ପାକିସ୍ତାନରେ ରହିଛି କପୁର ପରିବାରର ୧୦୨ ବର୍ଷ ପୁରୁଣା ଏକ ବିରାଟ ମହଲ, ଯାହାକୁ ଭାଙ୍ଗିବା ପାଇଁ ହେଉଛି ଦାବି

ପାକିସ୍ତାନର ପେଶୱାର ସହରରେ ଅବସ୍ଥିତ କପୁର ରାଜବଂଶର ଐତିହାସିକ ଅଟ୍ଟାଳିକା ଏବେ ବିପଦରେ। ଶୋ ମ୍ୟାନ୍ ରାଜ କପୁର ଏବଂ ପୃଥ୍ବୀରାଜ କପୁରଙ୍କ ଜନ୍ମର ସାକ୍ଷୀ ଥିବା କପୁର ମହଲକୁ ଭାଙ୍ଗି ଦିଆଯାଇପାରେ। ପେଶୱାରର କିସୱା ଖୱାନି ବଜାରରେ ୧୯୧୮ ଏବଂ ୧୯୨୨ ମସିହାରେ ନିର୍ମିତ ଏହି ମହଲଟି ୧୦୨ ବର୍ଷ ପୁରୁଣା ଅଟେ |

ଏହି ମହଲର ବର୍ତ୍ତମାନର ମାଲିକ ଏହି ମହଲକୁ ଭାଙ୍ଗି ଏଠାରେ ଏକ ବ୍ୟବସାୟିକ କମ୍ପ୍ଲେକ୍ସ ନିର୍ମାଣ କରିବାକୁ ଚାହୁଁଛନ୍ତି। ଏହାପୂର୍ବରୁ, ଏହି ମହଲାର ଦୁର୍ବଳ ଏବଂ ଜଟିଳ ଅବସ୍ଥାକୁ ଦୃଷ୍ଟିରେ ରଖି ଏହାକୁ ଭାଙ୍ଗିବାକୁ ଚେଷ୍ଟା କରାଯାଇଛି।

୨୦୧୮ ରିଷି କପୁରଙ୍କ ଆବେଦନ ଉପରେ ପାକିସ୍ତାନ ସରକାର ଏହି ମହଲକୁ ଏକ ମ୍ୟୁଜିୟମରେ ପରିଣତ କରିବାକୁ ନିଷ୍ପତ୍ତି ନେଇଥିଲେ। ତା’ପରେ ବୈଦେଶିକ ମନ୍ତ୍ରୀ ଆଶ୍ୱାସନା ଦେଇଥିଲେ ଯେ ସେମାନେ ଏହି ମହଲକୁ ସଂଗ୍ରହାଳୟରେ ପରିଣତ କରିବେ। କିନ୍ତୁ ଏହା ଏପର୍ଯ୍ୟନ୍ତ ହୋଇପାରିଲା ନାହିଁ |

ମହଲର ଚାରିପାଖରେ ରହୁଥିବା ଥିବା ଲୋକମାନେ କୁହନ୍ତି ଯେ ଏହା ବର୍ତ୍ତମାନ ଏକ ଭୂତ ବଙ୍ଗଳାରେ ପରିଣତ ହୋଇଛି | ଦୁର୍ବଳ ସ୍ଥିତି ହେତୁ ଏହି ମହଲ ଯେକୌଣସି ସମୟରେ ଭୁଶୁଡି ପଡିପାରେ | ଏହି ମହଲଟିର ମାଲିକ ବର୍ତ୍ତମାନ ହାଜି ମହମ୍ମଦ ଇଶାରାର ଅଟନ୍ତି | ଯେ ଜଣେ ବଡ ଜ୍ବେଲର ଅଟନ୍ତି | ସେମାନେ ମହଲକୁ ୩-୪ ଥର ଭାଙ୍ଗିବାକୁ ଚେଷ୍ଟା କରିଛନ୍ତି। କିନ୍ତୁ ଖୈବର ପାଖ୍ଟନୱା ହେରିଟେଜ୍ ବିଭାଗ ସେମାନଙ୍କ ବିରୋଧରେ ଏଫ୍ଆଇଆର୍ ଦାଖଲ କରିଥିବାରୁ ସେମାନେ ତାହା କରିପାରିନଥିଲେ।

ଏହି ମହଲର ଐତିହାସିକ ମହତ୍ତ୍ୱ ଦେଖି ସରକାର ଏହାକୁ କିଣିବାକୁ ଚାହୁଁଛନ୍ତି, ଯାହାଫଳରେ ଏହା ପର୍ଯ୍ୟଟକମାନଙ୍କ ପାଇଁ ଖୋଲା ଯାଇପାରିବ | କିନ୍ତୁ ମହମ୍ମଦ ଇଶାରାର ଏହାକୁ ଛାଡି ଏହାକୁ ଏକ ବ୍ୟବସାୟିକ କମ୍ପ୍ଲେକ୍ସରେ ପରିଣତ କରିବାକୁ ଜିଦ୍ ଧରିଛନ୍ତି।

କପୁର ହାଭେଲି ୧୯୧୮ ମସିହାରେ ପୃଥ୍ବୀରାଜ କପୁରଙ୍କ ପିତା ବାସେଶ୍ୱର ନାଥ କପୁରଙ୍କ ଦ୍ୱାରା ନିର୍ମିତ ହୋଇଥିଲା। ୧୯୪୭ ମସିହାରେ ଭାରତ-ପାକିସ୍ଥାନ ବିଭାଜନ ପରେ କପୁର ପରିବାର ଏହି ମହଲ ଛାଡି ମୁମ୍ବାଇରେ ବସବାସ କଲେ। ପରେ ପାକିସ୍ତାନ ସରକାର କପୁର ପରିବାରର ଏହି ଐତିହ୍ୟକୁ ସାଂସ୍କୃତିକ ଐତିହ୍ୟର ମାନ୍ୟତା ଦେବାକୁ ନିଷ୍ପତ୍ତି ନେଇଥିଲେ।

୧୯୯୦ ରେ, ଶଶି କପୁର ପେଶୱାର ଯାଇ ଭାଇ ରଣନ୍ଧୀର କପୁରଙ୍କ ସହ ଏହି ମହଲ ଦେଖିବାକୁ ଯାଇଥିଲେ | ୨୦ ବର୍ଷ ପୂର୍ବେ ଭୂକମ୍ପ ପରେ ଏହି ମହଲାର କୋଠା ଖରାପ ହୋଇଯାଇଥିଲା। ଯାହା ପରେ ମହଲାର ଉପର ତିନି ମହଲା ଭାଙ୍ଗି ଦିଆଗଲା | ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ମହଲରେ ବର୍ତ୍ତମାନ ୬୦ଟି ରୁମ୍ ରହିଛି |