କ୍ରିଜ୍‌ ଛାଡ଼ି ନ୍ୟୁଜିଲ୍ୟାଣ୍ଡ ଫିଲ୍ଡରଙ୍କ ସାମ୍ନାରେ ବ୍ୟାୟାମ କଲେ ପାକ୍‌ ଅଧିନାୟକ, ଭିଡିଓ ଭାଇରାଲ

ବୁଧବାର ନ୍ୟୁଜିଲ୍ୟାଣ୍ଡ ପାକିସ୍ତାନ ବିପକ୍ଷରେ ରୋମାଞ୍ଚକର ପାଳି ଖେଳି ୨ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ରେ ୧-୦ରେ ଆଗୁଆ ରହିଛି। କେନ୍‌ ୱିଲିୟମସନଙ୍କୁ ଶତକୀୟ ପାଳି ପାଇଁ ମ୍ୟାନ୍‌ ଅଫ ଦି ମ୍ୟାଚ୍‌ ଟ୍ରଫି ଦିଆଯାଇଛି। ପାକିସ୍ତାନ ୩୭୩ ରନ୍‌ର ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇ ତିନି ୱିକେଟର ୭୧ ରନ୍‌ରୁ ଖେଳ ଆରମ୍ଭ କରିଥିଲା। ଦିନ ଶେଷ ହେବା ବେଳକୁ ୪.୩ ଓଭର ପୂର୍ବରୁ ୨୭୧ ରନ୍‌ରେ ଅଟକିଥିଲା ପାକ୍‌ ଟିମ୍‌। ଏହି ମ୍ୟାଚ୍‌ରେ ପାକିସ୍ତାନ ଅଧିନାୟକ ମହମ୍ମଦ ରିଜୱାନ ୧୯୧ ବଲ୍‌ରେ ୬୦ ରନ୍‌ କରିଥିଲେ।

Moves like J̶a̶g̶g̶e̶r̶ G̶a̶f̶f̶a̶n̶e̶y̶ Rizwan

Catch it live #NZvPAK #InsideEdge ⭕️🏏 pic.twitter.com/gkGZJ3FGVV

— Spark Sport (@sparknzsport) December 30, 2020

ତେବେ ଏହି ସମୟରେ ଘଟିଥିବା ଏକ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ବ୍ୟାଟିଂ ପାଇଁ ରିଜଓ୍ବାନ ପ୍ରସ୍ତୁତ ହେଉଥିଲେ। ଠିକ୍‌ ଏହି ସମୟରେ ହଠାତ ପାଖରେ ଛିଡ଼ା ହୋଇଥିବା ନ୍ୟୁଜିଲ୍ୟାଣ୍ଡ ଫିଲ୍ଡର ଟମ୍‌ ଲ୍ୟାଥମଙ୍କ ପାଖକୁ ରିଜୱାନ ଯାଇ ବ୍ୟାୟାମ କରିଥିଲେ। ଏହି ଭିଡିଓକୁ ନ୍ୟାଜିଲ୍ୟାଣ୍ଡ କ୍ରିକେଟ ପକ୍ଷରୁ ଟ୍ୱିଟରରେ ସେୟାର କରାଯାଇଛି। ଏହା ସହ ଏଥିରେ କ୍ୟାପ୍ସନ ରହିଛି, ‘ ମହମ୍ମଦ ରିଜୱାନ  ଡ୍ୟାନ୍ସିଂ ସୋଜ୍‌ ସହିତ ସେସନ ଆରମ୍ଭ କରିଛନ୍ତି।’ ତେବେ ରିଜୱାନ ବ୍ୟାୟାମ କରିବା ବନ୍ଦ କରିବା ପରେ ଟମ୍‌ ଲ୍ୟାଥମ ଓ ୱିକେଟ କିପର ବଟଲିଙ୍ଗ ହସିବାକୁ ଲାଗିଥିଲେ। ଏହି ଭିଡିଓରେ କମେଣ୍ଟ ଦେଇ ଜଣେ ପାକ୍‌ କ୍ରିକେଟ ପ୍ରେମୀ ଲେଖିଛନ୍ତି, ‘ ହଁ ଆମ ନୂଆ ଟେଷ୍ଟ ଅଧିନାୟକ ଏହି ମ୍ୟାଚ୍‌କୁ ଉପଭୋଗ କରୁଛନ୍ତି।’