ଦେଶରେ ଦ୍ରୁତ ଗତିରେ ବୃଦ୍ଧି ପାଉଛି କରୋନା ସଂକ୍ରମିତଙ୍କ ସଂଖ୍ୟା

ଭାରତରେ କରୋନା ଭାଇରସ ଜନିତ ନୂଆ ସଂକ୍ରମଣ ମାମଲା ଦିନକୁ ଦିନ ବଢିବାରେ ଲାଗୁଛି । ସାରା ଦଶରେ ବର୍ତ୍ତମାନ ସଂକ୍ରମିତଙ୍କ ସଂଖ୍ୟା ପାଖାପାଖି ୨୩ ହଜାରରେ ଆସି ପହଞ୍ଚିଗଲାଣି । ଗତ ୨୪ ଘଣ୍ଟା ମଧ୍ୟରେ ୧୬୮୪ଟି ନୂଆ ମାମଲା ସାମନାକୁ ଆସିଥିବାବେଳେ ୩୭ ଜଣଙ୍କର ମୃତ୍ୟୁ ହୋଇ ସାରିଲାଣି । ଶୁକ୍ରବାର ଦିନ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି କରାଯାଇଥିବା ସୂଚନା ମୁତାବକ, ବର୍ତ୍ତମାନ ଦେଶରେ ସଂକ୍ରମିତଙ୍କ ସଂଖ୍ୟା ୨୩,୦୭୭ରେ ଆସି ପହଞ୍ଚିଲାଣି । ସେପଟେ ଏହି ମହାମାରୀ ଦ୍ୱାରା ମୋଟ ୭୧୮ ଜଣଙ୍କ ମୃତ୍ୟୁ ହୋଇ ସାରିଥିବାବେଳେ ଅନ୍ୟପଟେ ୧୭୬୧୦ ଆକ୍ଟିଭ କେସ ରହିଛି । ସେହିଭଳି ୪୮୪୮ ଜଣ ବର୍ତ୍ତମାନ ସୁଧା ସୁସ୍ଥ ହୋଇ ଘରୁ ଫେରିସାରିଲେଣି ।