ଆଜିର ଦିନ ସ୍ୱର୍ଣ୍ଣ ଅକ୍ଷରରେ ଲେଖାଯିବ, କହିଲେ ରାମାୟଣର ‘ରାମ’

ଆଜି ହେଉଛି ଏକ ମହାନ ଓ ପବିତ୍ର ଦିନ। ଅଯୋଧ୍ୟାରେ ରାମମନ୍ଦିର ପାଇଁ ଭୂମି ପୂଜାର କାର୍ଯ୍ୟକ୍ରମ ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ଶେଷ ହୋଇଛି।ଏଥିପାଇଁ ସମସ୍ତ ସୁରକ୍ଷା ଓ ବ୍ୟବସ୍ଥା କରାଯାଇଥିଲା। ସମ୍ପୂର୍ଣ୍ଣ ଅଯୋଧ୍ୟା ନଗରୀକୁ ନବବଧୂ ଭଳି ସଜା ଯାଇଥିଲା। ଭୂମି ପୂଜା ପାଇଁ ସମସ୍ତ ଦେଶବାସୀ ବେଶ ଖୁସି ହୋଇଛନ୍ତି। ଏହି ଶୁଭ ଅବସରରେ ବଲିଉଡ଼ର ବିଭିନ୍ନ ତାରକା ମାନେ ଟ୍ୱିଟ କରିଛନ୍ତି। ବହୁ ଚର୍ଚ୍ଚିତ ଓ ପ୍ରସିଦ୍ଧି ଲାଭ କରିଥିବା ରାମାନନ୍ଦ ସାଗରଙ୍କ ଧାରାବାହିକ ରାମାୟଣରେ ରାମଙ୍କ ଚରିତ୍ର ଉପସ୍ଥାପନା କରିଥିବା ଅଭିନେତା ଅରୁଣ ଗୋବିଲ ମଧ୍ୟ ଏହି ଅବସରରେ ଟ୍ୱିଟ କରିଛନ୍ତି। ସେ କହିଛନ୍ତି ; ଇତିହାସରେ ଆଜିର ଦିନ ସ୍ୱର୍ଣ୍ଣ ଅକ୍ଷରରେ ଲେଖା ଯିବ। ଶ୍ରୀରାମ ମନ୍ଦିରର ଶିଳାନ୍ୟାସରେ ସାରା ଦୁନିଆରେ ସମସ୍ତ ଭକ୍ତଙ୍କ ସ୍ୱପ୍ନ ସତ ହୋଇଛି।ସମସ୍ତଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ଓ ଶୁଭକାମନା। ଜୟ ଶ୍ରୀରାମ।

इतिहास में आज का दिन स्वर्णिम अक्षरों में लिखा जाएगा। श्रीराम मंदिर के शिलान्यास से पूरी दुनिया के रामभक्तों का सपना साकार हो रहा है।आप सभी को हार्दिक बधाई और शुभकामनाऐं।
जय श्रीराम🙏

— Arun Govil (@arungovil12) August 5, 2020

ଏହା ପୂର୍ବରୁ ମଧ୍ୟ ଟ୍ୱିଟ ଯୋଗେ କହିଥିଲେ , ଅଯୋଧ୍ୟାରେ ରାମ ମନ୍ଦିର ପାଇଁ ବର୍ଷ ବର୍ଷ ସଂଘର୍ଷ କରିଥିବା ବ୍ୟକ୍ତିଙ୍କୁ ମୋର କୋଟି କୋଟି ପ୍ରଣାମ। ଆପଣ ସଭିଁଙ୍କ ମିଳିତ ପ୍ରୟାସ କାରଣରୁ ଆଜିର ଏହି ଶୁଭଦିନ ଦେଖିବାକୁ ସୌଭାଗ୍ୟ ମିଳିଛି। ଜୟ ଶ୍ରୀରାମ।