ଗତ କିଛି ଦିନ ହେବ ପୁରା ଗୁନିଆରେ କରୋନା ଭାଇରସର ପୁନର୍ବାର ସଂକ୍ରମଣକୁ ନେଇ ଅନେକ ଚର୍ଚ୍ଚା ଚାଲିଛି। ଏହାର ପ୍ରଥମ ମାମଲା ହଂକଂରେ ଦେଖାଦେଇଥିଲୀ ଯେତେବେଳେ ଜଣେ ବ୍ୟକ୍ତି କରୋନାରୁ ସୁସ୍ଥ ହେବାର କିଛି ମାସ ପରେ ପୁନର୍ବାର ସଂକ୍ରମିତ ହେଲେ | ଏହା ପରେ ଭାରତର ଅନେକ ସ୍ଥାନରେ ପୁନଃ ସଂକ୍ରମଣ ମାମଲା ମଧ୍ୟ ଦେଖିବାକୁ ମିଳିଲା। ଏହି ସମୟରେ ଦିଲ୍ଲୀ ସଂଲଗ୍ନ ଫରିଦାବାଦରେ ୨୩ ଜଣ ଲୋକ ପୁନର୍ବାର ସଂକ୍ରମିତ ହୋଇଥିବା ସୂଚନା ମିଳିଛି। ଏନେଇ ଇଏସଆଇସି ପକ୍ଷରୁ ବୁଧବାର ଦିନ ସୂଚନା ଦିଆଯାଇଛି। ପ୍ରକାଶ ଯେ ସହରର ୨୩ ଜଣଙ୍କ ମଧ୍ୟରେ ପୁନଃ ସଂକ୍ରମଣ ଦେଖିବାକୁ ମିଳିଛି, ଯେଉଁମାନେ ପୂର୍ବରୁ ସଂକ୍ରମଣ ମୁକ୍ତ ବୋଲି ଘୋଷିତ ହୋଇଥିଲେ। ଏଥିରେ ଇଏସଆଇସି କଲେଜର କର୍ମଚାରୀ ଅନ୍ତର୍ଭୁକ୍ତ |
ଇଏସଆଇସି ଅନୁଯାୟୀ, ପୁନର୍ବାର ସଂକ୍ରମିତ ହୋଇଥିବା ୨୩ ଜଣଙ୍କ ମଧ୍ୟରୁ ଅଧିକଜଣ ୩୦ ଦିନରୁ ୭୦ ଦିନ ପରେ ପୁନର୍ବାର ସଂକ୍ରମିତ ହୋଇଥିବାବେଳେ, ୨-୪ ଜଣ ଏଭଳି ଅଛନ୍ତି ଯେଉଁମାନେ ମାତ୍ର ୨୦ ଦିନ ପରେ ପୁନର୍ବାର ସଂକ୍ରମିତ ହୋଇଛନ୍ତି। କୁହାଯାଉଛି ଯେ ସଂକ୍ରମଣ ସମୟରେ ପ୍ରଥମ ଥର ପାଇଁ କରୋନା ର ସାମାନ୍ୟ ଲକ୍ଷଣ ଦେଖିବାକୁ ମିଳିଥିଲା |
ଇଏସଆଇସି ର ଡେପୁଟି ଡିନ ଡା.ଏ.କେ. ପାଣ୍ଡେଙ୍କ କହିବାନୁସାରେ, ୧୪ ଦିନ ପରେ ଶରୀରରେ କରୋନା ସହିତ ଲଢ଼ିବା ପାଇଁ ଆଣ୍ଟିବଡି ତିଆରି ହୋଇଯାଏ, ଯାହାକି ଅଢ଼େଇ ମାସ ପର୍ଯ୍ୟନ୍ତ ରହିଥାଏ | ସେ ଏହା କହିଛନ୍ତି ଯେ, କିନ୍ତୁ ପୁନର୍ବାର ସଂକ୍ରମିତ ହୋଇଥିବା ୨୩ ଜଣଙ୍କ ମଧ୍ୟରୁ କେବଳ ୩୦ ପ୍ରତିଶତଙ୍କ ଶରୀରରେ ଆଣ୍ଟିବାଡି ସୃଷ୍ଟି ହୋଇଛି,ମାତ୍ର ଅବଶିଷ୍ଟ ୭୦ ପ୍ରତିଶତଙ୍କ ଶରୀରରେ ଆଣ୍ଟିବାଡି ତିଆରି ହିଁ ନାହିଁ |
ଗଣମାଧ୍ୟମର ରିପୋର୍ଟ ଅନୁଯାୟୀ, ଡ।.ଏ.କେ. ପାଣ୍ଡେ କହିଛନ୍ତି ଯେ ଏହି ସମୟରେ ଅଧିକ ଗବେଷଣା ଆବଶ୍ୟକ, କାରଣ ପୁନଃସଂକ୍ରମଣ ପାଇଁ ଅନେକ କାରଣ ଥାଇପାରେ | ତାଙ୍କ କହିବାନୁସାରେ, ପ୍ରଥମ ଥର ପାଇଁ କରୋନା ସଂକ୍ରମଣରୁ ସୁସ୍ଥ ହେବା ପରେ ସେହି ଲୋକମାନେଙ୍କ ଶରୀରରେ ଆଣ୍ଟିବଡି ବିକଶିତ ନ ହୋଇଥାଇପାରେ କିମ୍ବା ରୋଗ ପ୍ରତିରୋଧକ ଶକ୍ତି କମ୍ ହୋଇଥାଇପାରେ।
କରୋନାରୁ ସୁସ୍ଥ ହେବା ପରେ ମଧ୍ୟ ସତର୍କ ହେବା ଆବଶ୍ୟକ
ପୁନଃସଂକ୍ରମଣ ମାମଲା ଆସୁଥିବାରୁ କରୋନା ସଂକ୍ରମଣରୁ ଆରୋଗ୍ୟ ହୋଇଥିବା ଲୋକମାନେ ଅନ୍ୟମାନଙ୍କ ପରି ସତର୍କ ହେବା ଆବଶ୍ୟକ। ସେମାନେ ମାସ୍କ ପିନ୍ଧିବା ଏବଂ ହାତ ଧୋଇବା ଏବଂ ସାମାଜିକ ଦୂରତା ମଧ୍ୟ ଅନୁସରଣ କରିବା ଉଚିତ୍, ନଚେତ୍ ସଂକ୍ରମଣର ଆଶଙ୍କା ରହିବ |
Comments are closed.