ପ୍ରିୟଙ୍କା ଚୋପ୍ରାଙ୍କ ଭଉଣୀ ମୀରା ଚୋପ୍ରାଙ୍କୁ ଦୁଷ୍କର୍ମର ଧମକ, ସାଉଥଷ୍ଟାର ଜୁନିୟର ଏନଟିଆରଙ୍କ ଫ୍ୟାନ ନ ହେବା ପଢ଼ିଛି ଭାରୀ

ସାଉଥ ସୁପର ଷ୍ଟାର ଜୁନିୟର ଏନଟିଆରଙ୍କ ଫ୍ୟାନ ନ ହେବା ଯୋଗୁଁ ଟ୍ୱିଟରରେ ପ୍ରଶଂସକମାନେ ପ୍ରିୟଙ୍କା ଚୋପ୍ରାଙ୍କ ଭଉଣୀ ମୀରା ଚୋପ୍ରାଙ୍କ ଉପରେ ବର୍ଷିଛନ୍ତି । ଏପରିକି ଅଭିନେତାଙ୍କ ପ୍ରଶଂସକମାନେ ମୀରାଙ୍କୁ ଖରାପ ଭାଷାରେ ଗାଳି ମଧ୍ୟ କରିଛନ୍ତି । ଯାହାପରେ ବିବ୍ରତ ହୋଇ ମୀରା ଚୋପ୍ରା ସାଇବର ପୋଲିସରେ ଯାଇ ଏଭଳି ଲୋକମାନଙ୍କର ବିରୁଦ୍ଧରେ ଅଭିଯୋଗ କରିଛନ୍ତି ।

ଅସଲରେ ମୀରା ଚୋପ୍ରା ନୀକଟରେ ନିଜର ଟ୍ୱିଟର ଫ୍ୟାନମାନଙ୍କ ପାଇଁ ପ୍ରଶ୍ନ-ଉତର ସେସନ ରଖିଥିଲେ । ଏହା ମଧ୍ୟରେ କେହି ଜଣେ ଫ୍ୟାନ ତାଙ୍କୁ ଦକ୍ଷିଣ ଭାରତୀୟ ଫିଲ୍ମର ଅଭିନେତା ଜୁନିୟର ଏନଟିଆରଙ୍କୁ ନେଇ ପ୍ରଶ୍ନ ପଚାରିଥିଲେ । ଏହା ଉତର ଦେଇ ମୀରା କହିଥିଲେ ଯେ ସେ ଜୁନିୟର ଏନଟିଆରଙ୍କୁ ଜାଣନ୍ତି ନାହିଁ । ସେ ତାଙ୍କର ଫ୍ୟାନ ମଧ୍ୟ ନୁହଁନ୍ତି ।
ମୀରାଙ୍କର ଏହି ଉତର ପରେ କିଛି ସୋସିଆଲ ମିଡିଆ ୟୁଜର୍ସ ତାଙ୍କ ଉପରେ ଭୀଷଣ ଅସନ୍ତୁଷ୍ଟ ହୋଇଗଲେ ଏବଂ ତାଙ୍କୁ ଟ୍ୱିଟରରେ ଗାଳି ଦେବା ଆରମ୍ଭ କରିଦେଲେ । କିଛି ୟୁଜର୍ସ ତାଙ୍କୁ ପର୍ନ ଷ୍ଟାର କହିଲେ ତ କିଛି ତାଙ୍କୁ ମାତା-ପିତାଙ୍କୁ କରୋନାରେ ମରିବା କଥା ମଧ୍ୟ କହିଛନ୍ତି । ସୀମା ତ ସେତେବେଳେ ପାର ହୋଇଗଲା ଯେତେବେଳେ କିଛି ୟୁଜର୍ସ ତାଙ୍କୁ ଦୁଷ୍କର୍ମର ଧମକ ଦେବା ଆରମ୍ଭ କରିଦେଲେ ।

Putting some tweets out made my @tarak9999 fans. pic.twitter.com/si0n7YLD94

— meera chopra (@MeerraChopra) June 2, 2020

ଏହାପରେ ମୀରାଙ୍କ ସମର୍ଥନରେ ଟ୍ୱିଟରରେ #ୱିସପୋର୍ଟମୀରାଚୋପ୍ରା ଟ୍ରେଣ୍ଡ କରିବାକୁ ଲାଗିଲା । ମୀରା ଏଭଳି ଧମକି ଏବଂ ଗାଳି ଦେଉଥିବା ଲୋକମାନଙ୍କର ଅଭିଯୋଗ ରାଷ୍ଟ୍ରିୟ ମହିଳା ଆୟୋଗ ଏବଂ ସାଇବର ପୋଲିସରେ କରିଛନ୍ତି ।
ଏହା ବ୍ୟତୀତ ମୀରା ଚୋପ୍ରା ଜୁନିୟର ଏନଟିଆରଙ୍କୁ ଟ୍ୟାଗ କରି ପଚାରିଛନ୍ତି ଯେ , ସେ କଣ ମହେଶବାବୁଙ୍କ ଫ୍ୟାନ ବୋଲି ଆପଣଙ୍କ ଫ୍ୟାନମାନେ ମୋତେ ଗାଳି ଦେବେ । ମୁଁ ଜାଣିନଥିଲି ଯେ ମୁଁ ଜଣେ ବିଚ(ବେଶ୍ୟା), ପର୍ଣ୍ଣଷ୍ଟାର ବୋଲି କୁହାଯିବି, ବାସ କାହିଁକି ନା ମୋତେ ମହେଶବାବୁ ଅଧିକ ପସନ୍ଦ ? କଣ ଆପଣ ଏଭଳି ପ୍ରଶଂସକଙ୍କ ସହ ସଫଳ ଅନୁଭବ କରୁଛନ୍ତି ? ମୋର ଆଶା ଯେ ଆପଣ ମୋର ଟ୍ୱିଟକୁ ଅଣଦେଖା କରିବେ ନାହିଁ ।

@tarak9999 i didnt kno that ill be called a bitch, whore and a pornstar, just bcoz i like @urstrulyMahesh more then you. And your fans will send my parents such wishes. Do u feel successful with such a fan following? And i hope u dont ignore my tweet!! https://t.co/dsoRg0awQl

— meera chopra (@MeerraChopra) June 2, 2020

ଜଣାଇଦେଉଛୁ ଯେ ମୀରା ଚୋପ୍ରା ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ କଜନ୍ ଅଟନ୍ତିି । ମୀରା ବଲିଉଡ ସମେତ ତାମିଲ ଫିଲ୍ମରେ ମଧ୍ୟ କାମ କରିସାରିଛନ୍ତି । ମୀରା ଗ୍ୟାଙ୍ଗ ଅଫ ଘୋଷ୍ଟସ୍‌, ୧୯୨୦ ଲଣ୍ଡନ ଏବଂ ସେକ୍ସନ ୩୭୫ ଭଳି ଫିଲ୍ମରେ କାମ କରିଛନ୍ତି ।