ହାତରେ ଛୁଆ ନାଗସାପ ଧରି ମସ୍ତି କରୁଥିବାର ନଜର ଆସିଲେ ଟେଲି ଅଭିନେତ୍ରୀ, ଭିଡିଓ ଭାଇରାଲ
ସାଉଥ ଇଣ୍ଡିଆନ ଅଭିନେତ୍ରୀ ପ୍ରବୀଣାଙ୍କ ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଜୋରସେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ପ୍ରବୀଣା ନିଜ ହାତରେ ଏକ ଛୁଆ ନାଗ ସାପକୁ ଧରିଥିବାର ଦେଖିବାକୁ ମିଳିଛି । ପ୍ରବୀଣାଙ୍କ ଏହି କାର୍ଯ୍ୟକଳାପକୁ ଦେଖି ସମସ୍ତେ ଆଶ୍ଚର୍ଯ୍ୟଚକିତ ହୋଇଯିବା ସହ ଭୟଭିତ ମଧ୍ୟ ହୋଇଯାଇଛନ୍ତି । ପ୍ରକାଶ ଥାଉକି, ସାଉଥ ଇଣ୍ଡିଆନ ଫିଲ୍ମ ଜଗତରେ ପ୍ରବୀଣା ଜଣେ ଜଣାଶୁଣା କଳାକାର ଅଟନ୍ତି ।
ମିଳିଥିବା ସୂଚନା ମୁତାବକ, ପ୍ରବୀଣାଙ୍କ ଘର ବଗିଚାରେ ଏହି ଛୁଆ ସାପଟି ପଥର ତଳେ ଲୁଚି ରହିଥିଲା । ଯେତେବେଳେ ଏହି ସଂପର୍କରେ ପ୍ରବୀଣାଙ୍କ ବଗିଚା ଜଗୁଆଳି ସୂଚନା ଦେଲେ ସେତେବେଳେ ସେ ତୁରନ୍ତ ସ୍ନେକ ହେଲଫ ଲାଇନକୁ ଫୋନ କରିଥିଲେ । ସ୍ନେକ କ୍ୟାଚର ଟିମ ଆସିବା ପରେ ପ୍ରବୀଣା ନିଜ ବିପଦଜନକ ଷ୍ଟଣ୍ଟ ଦେଖାଇ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଥିଲେ । ପ୍ରଥମେ ସାପକୁ ଦେଖି ସେ ଯେଉଁଭଳି ଭାବରେ ଭୟଭିତ ହୋଇଯାଇଥିଲେ କିନ୍ତୁ ପରବର୍ତ୍ତୀ ସମୟରେ ସେ ଛୁଆ ସାପଟିକୁ ନିଜ ହାତରେ ଧରି ବିପଦଜନକ ଷ୍ଟଣ୍ଟ ଦେଖାଇବା ଆରମ୍ଭ କରିଥିଲେ । ଏହି ଭିଡିଓକୁ ଦେଖି ପ୍ରଶଂସକ ଏବଂ ଦର୍ଶକ ସମସ୍ତେ ଆଶ୍ଚର୍ଯ୍ୟଚକିତ ହୋଇଯାଇଥିଲେ ।
Comments are closed.