କରୋନା କବଳରେ ସୋନୁସୁଦ: ତଥାପି ସାହାଯ୍ୟ ଜାରି ରଖିବେ ବୋଲି କହିଲେ ଅଭିନେତା
ସାରା ଦେଶରେ କରୋନା ଭାଇରସର ନୂଆ ରୂପ ତାଣ୍ଡବ କରୁଥିବାବେଳେ ମହାରାଷ୍ଟ୍ର ଏହି ସଂକ୍ରମଣର ମୂଳ ସ୍ଥାନ ପାଲଟିଛି। ବଲିଉଡର ଅନେକ ଭେଟେରାନ୍ ଅଭିନେତା ଏହି ଭାଇରସ୍ କବଳିତ ହେବା ପରେ ଘରେ ବସିଛନ୍ତି। ବର୍ତ୍ତମାନ ସୋନୁ ସୁଦ ମଧ୍ୟ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି। ସୋନୁ ସୁଦ ଟୁଇଟ କରି ତାଙ୍କ କୋଭିଡ ସଂକ୍ରମିତ ହୋଇଥିବା ସୂଚନା ଦେଇଛନ୍ତି। ସେ କହିଛନ୍ତି ଯେ ସମସ୍ତ ସତର୍କତା ଅବଲମ୍ବନ କରି ସେ ନିଜକୁ ନିଜକୁ କ୍ବାରେଂଟିନ କରିଛନ୍ତି । ଏହି ଖବର ପରେ ତାଙ୍କର କୋଟିକୋଟି ପ୍ରଶଂସକ ଦୁଃଖରେ ଭାଙ୍ଗି ପଡିଛନ୍ତି ।
କୋଭିଡ୍ ପଜିଟିଭ୍ ଚିହ୍ନଟ ହେବା ପରେ ସୋନୁ ସୁଦ୍ ଏକ ପୋଷ୍ଟ ସେୟାର କରିଥିଲେ । ଏଥିରେ ସେ ଲେଖିଥିଲେ ଯେ, ସୁରକ୍ଷା ଦୃଷ୍ଟିରୁ ସେ ନିଜକୁ କ୍ୱାରେଣ୍ଟାଇନ୍ କରିଛନ୍ତି । ସେ ଆହୁରି ମଧ୍ୟ ଲେଖିଛନ୍ତି ଯେ, ଏଥିପାଇଁ କାହାକୁ ଚିନ୍ତା କରିବାର ଆବଶ୍ୟକତା ନାହିଁ । କାରଣ ଏହାଦ୍ବାରା ମପଁ ଆପଣଙ୍କ ଅସୁବୁଧାଗୁଡ଼ିକର ସମାଧାନ କରିବା ପାଇଁ ପର୍ଯ୍ୟାପ୍ତ ସମୟ ପାଇବି । ମନେରଖନ୍ତୁ ମୁଁ ସବୁବେଳେ ଆପଣଙ୍କ ପାଇଁ ରହିଥିବି ।
— sonu sood (@SonuSood) April 17, 2021
ସୂଚନାଯୋଗ୍ୟ, ସୋନୁ ସୁଦ୍ କରୋନା ସମୟରେ ଲକ୍ଷଲକ୍ଷ ପ୍ରବାସୀଙ୍କୁ ସେମାନଙ୍କ ଘରକୁ ପଠାଇଥିଲେ । ଅନେକଙ୍କ ଆବଶ୍ୟକତା ପୂରଣ କରିଥିଲେ । ଏପରିକି ଶହଶହ ଲୋକଙ୍କୁ ରୋଜଗାର ଦେବା ସହ ରିଅଲ୍ ହିରୋ ପାଲଟିଥିଲେ । ଯାହାକୁ ସବୁ ଦିଗରୁ ପ୍ରଶଂସାର ସୂଅ ଛୁଟିଥିଲା ।
Comments are closed.