ହରଭଜନଙ୍କ ପ୍ରଥମ ଫିଲ୍ମର ପୋଷ୍ଟର ରିଲିଜ

ଭେଟେରାନ୍‌ କ୍ରିକେଟର ହରଭଜନ୍‌ ସିଂହ ଏବେ ଫିଲ୍ମ ଜଗତରେ ପାଦ ଥାପିବାକୁ ଯାଉଛନ୍ତି । ତାଙ୍କର ଅପ୍‌କମିଙ୍ଗ୍‌ ଫିଲ୍ମର ନାମ ରହିଛି ‘ଫ୍ରେଣ୍ଡସିପ୍‌’ । ଫିଲ୍ମଟି ତାମିଲ ଭାଷାରେ ନିର୍ମିତ ହୋଇଥିବାବେଳେ ତା’ର ନିର୍ଦ୍ଦେଶନା ଦେଉଛନ୍ତି ଜନ୍‌ ପଲ ରାଜ ଏବଂ ଶାମ ସୂର୍ଯ୍ୟା । ଏଥିରେ ଭଜିଙ୍କ ସହ ଅଭିନେତା ଅର୍ଜୁନ ସାରଜାଙ୍କୁ ଦେଖିବାକୁ ମିଳିବ । ନିକଟରେ ତା’ର ପୋଷ୍ଟର ମଧ୍ୟ ରିଲିଜ୍‌ ହୋଇଛି ।

இடியும்,மின்னலும் ஆர்பரிக்க இதோ #சூப்பர்ஸ்டார் #தல #தளபதி #உலகநாயகன் கோட்டையில் நம்ம #FriendShipFirstLook #FriendShipMotionPosterhttps://t.co/cSKWBMo4qBhttps://t.co/Ul58aIwsw1@JPRJOHN1 @ImSaravanan_P @shamsuryastepup @JSKfilmcorp @akarjunofficial #Losliya @Cinemaass pic.twitter.com/4NUTysM9j4

— Harbhajan Turbanator (@harbhajan_singh) June 5, 2020

ପୋଷ୍ଟରକୁ ହରଭଜନ୍‌ ନିଜ ଟ୍ୱିଟର ଆକାଉଣ୍ଟରେ ସେୟାର କରିବା ସହ ତାମିଲ ଭାଷାରେ ଏ ସଂପର୍କରେ ପ୍ରଶଂସକଙ୍କୁ ସୂଚନା ଦେଇଛନ୍ତି । ଫିଲ୍ମର କାହାଣୀ କଥା କହିବାକୁ ଗଲେ ତାହା ଏକ କଲେଜ ଏବଂ କ୍ରୀଡ଼ା ଉପରେ ପର୍ଯ୍ୟବସିତ । ଅବଶ୍ୟ ସେଥିରେ ହରଭଜନ୍‌ଙ୍କ ଭୂମିକା କ’ଣ ରହିବ ତାହା ନିର୍ଦ୍ଦିଷ୍ଟ ଭାବେ ଜଣାପଡ଼ି ନାହିଁ । ଅଗଷ୍ଟ ମାସରେ ଫିଲ୍ମଟି ମୁକ୍ତିଲାଭ କରିପାରେ ।