ମହାମାରୀ କରୋନା ଭାଇରସ କାରଣରୁ ସାରା ବିଶ୍ୱରେ ୨୨ ଲକ୍ଷରୁ ଉର୍ଦ୍ଧ୍ୱ ଲୋକେ ସଂକ୍ରମିତ ହୋଇଥିବାବେଳେ ଦେଇ ଲକ୍ଷରୁ ଉର୍ଦ୍ଧ୍ୱ ସଂକ୍ରମିତ ଏହି ଭାଇରସ କାରଣରୁ ପ୍ରାଣ ହରାଇ ମଧ୍ୟ ସାରିଲେଣି । ଅନେକ ଦେଶ ଏହି ମହାମାରୀ କରୋନା ଭାଇରସ ବିରୋଧରେ ଟୀକା ଆବିଷ୍କାର କରିବା ଲାଗି ଗବେଷଣା ଚଳାଉଥିବାବେଳେ ଏହି ଦେଶମାନଙ୍କ ମଧ୍ୟରେ ବ୍ରିଟେନ ମଧ୍ୟ ସାମିଲ ହୋଇଯାଇଛି । ବ୍ରିଟେନ ବର୍ତ୍ତମାନ କରୋନା ବିରୋଧୀ ଟୀକା ଆବିଷ୍କାର ଦିଗରେ ନିଜ ଗବେଷଣା ଆରମ୍ଭ କରିଦେଲାଣି ।
ବ୍ରିଟେନର ଅକ୍ସଫୋର୍ଡ ବିଶ୍ୱବିଦ୍ୟାଳୟର ଭ୍ୟାକ୍ସିନୋଲୋଜି ବିଭାଗର ପ୍ରଫେସର ସାରା ଗିଲବର୍ଟ କରୋନା ଭାଇରସର ଟୀକା ପ୍ରସ୍ତୁତ କରିବା ପାଇଁ ଦାବୀ କରିଛନ୍ତି । ସେପ୍ଟେମ୍ବର ସୁଧା ଟୀକାର ଆବିଷ୍କାର ହୋଇଯିବ ବୋଲି ସାମ୍ବାଦିକଙ୍କ ସହ ହୋଇଥିବା ଏକା ସାକ୍ଷାତକାରରେ ଗିଲବର୍ଟ ଦାବୀ କରିଛନ୍ତି । ଗିଲବର୍ଟ କହିଛନ୍ତି ଯେ, ଆମେ ମହାମାରୀ ଋପ ନେବାକୁ ଥିବା ଏକ ରୋଗ ଉପରେ ବର୍ତ୍ତମାନ କାମ କରୁଛୁ ଏବଂ ଏହାକୁ ଏକ୍ସ ନାମ ଦିଆଯାଇଛି । ଏହା ପାଇଁ ଆମକୁ ଯୋଜନା ପ୍ରସ୍ତୁତ କରି କାମ କରିବାକୁ ପଡିବ ।
ସେ କହିଛନ୍ତି, ସିଏଚଏଡିଓକ୍ସ୧ ଜ୍ଞାନକୌଶଳ ସହ ଏହାର ୧୨ଟି ପରୀକ୍ଷଣ ହୋଇସାରିଛି । ଆମକୁ ଏହାର ଏକ ଡୋଜରେ ରୋଗପ୍ରତିରୋଧକ ଶକ୍ତିର କ୍ଷମତାକୁ ଉନ୍ନତ କରିବା ପାଇଁ ପରିଣାମ ମିଳିଯାଇଛି । ସେପଟେ ଆରଏନଏ ଏବଂ ଡିଏନଏ ପ୍ରଯୁକ୍ତିରେ ଏହା ପାଇଁ ଦୁଇ କିମ୍ବା ତାଠାରୁ ଅଧିକ ଡୋଜର ଆବଶ୍ୟକତା ରହିଥାଏ । ପ୍ରଫେସର ଗିଲବର୍ଟ ସୂଚନା ଦେଇଛନ୍ତି ଏହାର କ୍ଲିନିକାଲ ଟ୍ରାଏଲ ବର୍ତ୍ତମାନ ଆରମ୍ଭ ହୋଇଯାଇଛି । ଏହାର ସଫଳତା ଉପରେ ବିଶ୍ୱାସ ଜାହିର କରି ସେ କହିଛନ୍ତି ଯେ, ସେପ୍ଟେମ୍ବର ସୁଧା ଏହାର ୧୦ ଲକ୍ଷ ଡୋଜ ଉପଲବ୍ଧ ହୋଇଯିବ ।
Comments are closed.