ଗିରଫ ହେଲେ ପୁନମ ପାଣ୍ଡେ ଏବଂ ତାଙ୍କୁ ପ୍ରେମିକ

ବଲିଉଡ ଅଭିନେତ୍ରୀ ତଥା ମଡେଲ ପୁନମ ପାଣ୍ଡେ ଏବଂ ତାଙ୍କୁ ପ୍ରେମିକଙ୍କୁ ମୁମ୍ବାଇ ପୋଲିସ ଗିରଫ କରିଛି । ମିଳିଥିବା ସୂଚନା ମୁତାବକ ଉଭୟ ଲକ୍‌ଡାଉନ ନିୟମ ଉଲ୍ଲଘଂନ କରିଥିବା ହେତୁ ମୁମ୍ବାଇ ପୋଲିସ ସେମାନଙ୍କୁ ଗିରଫ କରିଛି । ଆଜି ସେମାନଙ୍କୁ କୋର୍ଟ ଚାଲାଣ କରାଯାଇ ପାରେ ।
ସର୍ବଦା ନିଜର ବୋଲ୍ଡ ଲୁକ ପାଇଁ ବିବାଦ ଏବଂ ଚର୍ଚ୍ଚାର ପରିସରରେ ରହୁଥିବା ଅଭିନେତ୍ରୀ ପୁନମ ପାଣ୍ଡେ ତାଙ୍କ ପ୍ରେମିକ ‘ସ୍ୟାମ’ଙ୍କ ସହ ଲକଡାଉନ ନିୟମକୁ ଉଲ୍ଲଘଂନ କରି ମେରାଇନ ଡ୍ରାଇଭରେ ନିଜ ବିଏମଡବ୍ଲୁ ରେ ବୁଲୁଥିଲେ । ପୋଲିସ ଏଥିପାଇଁ ଏମାନଙ୍କ ବିରୋଧରେ ଏକ ମାମଲା ରୁଜୁ କରି ଗିରଫ କରିବା ସହ ସେମାନଙ୍କ ଗାଡିକୁ ସିଜ ମଧ୍ୟ କରିଛି । ତାଙ୍କ ବିରୋଧରେ ଧାରା ୧୮୮, ୨୬୯, ଏବଂ ୫୧ (ବି) ଅନୁଯାୟୀ ମାମଲା ରୁଜୁ କରାଯାଇଛି ।
ପ୍ରକାଶ ଥାଉକି, ପୁନମ ପାଣ୍ଡେ ସୋସିଆଲ ମିଡିଆରେ ଖୁବ ଆକ୍ଟିଭ ରୁହନ୍ତି । ୩ ଲକ୍ଷରୁ ଉର୍ଦ୍ଧ୍ୱ ୟୁଜର୍ସ ତାଙ୍କୁ ଇନଷ୍ଟାଗ୍ରାମରେ ଅନୁସରଣ କରନ୍ତି । ୨୦୧୩ରେ ‘ନସା’ ଫଲ୍ମ ଦ୍ୱାରା ସେ ବଲିଉଡରେ ପାଦ ଥାପିଥିଲେ ।