ବିରାଟଙ୍କୁ ଚ୍ୟାଲେଞ୍ଜ ଦେଲେ ପାକିସ୍ତାନର ଏହି ବୋଲର

ଏହି ବୋଲରଜଣଙ୍କ କହିଛନ୍ତି ଯେ, ସେ ବିରାଟଙ୍କୁ ସାମ୍ନା କରିବା ପାଇଁ ଉତ୍ସାହିତ । ସେ ଏଥିପାଇଁ ଅପେକ୍ଷା କରି ରହିଛନ୍ତି । ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ୍ ସର୍ବଦା ଗୁରୁତ୍ୱପୂର୍ଣ୍ଣ ରହିଥାଏ । ଏହି ମ୍ୟାଚ୍ ହିଁ କୌଣସି ଖେଳାଳିଙ୍କୁ ହିରୋ ବନାଇଦିଏ । ଏବେ ଉଭୟ ଦଳ ମଧ୍ୟରେ କମ୍ ମ୍ୟାଚ ଖେଳାଯାଉଛି । ତେଣୁ ମ୍ୟାଚ୍‌ର ଗୁରୁତ୍ୱ ବଢିଯାଇଛି ।

କୋହଲିଙ୍କୁ ନେଇ ସେ କହିଛନ୍ତି ଯେ, ସେ ଭାରତ ବିପକ୍ଷରେ ଭଲ ପ୍ରଦର୍ଶନ କରିବେ । ନିଜ ଫ୍ୟାନଙ୍କୁ ସେ ନିରାଶ କରିବେ ନାହିଁ । ଏପରିକି ସେ କୋହଲିଙ୍କୁ ସମ୍ମାନ କରନ୍ତି କିନ୍ତୁ ଡରନ୍ତି ନାହିଁ ବୋଲି କହିଛନ୍ତି । ୧୭ ବର୍ଷୀୟ ନସୀମ ଗତ ବର୍ଷ ଅଷ୍ଟ୍ରେଲିଆ ବିପକ୍ଷରେ ପଦାର୍ପଣ କରିଥିଲେ । ସେ ନିଜ ପଦାର୍ପଣ ମ୍ୟାଚରେ ଡେଭିଡ୍ ଓ୍ୱାର୍ଣ୍ଣରଙ୍କୁ ଆଉଟ୍ କରିଥିଲେ ।