର ବାସିନ୍ଦାଙ୍କ ପାଇଁ ବାସ୍ତବରେ ଏକ ଡିଜିଟାଲ ଜୀବନରେଖାରେ ପରିଣିତ ହୋଇଛି ।
ସାଂପ୍ରତିକ ପରିସ୍ଥିତିରେ ବହୁସଂଖ୍ୟକ ବାସିନ୍ଦା ନିଜ ଘରେ ଥାଇ କାର୍ଯ୍ୟ କରୁଥିବା ଏବଂ ଛାତ୍ରଛାତ୍ରୀ ଅନ୍‌ଲାଇନ କ୍ଲାସରେ ଯୋଗଦେଉଥିବା ଦୃଷ୍ଟିରୁ ଓଡ଼ିଶାର ଭୁବନେଶ୍ୱର, କଟକ, ସମ୍ବଲପୁର, ରାଉରକେଲା, ବ୍ରହ୍ମପୁର ଏବଂ ଅନ୍ୟ ପ୍ରମୁଖ ସହରଗୁଡିକରେ ଥିବା ଆବାସିକ ସୋସାଇଟି, ସୁଉଚ୍ଚ ଅଟ୍ଟାଳିକା, ଆପାର୍ଟମେଂଟ କଂପ୍ଲେକ୍ସ ଆଦିରେ ବାସକରୁଥିବା ଲୋକଙ୍କ ପାଇଁ ଦ୍ରୁତ ସଂପ୍ରସାରିତ ହେଉଥିବା ଜିଓଫାଇବର ହାଇ-ସ୍ପିଡ ବ୍ରଡବ୍ୟାଣ୍ଡ୍ ସେବା ବେଶ୍ ଉପଯୋଗୀ ହୋଇପାରିଛି । ଏପରିକି ମହାମାରୀ ଏବଂ ଲକ୍‌ଡାଉନ୍ ଭଳି ସମୟରେ ମଧ୍ୟ ଜିଓଫାଇବର ନୂତନ ସଂଯୋଗ ଯୋଗାଇଦେବା ସହିତ ଘରେ ରହି କାମ କରୁଥିବା ଗ୍ରାହକଙ୍କର ପ୍ରତ୍ୟେକ ଆବଶ୍ୟକତା ପୂରଣ କରିବା ଦିଗରେ କାର୍ଯ୍ୟ କରୁଛି । ଭୁବନେଶ୍ୱରରେ କସ୍‌ମୋପଲିସ, ଡିଏନ୍ ଅକ୍ସି ପାର୍କ, ଜେଡ୍ ୱାନ୍‌, ରୟାଲ ଲାଗୁନ, ଟାଟା ଆରିଆନା, ଟ୍ରାଇଡେଂଟ ଗାଲାକ୍ସି, ଭିପୁଲ ଗାର୍ଡେନ, ମଣି ତ୍ରିଭୁବନ, କ୍ଲବ ଟାଉନ ସମେତ ଶତାଧିକ ବୃହତ ଓ ମଧ୍ୟମ ଆବାସିକ ସୋସାଇଟି ଓ ଅପାର୍ଟମେଂଟ୍‌ଗୁଡିକୁ ହାଇ-ସ୍ପିଡ ବ୍ରଡବ୍ୟାଣ୍ଡ୍ ସଂଯୋଗ କରିବା ସହିତ ଜିଓଫାଇବର ସଂପ୍ରତି ଓଡ଼ିଶାର ଅନେକ ସହର ଓ ନଗରାଂଚଳରେ ରହିଥିବା ୪୦୦ରୁ ଅଧିକ ଆବାସିକ ସୋସାଇଟି ଏବଂ ଆପାର୍ଟମେଂଟ କଂପ୍ଲେକ୍ସରେ ଉପଲବ୍ଧ ହେଉଛି ।
କ୍ଲବ ଟାଉନ ସ୍ଥିତ ନିଜ ବାସଭବନରେ ସଂପ୍ରତି ୱାର୍କ-ଫ୍ରମ୍‌-ହୋମ୍‌ରେ ଥିବା ଏକ ଅଗ୍ରଣୀ ବିଶ୍ୱସ୍ତରୀୟ ଆଇଟି କମ୍ପାନୀରେ କାର୍ଯ୍ୟରତ ଜଣେ ଆଇଟି ବୃତ୍ତିଧାରୀ କହିଛନ୍ତି, ସେ ଘରେ ରହି ଅଫିସ୍ କାର୍ଯ୍ୟ କରିବା ଜିଓଫାଇବର୍‌ର ଭରସାଯୋଗ୍ୟ ଏବଂ ନିରବଚ୍ଛିନ୍ନ ହାଇ-ସ୍ପିଡ ଇଂଟରନେଟ ସେବା ଯୋଗୁ ସମ୍ଭବ ହୋଇପାରିଛି, କାରଣ ସେ ନିଜ ଘରେ ସ୍ୱାଚ୍ଛନ୍ଦ୍ୟରେ ବସି ବିନା କୌଣସି ପ୍ରତିବନ୍ଧକରେ କାର୍ଯ୍ୟ କରିବା ସହିତ ଅନ୍‌ଲାଇନ ମିଟିଂ ଏବଂ ଭିଡିଓ କନ୍‌ଫରେନ୍ସଗୁଡିକରେ ଯୋଗଦେଇପାରୁଛନ୍ତି । ଅନୁରୂପ ପ୍ରତିକ୍ରିୟା ପ୍ରକାଶକରି ଜେଡ୍ ୱାନ୍ ଆପାର୍ଟମେଂଟରେ ରହୁଥିବା ଜଣେ କାର୍ଯ୍ୟରତ ଡାକ୍ତର କହିଛନ୍ତି, ଜିଓଫାଇବର ପକ୍ଷରୁ ଯୋଗାଇ ଦିଆଯାଉଥିବା ଭରସାଯୋଗ୍ୟ ହାଇ-ସ୍ପିଡ ବ୍ରଡବ୍ୟାଣ୍ଡ୍ ସଂଯୋଗ ରୋଗୀ ଏବଂ ତାଙ୍କ ସାଥୀ ଡାକ୍ତରମାନଙ୍କ ସହିତ ଭିଡିଓ ପରାମର୍ଶକୁ ସୁରୁଖୁରୁରେ ପରିଚାଳନା କରିବାରେ ବେଶ୍ ସହାୟକ ହେବା ସହିତ ତାଙ୍କ ପୁରା ପରିବାରକୁ ଅସୀମିତ ମନୋରଂଜନ, ଖବର, ସ୍ୱାସ୍ଥ୍ୟ ଏବଂ ଶିକ୍ଷା ପ୍ଲାଟଫର୍ମ ଉପଭୋଗ କରିବାର ସମୃଦ୍ଧ ଅନୁଭୂତି ପ୍ରଦାନ କରୁଛି ।
ଏଠାରେ ଉଲ୍ଲେଖଯୋଗ୍ୟ ଯେ ରିଲାଏନ୍ସ ଜିଓ ଓଡ଼ିଶାରେ ଅନେକ ସହର ଓ ନଗରାଂଚଳକୁ ଏହାର ହାଇ ସ୍ପିଡ ବ୍ରଡବ୍ୟାଣ୍ଡ୍ ସେବା ଜିଓଫାଇବର ଦ୍ରୁତ ସଂପ୍ରସାରଣ କରୁଛି ଏବଂ ଏହା ସଂପ୍ରତି ଭୁବନେଶ୍ୱର, କଟକ, ପୁରୀ, ଜଟଣି, ଅନଗୁଳ, ସମ୍ବଲପୁର, ରାଉରକେଲା, ଝାରସୁଗୁଡା, ବେଲପାହାଡ, ବ୍ରଜରାଜନଗର, ସୁନ୍ଦରଗଡ, ବଲାଙ୍ଗୀର, କେନ୍ଦୁଝର, ଭବାନିପାଟଣା, କୋରାପୁଟ, ରାୟଗଡା, କେନ୍ଦ୍ରାପଡା, ଜଗତସିଂହପୁର, ଯାଜପୁର ରୋଡ, ଭଦ୍ରକ, ତାଳଚେର, ଖୋର୍ଦ୍ଧା, ବ୍ରହ୍ମପୁର, ବାଲେଶ୍ୱର, ଜୟପୁର, ରାଜଗାଙ୍ଗପୁର ଆଦି ସହରର ପ୍ରମୁଖ ଅଂଚଳରେ ଉପଲବ୍ଧ ହେଉଛି ଏବଂ ରାଜ୍ୟର ଅନ୍ୟ ପ୍ରମୁଖ ସହର ଓ ନଗରଗୁଡିକୁ ଦ୍ରୁତ ସଂପ୍ରସାରଣ ଜାରି ରଖିଛି ।
ମାତ୍ର ୩୯୯ ଟଙ୍କାରୁ ଆରମ୍ଭ ହେଉଥିବା ସୁଲଭ ମୂଲ୍ୟର ପ୍ଲାନଗୁଡିକ ସହିତ ଜିଓଫାଇବର ନୂଆ ଗ୍ରାହକଙ୍କ ପାଇଁ କୌଣସି ସର୍ତ୍ତ ନରଖି ଏକମାସ ମାଗଣା ବ୍ୟବହାର ସୁବିଧା ଯୋଗାଇ ଦେଉଛି । ଯେଉଁଥିରେ ଏହା ଗ୍ରାହକଙ୍କୁ ମାଗଣାରେ ୩୦ ଦିନ ପାଇଁ ୧୫୦ ଏମବିପିଏସ୍ ସ୍ପିଡ୍ ର ବ୍ରଡବ୍ୟାଣ୍ଡ୍ ସେବା ଏବଂ ଅସୀମିତ ଇଂଟରନେଟ ସହିତ ଆମଜନ୍ ପ୍ରାଇମ୍‌, ଡିଜ୍‌ନୀ ହଟ୍‌ଷ୍ଟାର୍ ଭଳି ୧୩ଟି ପ୍ରିମିୟମ ଓଟିଟି ଆପ୍ ଦେଖିବା ସୁବିଧା ଉପଲବ୍ଧ କରାଉଛି ଏବଂ ମାଗଣା ପରୀକ୍ଷାମୂଳକ ବ୍ୟବହାର ପରେ ଗ୍ରାହକ ଯଦି ଚାହାନ୍ତି ତେବେ ତାହା ଫେରସ୍ତ ନେବା ବିକଳ୍ପ ମଧ୍ୟ ପ୍ରଦାନ କରୁଛି ।