ଗୁଜୁରାଟର ରାସାୟନିକ କାରଖାନାରେ ବିସ୍ଫୋରଣ, ୫ ମୃତ ଅନେକ ଗୁରୁତର ଆହତ

ଗୁଜରାଟ ଭରୁଚ ଜିଲ୍ଲାର ଦହେଜ ଇଣ୍ଡଷ୍ଟ୍ରିଆଲ ଏରିଆରେ ଏକ କାରଖାନାରେ ବିସ୍ଫୋରଣ ଘଟିଥିବା ସୂଚନା ମିଳିଛି | ୟଶସ୍ଵୀ ରସାୟନ ପ୍ରାଇଭେଟ ଲିମିଟେଡ଼ରେ ବିସ୍ଫୋରଣ ହୋଇଥିବା ଜଣାପଡିଛି | ବିସ୍ଫୋରଣରେ ଅନେକ କର୍ମଚାରୀ ଆହତ ହୋଇଥିବା ଜଣାପଡିଛି | ପାଖାପାଖି ୩୨ ଜଣ ଏହି ବିସ୍ଫୋରଣରେ ଆହତ ହୋଇଛନ୍ତି | ରିପୋର୍ଟ ଅନୁଯାୟୀ, କୀଟନାଶକ କାରଖାନାରେ ଏହି ବିସ୍ଫୋରଣ ହୋଇଛି | ବିସ୍ଫୋରଣରେ ୫ ଜଣଙ୍କ ମୃତ୍ୟୁ ହୋଇଛି | ତେବେ କାରଖାନାରେ ବିସ୍ଫୋରଣର କାରଣ ଜଣାପଡିନାହିଁ | ଅଧିକାରୀଙ୍କ କହିବାନୁଯାୟୀ, କମ୍ପାନୀର ଷ୍ଟୋରେଜ ଏରିଆରେ ଦିନ ପାଖାପାଖି ୧୨ଟା ସମୟରେ ଅଗ୍ନିକାଣ୍ଡ ଘଟିଥିଲା | ଯେଉଁଥିପାଇଁ ବିସ୍ଫୋରଣ ହୋଇଥିଲା | ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି | ଖବର ପାଇ ୧୫ଟି ଦମକଳ ଘଟଣାସ୍ଥଳରେ ପହଞ୍ଚିଥିଲା | ଅଗ୍ନିଶମ ବିଭାଗ ପହଞ୍ଚି ସନ୍ଧ୍ୟା ୪ଟା ପର୍ଯ୍ୟନ୍ତ ନିଆଁକୁ ଆୟତ୍ତ କରିଛନ୍ତି | ତେବେ ଘଟଣାସ୍ଥଳରେ ଉପସ୍ଥିତ ଥିବା ଲୋକେ କହିଛନ୍ତି, ବିସ୍ଫୋରଣ ଏତେ ଜୋରରେ ହୋଇଥିଲା ଯେ ତାର ଶବ୍ଦ ପାଖାପାଖି ୨୦ କିଲୋମିଟର, ଭବନଗର ଯାଏଁ ଶୁଣାଯାଇଥିଲା |