କରୋନାରେ ଆଖି ବୁଜିଲେ ପ୍ରଖ୍ୟାତ ଅଭିନେତ୍ରୀ ଶ୍ରୀପଦା

କରୋନା କବଳରେ ବଲିଉଡ ସେଲିବ୍ରିଟି। ଗୋଟିଏ ପରେ ଗୋଟିଏ ସେଲିବ୍ରିଟି କରୋନା ଆକ୍ରାନ୍ତ ହେଉଥିବାବେଳେ ଏହି ମହାମାରୀ ଅନେକଙ୍କର ଜୀବନ ନେଇସାରିଲାଣି । ଏହି କ୍ରମରେ ବଲିଉଡର ଜଣାଶୁଣା ଅଭିନେତ୍ରୀ ଶ୍ରୀପ୍ରଦାଙ୍କର କରୋନାରେ ଦେହାନ୍ତ ହୋଇଛି । ସେ ଗତ କିଛି ଦିନ ହେବ କରୋନା ସଂକ୍ରମିତ ହୋଇଥିଲେ । ସିନେ ଏବଂ ଟିଭି ଆର୍ଟିଷ୍ଟ ଆସୋସିଏସନ୍ (ସିନଟା) ର ସାଧାରଣ ସମ୍ପାଦକ ଅମିତ ବହଲ ଶ୍ରୀପ୍ରଦାଙ୍କ ମୃତ୍ୟୁକୁ ନେଇ ନିଶ୍ଚିତ କରିଛନ୍ତି । ୮୦ ଏବଂ ୯୦ ଦଶକରେ ଅଭିନୟ କରି ଦର୍ଶକଙ୍କ ହୃଦୟରେ ରାଜ୍ କରୁଥିବା ଶ୍ରୀପଦା ଅନେକ ହିନ୍ଦୀ ଏବଂ ଭୋଜପୁରୀ ଚଳଚ୍ଚିତ୍ରରେ ଅଭିନୟ କରିଛନ୍ତି। ‘ଆଗ କେ ଶୋଲେ’, ‘ଖୁନ୍ କି ପ୍ୟାସି’, ‘ବେୱଫା ସନମ୍’, ‘ଟାଇମ୍ କି ସ୍ପିଡ୍’ ଭଳି ଅନେକ ବଲିଉଡ ଚଳଚ୍ଚିତ୍ରରେ କାମ କରିଛନ୍ତି ଶ୍ରୀପଦା। ଅମିତ ବହଲ କହିଛନ୍ତି, କୋଭିଡର ଦ୍ୱିତୀୟ ଲହର ଶ୍ରୀପଦାଙ୍କ ଉପରେ ଭାରି ପଡିଥିଲା । ସେ ଆହୁରି କହିଛନ୍ତି ତାଙ୍କ କ୍ୟାରିଅରରେ ଶ୍ରୀପ୍ରଦା ପ୍ରାୟ ୭୦ ଟି ଚଳଚ୍ଚିତ୍ରରେ କାମ କରିଥିଲେ । ହିନ୍ଦୀ ବ୍ୟତୀତ ସେ ଶ୍ରୀପଦାରୁ ଭୋଜପୁରୀ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି । ଶ୍ରୀପ୍ରଦା ୧୮୮୯ ସୁପରଷ୍ଟାର ଧର୍ମେନ୍ଦ୍ର ଏବଂ ସ୍ୱର୍ଗତ ବିନୋଦ ଖାନ୍ନାଙ୍କ ଚଳଚ୍ଚିତ୍ର ବଟଓ୍ୱାରାରେ ମଧ୍ୟ କାମ କରିଥିଲେ । ଏହା ଅତ୍ୟନ୍ତ ଦୁଃଖଦାୟକ ଯେ, ଆମେ ଜଣେ ଭଲ ଅଭିନେତ୍ରୀଙ୍କୁ ହରାଇଛୁ । ଆମେ ଈଶ୍ବରଙ୍କୁ ପ୍ରାର୍ଥନା କରୁଛୁ ଯେ ତାଙ୍କ ଆତ୍ମାକୁ ଶାନ୍ତି ମିଳୁ।