୩୧ତମ ଗୁରୁ କେଳୁଚରଣ ମହାପାତ୍ର ପୁରସ୍କାର ମହୋତ୍ସବ-୨୦୨୫

ଭୁବନେଶ୍ୱର: ସୃଜନ- ଗୁରୁ କେଳୁଚରଣ ମହାପାତ୍ର ଓଡିଶୀ ନୃତ୍ୟବାସ ପକ୍ଷରୁ ଆସନ୍ତା ସେପ୍େଟମ୍ବର ୫ରୁ ୯ ତାରିଖ ୨୦୨୫ ପର୍ଯ୍ୟନ୍ତ ରବିନ୍ଦ୍ର ମଣ୍ଡପଠାରେ ପ୍ରତିଦିନ ସନ୍ଧ୍ୟା ୭ଟାରେ ୩୧ତମ ଗୁରୁ କେଳୁଚରଣ ମହାପାତ୍ର (ଜିକେସିଏମ) ପୁରସ୍କାର ମହୋତ୍ସବ ୨୦୨୫ର ଆୟୋଜନ କରାଯିବ । ପ୍ରଦର୍ଶନ କଳାକୁ ସର୍ବୋତମ ଭାବେ ପାଳନକରି ଆମର ମୂଲ୍ୟବାନ ଐତିହ୍ୟ ପାଇଁ ପ୍ରଗାଢ ପ୍ରଶଂସାକୁ ପ୍ରୋତ୍ସାହିତ ଓ ଚିରସ୍ଥାୟୀ କରିବା ପାଇଁ ଏହି ପୁରସ୍କାର ମହୋତ୍ସବ ପଦ୍ମ ବିଭୂଷଣ ସମ୍ମାନପ୍ରାପ୍ତ ଗୁରୁ ସ୍ୱର୍ଗତ ଶ୍ରୀ କେଳୁଚରଣ ମହାପାତ୍ରଙ୍କ ସ୍ଥାପିତ ଦୃଷ୍ଟିକୋଣକୁ ପାଳନ କରିବା କ୍ଷେତ୍ରରେ ଅଟଳ ରହିଛି । ଓଡିଶାର ସାଂସ୍କୃତିକ କ୍ୟାଲେଣ୍ଡରରେ ଏକ ପ୍ରମୁଖ ଆକର୍ଷଣ ଭାବେ ଏହି ପ୍ରତିଷ୍ଠିତ ପୁରସ୍କାର ବିତରଣ ସମାରୋହ, ଚାରି ରାତିର ଚମତ୍କାର ନୃତ୍ୟ, ସଙ୍ଗୀତ ଓ ଥିଏଟର ପ୍ରଦର୍ଶନୀ ପରେ ଗୁରୁ ରତିକାନ୍ତ ମହାପାତ୍ରଙ୍କ ସୃଜନ ଟିମ୍‌ଙ୍କ ଦ୍ୱାରା ଚୂଡାନ୍ତ ପ୍ରଦର୍ଶନ ପରେ ଏହା ଶେଷ ହୋଇଥାଏ ।
ଶେଷ ସନ୍ଧ୍ୟାରେ ସୃଜନ ଶାସ୍ତ୍ରୀୟ ଜଗତର ବିଶିଷ୍ଟ ବ୍ୟକ୍ତିମାନଙ୍କୁ କଳା ପ୍ରତି ସେମାନଙ୍କର ଅତୁଳନୀୟ ଯୋଗଦାନ ପାଇଁ ପ୍ରତିଷ୍ଠିତ ଲାଇଫଟାଇମ ଆଚିଭମେଂଟ ଆୱାର୍ଡ (ଜୀବନବ୍ୟାପୀ ସାଧନା ପୁରସ୍କାର) ଉପସ୍ଥାପନ କରିଥାଏ । ଚଳିତ ବର୍ଷ ସମ୍ମାନିତ ଓଡିଶୀ ନୃତ୍ୟଶିଳ୍ପୀ, ଗୁରୁ, କୋରିଓଗ୍ରାଫର ଓ ପଦ୍ମଶ୍ରୀ ସମ୍ମାନପ୍ରାପ୍ତ ଶ୍ରୀମତି ମାଧବୀ ମୁଦଗଲ ଏବଂ ପ୍ରଖ୍ୟାତ ଓଡିଶୀ ଗାୟକ ଓ ସଙ୍ଗୀତ ଶିକ୍ଷାବିତ ଶ୍ରୀ ଅଲେଖ ଚନ୍ଦ୍ର ସାମଲଙ୍କୁ ସାଲିର୍ମାସ ଗୁରୁ କେଳୁଚରଣ ମହାପାତ୍ର ଆୱାର୍ଡ ୨୦୨୫ରେ ସମ୍ମାନିତ କରାଯିବ ଏବଂ ଏଥିସହିତ ସେମାନଙ୍କୁ ୧ ଲକ୍ଷ ଟଙ୍କାର ପୁରସ୍କାର ରାଶି ଓ ପ୍ରମାଣପତ୍ର ଦିଆଯିବ । ୨୫,୦୦୦ ଟଙ୍କାର ନଗଦ ପୁରସ୍କାର ଓ ପ୍ରମାଣପତ୍ର ସହିତ ସାଲିର୍ମାସ ଗୁରୁ କେଳୁଚରଣ ମହାପାତ୍ର ଯୁବ ପ୍ରତିଭା ସମ୍ମାନ ୨୦୨୫ ଦ୍ୱାରା ଶାସ୍ତ୍ରୀୟ ନୃତ୍ୟ ଓ ଓଡିଶୀ ସଙ୍ଗୀତ କ୍ଷେତ୍ରରେ ୪୦ ବର୍ଷରୁ କମ୍ ବୟସର ଦୁଇ ଜଣ ଉଲ୍ଲେଖନୀୟ କଳାକାର ଶ୍ରୀମତି ଶତାବ୍ଦୀ ମଲ୍ଲିକ (ଓଡିଶୀ ନୃତ୍ୟ ପାଇଁ) ଓ ଶ୍ରୀ ମୁରଲିଧର ସ୍ୱାଇଁ (ଓଡିଶୀ ସଙ୍ଗୀତ ପାଇଁ)ଙ୍କୁ ସମ୍ମାନିତ କରାଯିବ । ସୃଜନର ନିର୍ଦ୍ଦେଶକ ଗୁରୁ ରତିକାନ୍ତ ମହାପାତ୍ର ଚଳିତ ବର୍ଷ ଏକ ନୂତନ କ୍ଷେତ୍ରରେ ସାଲିର୍ମାସ ଗୁରୁ କେଳୁଚରଣ ମହାପାତ୍ର କଳା ସମ୍ମାନର ଶୁଭାରମ୍ଭ କରିଛନ୍ତି । ୪୦ରୁ ୫୫ ବର୍ଷ ବୟସ ମଧ୍ୟରେ ନୃତ୍ୟ, ସଙ୍ଗୀତ ଓ ଥିଏଟର କ୍ଷେତ୍ରରେ ପ୍ରତିଷ୍ଠିତ ପ୍ରଦର୍ଶନୀ କଳାକାରଙ୍କୁ ସେମାନଙ୍କର ଉଲ୍ଲେଖନୀୟ ଅବଦାନ ଓ ସେମାନଙ୍କର କଳା ପ୍ରତି ନିରନ୍ତର ସମର୍ପଣ ପାଇଁ ଏହି ସମ୍ମାନରେ ସମ୍ମାନିତ କରାଯିବ । ଚଳିତ ବର୍ଷ ଶ୍ରୀ ରଘୁନାଥ ଦାସ ଓ ଶ୍ରୀ ଅର୍ଣ୍ଣବ ବନ୍ଦୋପାଧ୍ୟାୟଙ୍କୁ ସାଲିର୍ମାସ୍ ଗୁରୁ କେଳୁଚରଣ ମହାପାତ୍ର କଳା ସମ୍ମାନ ୨୦୨୫ ସହ ୫୦,୦୦୦ ଟଙ୍କାର ପୁରସ୍କାର ରାଶି ଓ ଏକ ପ୍ରମାଣପତ୍ରରେ ସମ୍ମାନିତ କରାଯିବ, ଯିଏକି ଓଡିଶୀ ସମୁଦାୟ ଉପରେ ଚମତ୍କାର ପ୍ରଭାବ ପକାଇଛନ୍ତି । ଏହି ସମ୍ମାନର ଆରମ୍ଭ କରି ଗୁରୁ ରତିକାନ୍ତ ମହାପାତ୍ର ପ୍ରତିବଦ୍ଧ ଓ ପ୍ରତିଭାଶାଳୀ କଳାକାରମାନଙ୍କୁ ସ୍ୱୀକୃତି ଦେବା କ୍ଷେତ୍ରରେ ରହିଥିବା ବାଧକକୁ ଦୂର କରିବା ପାଇଁ ଲକ୍ଷ୍ୟ ରଖିଛନ୍ତି, ଯିଏ ବିଗତ ବର୍ଷଗୁଡିକରେ ନିଜ ନିଜ କ୍ଷେତ୍ରରେ ପରିପକ୍ୱ ପ୍ରଦର୍ଶନକାରୀ, ଶିକ୍ଷକ ଓ ପ୍ରଶିକ୍ଷକରେ ପରିଣତ ହୋଇଛନ୍ତି ।

ଏହି ପୁରସ୍କାର ମହୋତ୍ସବର ଉଦ୍‌ଘାଟନୀ ସନ୍ଧ୍ୟା, ଓଡିଶୀ ନୃତ୍ୟର ଲୋକପ୍ରିୟ ମା-ଝିଅ ଯୋଡି ଶ୍ରୀମତି ସୁଜାତା ମହାପାତ୍ର ଓ ପ୍ରୀତିଶା ମହାପାତ୍ରଙ୍କ ଦ୍ୱାରା ଏକ ବହୁପ୍ରତିକ୍ଷୀତ ଓଡିଶୀ ନୃତ୍ୟ ସହ ଆରମ୍ଭ ହେବ । କାର୍ଯ୍ୟକ୍ରମର ୨ୟ ଦିନରେ ହିନ୍ଦୁସ୍ତାନୀ ଓ ର୍କାନାଟିକ ସଙ୍ଗୀତ କ୍ଷେତ୍ରରୁ ପ୍ରତିଷ୍ଠିତ କଳାକାରମାନେ ସଙ୍ଗୀତ ପରିବେଷଣ କରିବେ । ଏହି ମହୋତ୍ସବ ଏହାର ଅଧାରାସ୍ତାର ନିକଟତର ହେବା ସହିତ, ଦର୍ଶକମାନେ ବହୁମୂଖୀ ଭାରତନାଟ୍ୟମ ଗୁରୁ-ଶିଷ୍ୟ ଯୋଡି ଶ୍ରୀ ସମ୍ରାଟ ଦତ ଓ ଶ୍ରୀ ସାନ୍ତନୁ ରଏ ଦଶମହାବିଦ୍ୟାର ଉପସ୍ଥାପନ କରିବେ, ଏହାପରେ ଶ୍ରୀମତି ଚିନ୍ମୟୀ ଦ୍ୱାରକନାଥ ଓ ଟେମ୍ପଲ ଅଫ୍ ଫାଇନ ଆର୍ଟସ ଦ୍ୱାରା ଏକ ଗ୍ରୁପ ଓଡିଶୀ ନୃତ୍ୟ ପ୍ରଦର୍ଶିତ ହେବ । ଶେଷ ସନ୍ଧ୍ୟାର ପୂର୍ବଦିନ ମହୋତ୍ସବର ଏକମାତ୍ର ଥିଏଟର ପ୍ରଦର୍ଶନ ପ୍ରଦର୍ଶିତ ହେବ, ଏକ ପ୍ରଦର୍ଶିତ କଳା ଯାହା ଆଜିର ଓଡିଶାର ସହ ଘନିଷ୍ଠ ଭାବେ ଜଡିତ । ଶ୍ରୀ ନଳିନୀ ନିହାର ନାୟକ ଓ ଓଡିଶାର ସମୃଦ୍ଧ ଐତିହ୍ୟର ପୁନରୁଦ୍ଧାର କରିବାକୁ ଲକ୍ଷ୍ୟ ରଖିଥିବା ଓଡିଶାର ଏକ ଅଗ୍ରଗାମୀ ଥିଏଟର ସଂସ୍ଥା ନ୍ୟୁକ୍ୱେଷ୍ଟ ରିର୍ପଟୋରୀ ବ୍ୟାଘ୍ର ରୋହଣର ଉପସ୍ଥାପନ କରିବେ ।
ଶେଷ ସନ୍ଧ୍ୟାର ପୁରସ୍କାର ପ୍ରଦାନ ଉତ୍ସବ ପରେ, ସୃଜନ ଅନୁଷ୍ଠାନ ପକ୍ଷରୁ ବିଶେଷ ନୃତ୍ୟ ମଂଚସ୍ଥ ହେବ ଏବଂ ଗୁରୁ ରତିକାନ୍ତ ମହାପାତ୍ରଙ୍କ ଅଭିନବ ନୃତ୍ୟ ନିର୍ଦ୍ଦେଶନା – ଦୁର୍ଯ୍ୟୋଧନର ପ୍ରିମିୟର ଅନୁଷ୍ଠିତ ହେବ । ଏହି ମର୍ମସ୍ପର୍ଶୀ ଉପସ୍ଥାପନାରେ, ଦୁର୍ଯ୍ୟୋଧନଙ୍କୁ ପ୍ରାଚୀନ ଖଳନାୟକ ଭାବରେ ନୁହେଁ, ବରଂ ଏକ ଦୂର୍ଯୋଗ ନାୟକ ଭାବରେ ଚିତ୍ରଣ କରାଯାଇଛି ଯାହାଙ୍କ ମହାନ ଗୁଣ – ଦାନଶୀଳତା, ବୀରତ୍ୱ ଏବଂ ଭକ୍ତି – ଶେଷରେ ଏକ ପ୍ରଚଣ୍ଡ ଅହଂକାର ଦ୍ୱାରା ଆଚ୍ଛାଦିତ ହୋଇଥିଲା, ଯାହା ତାଙ୍କ ବିନାଶର କାରଣ ହୋଇଥିଲା । ଡକ୍ଟର ଶ୍ରୀନିବାସ ଘଟୁଆରୀଙ୍କ କନସେପ୍ଟ ଏବଂ ପଣ୍ଡିତ ନିତ୍ୟାନନ୍ଦ ମିଶ୍ରଙ୍କ ଲେଖା ଉପରେ ଆଧାରିତ, ଦୁର୍ଯ୍ୟୋଧନ ଶ୍ରୀ ରୂପକ କୁମାର ପରିଡାଙ୍କ ସଙ୍ଗୀତ ରଚନା, ସ୍ୱର୍ଗତ ଶ୍ରୀ ତାରକାନ୍ତ ପଣ୍ଡାଙ୍କ ସଙ୍ଗୀତ ବ୍ୟବସ୍ଥା ସହିତ ସ୍ଥିର କରାଯାଇଛି, ତାଳ ସଂରଚନା, ସଙ୍ଗୀତ ସାରାଂଶ ଏବଂ ଗୁରୁ ଶ୍ରୀ ରତିକାନ୍ତ ମହାପାତ୍ରଙ୍କ ନୃତ୍ୟ ନିର୍ଦ୍ଦେଶନା ସହିତ । ସୃଜନ ଅନସେମ୍ବଲର ଅଧ୍ୟବସାୟ ଏବଂ କଠୋର ତାଲିମ ସହ ନୃତ୍ୟଶିଳ୍ପୀମାନଙ୍କୁ ଶ୍ରୀ ଦେବୀପ୍ରସାଦ ମିଶ୍ରଙ୍କ ଉଜ୍ଜ୍ୱଳ ଆଲୋକ ବ୍ୟବସ୍ଥା ଦ୍ୱାରା ସହାୟତା କରିବ, ଏବଂ ସର୍ବାଗ୍ରେ ଗୁରୁ ରତିକାନ୍ତ ମହାପାତ୍ରଙ୍କ ଦୂରଦୃଷ୍ଟିପୂର୍ଣ୍ଣ ପରାମର୍ଶରେ ଶାସ୍ତ୍ରୀୟ ଅଖଣ୍ଡତା ରକ୍ଷା ପ୍ରତି ସେମାନଙ୍କର ପ୍ରତିବଦ୍ଧତା ଦୃଢୀଭୂତ କରିଛି ।ସୃଜନ କଟକର ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ମୂଲ୍ୟବାନ ସଂସ୍ଥାଗତ ସହାୟତାରୁ ଉପକୃତ ହୋଇଛନ୍ତି ।

ଏହି ମହୋତ୍ସବ ସମ୍ପୂର୍ଣ୍ଣ ଭାବରେ ରତିକାନ୍ତ ମହାପାତ୍ରଙ୍କ ଦ୍ୱାରା ପ୍ରସ୍ତୁତ, ପରିକଳ୍ପିତ ଓ ପରିକଳ୍ପନା କରାଯାଇଛି, ଏବଂ ଦେବୀପ୍ରସାଦ ମିଶ୍ରଙ୍କ ଦ୍ୱାରା କାର୍ଯ୍ୟକ୍ରମ କାର୍ଯ୍ୟକାରୀ କରାଯାଇଛି । ୩୧ତମ ଗୁରୁ କେଳୁଚରଣ ମହାପାତ୍ର ପୁରସ୍କାର ମହୋତ୍ସବକୁ ଏମଜିଏମ ମିନେରାଲ୍ସ ଲିମିଟେଡ୍‌, ଓଡ଼ିଶା ମାଇନିଂ କର୍ପୋରେସନ ଲିମିଟେଡ୍ (ଓଏମସି), ଶାଲିମାରସ ଶାଲିମାର କେମିକାଲ୍ ୱାର୍କସ୍ ପ୍ରାଇଭେଟ୍ ଲିମିଟେଡ୍‌, ରୁଚି ଫୁଡଲାଇନର ସିଏସଆର ଇନିସିଏଟିଭ୍ସ ଦ୍ୱାରା ସହାୟତା କରାଯାଇଛି । ଏହି ମହୋତ୍ସବକୁ ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ଏବଂ ଓଡ଼ିଶା ସରକାରଙ୍କ ଓଡ଼ିଆ ଭାଷା ସାହିତ୍ୟ ଏବଂ ସଂସ୍କୃତି ବିଭାଗ ଦ୍ୱାରା ମଧ୍ୟ ସମର୍ଥନ କରାଯାଇଛି । ମହୋତ୍ସବ ପ୍ରାୟୋଜକଙ୍କ ମଧ୍ୟରେ ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ), ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ), ମହାନଦୀ କୋଲଫିଲ୍ଡସ୍ ଲିମିଟେଡ୍ (ଏମସିଏଲ), ଶାଲିମାର ନଡ଼ିଆ ତେଲ, ପାରାଦୀପ ଫସଫେଟ୍ସ ଲିମିଟେଡ୍ (ପିପିଏଲ), ଇଣ୍ଡିଆନ୍ ମେଟାଲ୍ସ ଆଣ୍ଡ୍ ଫେରୋ ଆଲୟସ୍ ଲିମିଟେଡ୍ (ଇମ୍ଫା), ଏବଂ ପ୍ରିୟଦର୍ଶିନୀ ସିଲ୍କ୍ସ ଅନ୍ତର୍ଭୁକ୍ତ । ରୟାଲ୍ ମିଡ୍‌ଟାଉନ୍ ହୋଟେଲ୍ ଏହାର ଆତିଥ୍ୟ ପାର୍ଟନର । ଧରିତ୍ରୀ ଏବଂ ଓଡ଼ିଶା ପୋଷ୍ଟ, ଏବଂ ନର୍ଥକି ଡଟ୍‌କମ୍ ଯଥାକ୍ରମେ ମିଡିଆ ପାର୍ଟନର ଏବଂ ୱେବ୍ ପାର୍ଟନର