ସୁହାନାଙ୍କ ପାଇଁ ଫଟୋଗ୍ରାଫର ସାଜିଲେ ମା’ ଗୌରୀ ଖାନ
ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ଝିଅ ସୁହାନା ଖାନ କୌଣସି ସେଲିବ୍ରିଟିଙ୍କ ଠାରୁ କମ୍ ନୁହନ୍ତି । ପ୍ରାୟତଃ ତାଙ୍କର ଅନେକ ଭିଡିଓ ଏବଂ ଫଟୋ ଭାଇରାଲ ହୁଏ । ବର୍ତ୍ତମାନ ସୁହାନାଙ୍କର ଆଉ ଏକ ଫଟୋ ସାମନାକୁ ଆସିଥିବାବେଳେ ଏହାକୁ ଲୋକେ ଅନେକ ପସନ୍ଦ ମଧ୍ୟ କରୁଛନ୍ତି । ଫଟୋ ସୁହାନାଙ୍କ ମେକଅଫର ନୋମେକଅଫ ଲୁକ ଦେଖିବାକୁ ମିଳିଛି ।
ସବୁଠାରୁ ଖାସ କଥା ଏହା ଯେ, ସୁହାନାଙ୍କର ଏହି ଛବି ତାଙ୍କ ମା’ ଗୌରୀ ଖାନ ନିଜେ କ୍ଲିକ କରିଛନ୍ତି ଏବଂ ସେ ନିଜେ ହିଁ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଫଟୋରେ ସୁହାନା ବିନା ମେକଅଫରେ ନଜର ଆସୁଛନ୍ତି । ଗୌରୀ ଏହି ଫଟୋକୁ ସେୟାର କରି ଲେଖିଛନ୍ତି ଯେ, “ନୋ ହେୟାର, ନୋ ମେକଅଫ, କେବଳ ମୋ ଫଟୋଗ୍ରାଫି ।”
ସୁହାନା ମଧ୍ୟ ଏହି ଫଟୋଗ୍ରାଫିକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଏଥିରେ ସେ ଖୁବ ସୁନ୍ଦର ନଜର ଆସୁଛନ୍ତି । ସୁହାନା ଫଟୋକୁ ସେୟାର କରି କ୍ୟାପସନରେ ଲେଖିଛନ୍ତି ଯେ, “ମୋ ମା’ ଏହି ଫଟୋ କ୍ଲିକ କରିଛନ୍ତି ।” ସୁହାନାଙ୍କ ଏହି ଫଟୋ ସୋସିଆଲ ମିଡିଆରେ ଖୁବ ଲାଇକ ମଧ୍ୟ ମିଳୁଛି ।
ପ୍ରକାଶ ଥାଉକି, ଗୌରୀ ଖାନ ଏବଂ ସୁହାନା ଖାନଙ୍କ ପ୍ରାୟତଃ ଫଟୋ ସୋସିଆଲ ମିଡିଆରେ ଭାଇରାଲ ହେବାର ଦେଖିବାକୁ ମିଳିଥାଏ । ସେପଟେ ସୁହାନା ମଧ୍ୟ ସୋସିଆଲ ମିଡିଆରେ ଖୁବ ଆକ୍ଟିଭ ରହିଥାନ୍ତି । ସୁହାନା ଲକ୍ଡାଉନ ପୂର୍ବରୁ ବିଦେଶରୁ ଭାରତ ଫେରିଛନ୍ତି ବର୍ତ୍ତମାନ ସେ ନିଜ ପରିବାର ସହ ଅଛନ୍ତି ।
Comments are closed.