ବିଶ୍ୱକପ ୨୦୨୩ରେ ଏପରି ନଜର ଆସିପାରେ ୧୫ ସଦସ୍ୟ ବିଶିଷ୍ଟ ସାମ୍ଭବ୍ୟ ଭାରତୀୟ ଦଳ

ଭାରତୀୟ କ୍ରିକେଟ ଦଳ (Indian Cricket Team) ଆଜିକାଲି ବାଂଲାଦେଶ ମାଟିରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ (India vs Bangladesh Test Series) ଖେଳିବାରେ ବ୍ୟସ୍ତ ଅଛି । ଏହାପୂର୍ବରୁ ବାଂଲାଦେଶ ଗସ୍ତରେ ଟିମ୍ ଇଣ୍ଡିଆ ଏକଦିବସୀୟ ସିରିଜ୍ (IND vs BAN ODI Series) ହାରି ଥିଲା । ବର୍ତ୍ତମାନ ଭାରତୀୟ ଦଳ ବାଂଲାଦେଶ ବିପକ୍ଷ ଦୁଇ ଟେଷ୍ଟ ସିରିଜର ପ୍ରଥମ ମ୍ୟାଚ୍ (IND vs BAN 1st Test) ଜିତିଛି । ଆସନ୍ତା ବର୍ଷ ଭାରତରେ ଦିନିକିଆ ବିଶ୍ୱକପ୍ (ODI World Cup 2023) ଆୟୋଜିତ ହେବ । ଭାରତୀୟ ଦଳ (Team India) ଘରୋଇ ମାଟିରେ ଏକଦିବସୀୟ ବିଶ୍ୱକପ ଟାଇଟଲ ଜିତିବାରେ ସକ୍ଷମ ହେବ କି ନାହିଁ ତାହା ଏକ ବଡ଼ ପ୍ରଶ୍ନ । ଟିମ୍ ଇଣ୍ଡିଆ (Team India) ର ପୂର୍ବତନ ଭେଟେରାନମାନେ ବର୍ତ୍ତମାନ ଭାରତୀୟ ଦଳକୁ ନେଇ ଅନେକ ସମ୍ଭାବନା ବ୍ୟକ୍ତ କରୁଛନ୍ତି ।

ଟିମ୍ ଇଣ୍ଡିଆ ୨୦୧୩ ପର ଠାରୁ କୌଣସି ଆଇସିସି ଟ୍ରଫି (ICC Trophy) ଜିତିବାରେ ସକ୍ଷମ ହୋଇ ପାରିନାହିଁ । କିନ୍ତୁ ବର୍ତ୍ତମାନ ଘରୋଇ ମାଟିରେ ଏକଦିବସୀୟ ବିଶ୍ୱକପ ଖେଳାଯିବାକୁ ଥିବାବେଳେ ଭାରତୀୟ ଦଳ (Indian Team) ବର୍ତ୍ତମାନଠାରୁ ଟୁର୍ଣ୍ଣାମେଣ୍ଟ ପାଇଁ ଏକ ସନ୍ତୁଳିତ ଦଳ ପ୍ରସ୍ତୁତ କରିବା ଆବଶ୍ୟକ । ଏଭଳି ପରିସ୍ଥିତିରେ ଆପଣଙ୍କୁ କହି ରଖୁଛୁ ଯେ, ଟିମ୍ ଇଣ୍ଡିଆର ବର୍ତ୍ତମାନର ଅଧିନାୟକ ରୋହିତ ଶର୍ମା (Rohit Sharma) ଓ ପୂର୍ବତନ ଅଧିନାୟକ ବିରାଟ କୋହଲି (Rohit Sharma) ଙ୍କ ଶେଷ ଦିନିକିଆ ବିଶ୍ୱକପ୍ ବୋଲି ପ୍ରମାଣିତ ହୋଇପାରେ । ଏଭଳି ପରିସ୍ଥିତିରେ ଦଳର ଖେଳାଳିମାନେ ଏହି ଦୁଇ ଖେଳାଳିଙ୍କ ପାଇଁ ଭଲ ପ୍ରଦର୍ଶନ କରି ଟ୍ରଫି ଜିତିବାକୁ ଚାହିଁବେ ।

ରୋହିତ ଶର୍ମାଙ୍କ ନେତୃତ୍ୱରେ ଟିମ୍ ଇଣ୍ଡିଆ ଆଇସିସି ଟି-20 ବିଶ୍ୱକପର ସେମିଫାଇନାଲ ଯାଏ ପହଞ୍ଚିବାରେ ସକ୍ଷମ ହୋଇପାରିଥିଲା । ଏହା ପରେ ଶିଖର ଧୱନଙ୍କ ନେତୃତ୍ୱରେ ନ୍ୟୁଜିଲାଣ୍ଡ ଗସ୍ତରେ ଟିମ୍ ଇଣ୍ଡିଆକୁ ୦-୧ରେ ପରାଜୟର ସାମ୍ନା କରିବାକୁ ପଡ଼ିଥିଲା । ଏହା ପରେ ବାଂଲାଦେଶ ଗସ୍ତରେ ଚାଲିଥିବା ODI ସିରିଜରେ ଭାରତୀୟ ଦଳକୁ ୨-୧ରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଟିମ୍ ଇଣ୍ଡିଆର ODI ରେ ଲଗାତାର ଦୁଇଟି ସିରିଜ୍ ପରାଜୟ ପରେ କୁହାଯାଇପାରେ ଯେ ଏହି ଦଳ ଏପର୍ଯ୍ୟନ୍ତ ହେବାକୁ ଥିବା ODI ବିଶ୍ୱକପ୍ ପାଇଁ ନିଜକୁ ପ୍ରସ୍ତୁତ କରିପାରି ନାହିଁ ।

ଆହତ କାରଣରୁ ଦ୍ରୁତ ବୋଲର ଜସପ୍ରୀତ ବୁମ୍ରା ଓ ସ୍ପିନ୍ ବୋଲର ତଥା ଅଲରାଉଣ୍ଡର ରବିନ୍ଦ୍ର ଜାଡେଜା ଟିମ୍ ଇଣ୍ଡିଆରୁ ବାହାର ଅଛନ୍ତି । ଅନ୍ୟପକ୍ଷରେ ବାଂଲାଦେଶ ବିପକ୍ଷ ODI ସିରିଜରେ ଆଘାତ ଲାଗିଥିବାରୁ ଦଳର ଅଧିନାୟକ ରୋହିତ ଶର୍ମା ମଧ୍ୟ ଟେଷ୍ଟ ଦଳରୁ ବାଦ ପଡିଛନ୍ତି । ଆହତ କାରଣରୁ ମହମ୍ମଦ ଶାମି ମଧ୍ୟ ଦଳ ବାହାରେ ଅଛନ୍ତି । ସେପଟେ ଏଠାରେ କହି ରଖୁଛୁ ଯେ, ଆଗାମୀ ଏକଦିବସୀୟ ବିଶ୍ୱକପରେ ଅଧିନାୟକ ରୋହିତ ଶର୍ମାଙ୍କ ସହ ଇଶାନ କିଶନଙ୍କୁ ଟିମ୍ ଇଣ୍ଡିଆର ଇନିଂସ ଆରମ୍ଭ କରିବାର ଦାୟିତ୍ୱ ମିଳିପାରେ । ଏହି ଖେଳାଳିଙ୍କ ସମ୍ପ୍ରତି ପ୍ରଦର୍ଶନ ଅତ୍ୟନ୍ତ ଚମତ୍କାର ଥିଲା ।

ଏଭଳି ପରିସ୍ଥିତିରେ ଟିମ୍ ମ୍ୟାନେଜମେଣ୍ଟ ଇଶାନ କିଶନଙ୍କୁ ODI ବିଶ୍ୱକପରେ ରୋହିତ ଶର୍ମାଙ୍କ ସହ ଇନିଂସ ଆରମ୍ଭ କରିବାର ଦାୟିତ୍ୱ ଦେଇପାରେ । ଯଦି ଏହା ଘଟେ ତେବେ କେଏଲ ରାହୁଲଙ୍କୁ ମିଡିଲ ଅର୍ଡରରେ ବ୍ୟାଟିଂ କରୁଥିବା ଦେଖିବାକୁ ମିଳିବ । ଏଥିରେ କୌଣସି ସନ୍ଦେହ ନାହିଁ ଯେ ବିରାଟ କୋହଲି ନମ୍ବର ୩ରେ ବ୍ୟାଟିଂ କରିବାକୁ ଆସିବେ । ଅନ୍ୟପକ୍ଷରେ ସୂର୍ଯ୍ୟକୁମାର ଯାଦବ ଚତୁର୍ଥ ନମ୍ବରରେ ବ୍ୟାଟିଂ କରିବାକୁ ଓହ୍ଲାଇ ପାରନ୍ତି ।

ଅନ୍ୟପକ୍ଷରେ, ନମ୍ବର ୪ ପାଇଁ ଦୀପକ ହୁଡାଙ୍କ ଦାବି ଦମଦାର ରହିଛି । କିନ୍ତୁ ସେ ସୂର୍ଯ୍ୟକୁମାରଙ୍କ ଭଳି ବ୍ୟାଟିଂ କରିବାକୁ ସକ୍ଷମ ନୁହଁନ୍ତି । ଏଭଳି ପରିସ୍ଥିତିରେ ଯଦି ବିଶ୍ୱକପ ପାଇଁ ଦୀପକ ହୁଡାଙ୍କୁ ମିଡିଲ ଅର୍ଡରରେ ସ୍ଥାନ ଦେବାକୁ ପଡ଼େ, ତେବେ ତାଙ୍କୁ ବର୍ତ୍ତମାନଠାରୁ କଠିନ ପରିଶ୍ରମ କରିବାକୁ ପଡିବ । ଋଷଭ ପନ୍ତ ହେଉଛନ୍ତି ଭାରତୀୟ ଦଳର ନିୟମିତ ୱିକେଟ୍ କିପର ବ୍ୟାଟ୍ସମ୍ୟାନ୍ । ଏହି ଖେଳାଳି ତିନିଟି ଫର୍ମାଟରେ ଭାରତ ପାଇଁ ୱିକେଟ୍ ଖେଳୁଛନ୍ତି । କିନ୍ତୁ ବାଂଲାଦେଶ ବିପକ୍ଷ ଶେଷ ଦିନିକିଆ ସିରିଜରେ ଖେଳାଯାଇଥିବା ଶେଷ ମ୍ୟାଚରେ ଇଶାନ କିଶନ ଦ୍ୱିଶତକ ହାସଲ କରି ଋଷଭ ପନ୍ତଙ୍କୁ ଚ୍ୟାଲେଞ୍ଜ ଦେଇଛନ୍ତି । ଆପଣଙ୍କୁ କହି ରଖୁଛୁ ଯେ ଋଷଭ ପନ୍ତଙ୍କୁ ହଠାତ୍ ODI ସିରିଜରୁ ବାହାର କରିଦିଆଯାଇଥିଲା ।

ଏଭଳି ପରିସ୍ଥିତିରେ ରୋହିତ ଶର୍ମା ଦ୍ୱିତୀୟ ODI ସମୟରେ ଆହତ ହେବା ପରେ ତୃତୀୟ ODI ରେ ଇଶାନ୍ କିଶନଙ୍କୁ ଇନିଂସ ଆରମ୍ଭ କରିବାର ଦାୟିତ୍ୱ ମିଳିଥିଲା । ସୁଯୋଗର ସମ୍ପୂର୍ଣ୍ଣ ଫାଇଦା ଉଠାଇ ଇଶାନ କିଶନ ଦ୍ୱିଶତକ ହାସଲ କରିଥିଲେ । ବର୍ତ୍ତମାନ ଆଗାମୀ ଦିନିକିଆ ବିଶ୍ୱକପ ପାଇଁ ଋଷଭ ପନ୍ତ ଓ ଇଶାନ କିଶନଙ୍କ ମଧ୍ୟରେ କଡ଼ା ମୁକାବିଲା ଆଶା କରାଯାଉଛି । ଚୟନକର୍ତ୍ତାମାନେ କାହାକୁ ଦଳରେ ସ୍ଥାନ ଦେବେ, ତାହା କେବଳ ଆଗାମୀ ସମୟରେ ହିଁ ଜଣା ପଡିବ ।

ଯଦି ଆମେ ଆଇସିସି ODI ବିଶ୍ୱକପ ପାଇଁ ଦଳରେ ଅଲରାଉଣ୍ଡର ଖେଳାଳିଙ୍କ କଥା ଆଲୋଚନା କହିବା, ତେବେ ଭାରତୀୟ ଦଳ ପାଇଁ ହାର୍ଦ୍ଦିକ ପାଣ୍ଡ୍ୟା ଏକ ଉତ୍ତମ ବିକଳ୍ପ ହୋଇପାରେ । ଏହି ଖେଳାଳି ଉଭୟ ବଲ ଓ ବ୍ୟାଟ୍ ସହିତ ଦଳ ପାଇଁ ଦମଦାର୍ ପ୍ରଦର୍ଶନ କରନ୍ତି । ଯଦି ଆମେ ଅଲରାଉଣ୍ଡରେ ବୋଲିଂର ଦ୍ୱିତୀୟ ବିକଳ୍ପ ବିଷୟରେ କହିବା, ତେବେ ରବିନ୍ଦ୍ର ଜାଡେଜା ଏକ ଭଲ ବିକଳ୍ପ ବୋଲି ପ୍ରମାଣ ହୋଇପାରନ୍ତି । ୱାଶିଂଟନ୍ ସୁନ୍ଦର, ଅକ୍ସର ପଟେଲ ଏବଂ ଦୀପକ ହୁଡାଙ୍କ ଭଳି ଖେଳାଳିମାନେ ମଧ୍ୟ ଦଳରେ ସ୍ଥାନ ପାଇବା ପାଇଁ କ୍ରମାଗତ ଭାବରେ ଭଲ ପ୍ରଦର୍ଶନ କରୁଛନ୍ତି ।
ସେପଟେ ସ୍ପିନର ବୋଲରଙ୍କ ତାଲିକାରେ ଯଜୁଭେନ୍ଦ୍ର ଚହଲଙ୍କ ନାମ ମଧ୍ୟ ଆଗକୁ ଅଛି । ଆଇସିସି ODI ବିଶ୍ୱକପ ପାଇଁ ଦଳରେ ଜସପ୍ରୀତ ବୁମରାଙ୍କ ଚୟନ ପ୍ରାୟ ନିଶ୍ଚିତ । ଏହି ବୋଲରଙ୍କ ବ୍ୟତୀତ ଅର୍ଶଦୀପ ସିଂ, ଭୁବନେଶ୍ୱର କୁମାର, ମହମ୍ମଦ ଶାମି ଏବଂ ଉମ୍ରାନ ମଲିକ ମଧ୍ୟ ଦୌଡ଼ରେ ଅଛନ୍ତି । କିନ୍ତୁ ଯେତେବେଳେ ସମୟ ଆସିବ, ଦଳ ପରିଚାଳନା ଦଳରେ ସଠିକ୍ ଖେଳାଳିଙ୍କୁ ସାମିଲ କରିବାକୁ ବିଚାର କରିବ ।

ଏହି ଦିଗ୍ଗଜଙ୍କ ହୋଇପାରେ ଛୁଟି

ବିଶ୍ୱକପ୍ ୨୦୨୩ ଭାରତୀୟ ଦଳରୁ ଯେଉଁ ଖେଳାଳିମାନେ ବାହାର ହୋଇପାରନ୍ତି । ଏଥିରେ ଶିଖର ଧାୱନଙ୍କ ଭଳି ଖେଳାଳି ଅଛନ୍ତି, ଯାହାଙ୍କ ସାମ୍ପ୍ରତିକ ପ୍ରଦର୍ଶନ କିଛି ଖାସ୍ ନଥିଲା । ସେହିପରି ଦୀପକ ହୁଡା, ୱାଶିଂଟନ୍ ସୁନ୍ଦର ଭଳି ଖେଳାଳିଙ୍କୁ ମଧ୍ୟ ସୁଯୋଗ ପାଇବା କଷ୍ଟକର ।