ପରଲୋକରେ ଲୋକପ୍ରିୟ ଅଭିନେତା ଅମିତ ମିସ୍ତ୍ରୀ

ପରଲୋକରେ ଗୁଜରାଟର ଲୋକପ୍ରିୟ ଅଭିନେତା ଅମିତ ମିସ୍ତ୍ରୀ। ଶୁକ୍ରବାର ସକାଳେ ଅମିତଙ୍କର ହୃଦଘାତରେ ମୃତ୍ୟୁ ହୋଇଛି। ସେ ନିଜର କ୍ୟାରିୟରରେ ଅନେକ ଚର୍ଚ୍ଚିତ ଫିଲ୍ମରେ କାମ କରିଛନ୍ତି। ତାହା ଭିତରେ କ୍ୟା କେହେନା, ଏକ ଚାଲିସ୍‌ କି ଲାଷ୍ଟ ଲୋକାଲ, ୯୯, ଶୋର ଇନ୍ ଦ ସିଟି, ୟମଲା ପଗଲା ଦିଓ୍ବାନା, ବେ ୟାର, ଏ ଜେଣ୍ଟଲମ୍ୟାନ୍ ଓ ଆମାଜନ୍ ପ୍ରାଇମ ସିରିଜ୍‌ର ‘ବନନ୍ଦିସ୍ ବ୍ୟାନଡିଟସ୍’ ଭଳି ଫିଲ୍ମରେ କାମ କରିଛନ୍ତି। ଏହା ସହିତ ସେ ବହୁ ସିରିୟଲରେ ମଧ୍ୟ କାମ କରିଛନ୍ତି। ସେ ସାତ୍ ଫେରେ କି ହେରାଫେରି, ୟେ ଦୁନିୟା ହେ ରଙ୍ଗୀନ, ଶୁଭ ମଙ୍ଗଳ ସାବଧାନ, ଦଫା ୪୨୦, ତେନାଲି ରାମା, ମ୍ୟାଡମ୍ ସାର୍ ଭଳି ସିରିଏଲରେ ଅଭିନୟ କରିସାରିଛନ୍ତି। ଦ ସିନେ ଆଣ୍ଡ ଟିଭି ଆର୍ଟିଷ୍ଟ ଆସୋସିଏସନ୍ (CINTAA) ଅଭିନେତାଙ୍କର ମୃତ୍ୟୁ ନେଇ ଶୋକ ବ୍ୟକ୍ତ କରିଛି।

#CINTAA expresses its deepest condolence on the demise of #AmitMistry (Member since 2004) @Djariwalla @actormanojjoshi @amitbehl1 @SuneelSinha @deepakqazir @NupurAlankar @abhhaybhaargava @sanjaymbhatia @rajeshwarisachd @neelukohliactor @JhankalRavi @rakufired @GhanshyamSriv19 pic.twitter.com/poax6xRUkx

— CINTAA_Official (@CintaaOfficial) April 23, 2021

CINTAA ନିଜର ଅଫିସିଆଲ ଟୁଇଟର ହ୍ୟାଣ୍ଡେଲରେ ଅମିତଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଛି। ଅମିତ ଗୁଜରାଟର ଜଣେ ପ୍ରସିଦ୍ଧ ଅଭିନେତା। ସେ ଥିଏଟରରୁ କାମ କରିବା ଆରମ୍ଭ କରିଥିଲେ। ସେଥିପାଇଁ ଅଭିନୟ ଖୁବ୍ ସୁନ୍ଦର ଥିଲା। ନିଜର ଅଭିନୟ କ୍ୟାରିୟର ଭିତରେ ସେ ବହୁ ସିରିଏଲ ଓ ଫିଲ୍ମରେ କାମ କରିଛନ୍ତି। ଦିଲ୍ଲୀପ ଯୋଶୀଙ୍କ ସହ ତାଙ୍କର ଅଭିନୟକୁ ନେଇ ଜଣାଯାଏ। ଅମିତଙ୍କୁ ଶୁକ୍ରବାର ସକାଳେ ହୃଦଘାତ ହୋଇଥିଲା। ହସ୍ପିଟାଲ ଯିବା ପୂର୍ବରୁ ତାଙ୍କର ମୃତ୍ୟୁ ହୋଇଯାଇଥିଲା। ସେ ନିଜର ମା’ଙ୍କ ସହିତ ମୁମ୍ବାଇରେ ରହୁଥିଲେ। ଅମିତଙ୍କର ମୃତ୍ୟୁ ଖବର ଜାଣିବା ପରେ ବହୁ ଟିଭି ଓ ଫିଲ୍ମ ଅଭିନେତା ଶୋକ ବ୍ୟକ୍ତ କରିଛନ୍ତି। ୧୦ ବର୍ଷ ତଳେ ଅମିତଙ୍କର ପତ୍ନୀଙ୍କଠାରୁ ଛାଡପତ୍ର ହୋଇଥିଲା। ଅମିତଙ୍କ ମା’ ନିଜର ଜଣେ ସମ୍ପର୍କୀୟଙ୍କ ସହ ମିଶି ପୁଅର ଅନ୍ତିମ ସଂସ୍କାର କରିବେ।