ଟିପିଏନ୍‌ଓଡିଏଲ୍ ପକ୍ଷରୁ ବାଲେଶ୍ୱର ଚାନ୍ଦିପୁର ବେଳାଭୂମିରେ ସଫେଇ ଅଭିଯାନ ଆୟୋଜିତ

ବାଲେଶ୍ୱର: ପରିବେଶ ଓ ସମାଜର ଉନ୍ନତି ପାଇଁ ଟାଟା ଗ୍ରୁପ୍ ସର୍ବଦା ପ୍ରତିଶ୍ରୁତିବଦ୍ଧ। ସାମାଜିକ ଦାୟିତ୍ୱବୋଧ ଓ ସ୍ଥାୟିତ୍ୱ ପ୍ରତି ନିଜର ପ୍ରତିବଦ୍ଧତାର ଅଂଶ ସ୍ୱରୂପ ଟିପି ନର୍ଦନ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ (ଟିପିଏନ୍‌ଓଡିଏଲ)ର ସିଏସ୍‌ଆର ଟିମ୍ ଚାନ୍ଦିପୁର ସମୁଦ୍ର ବେଳାଭୂମିରେ ଏକ ବିରାଟ ସଫେଇ ଅଭିଯାନର ଆୟୋଜନ କରିଥିଲା। କମ୍ପାନିର କର୍ମଚାରୀ ସ୍ୱେଚ୍ଛାସେବୀ କାର୍ଯ୍ୟକ୍ରମ ଅଧୀନରେ ଆୟୋଜିତ ଏହି ସଫେଇ ଅଭିଯାନରେ ବରିଷ୍ଠ ନେତୃତ୍ୱ ଟିମ୍ ସମେତ ୧୭୫ରୁ ଅଧିକ କର୍ମଚାରୀ ଉତ୍ସାହଜନକ ଭାବେ ଅଂଶଗ୍ରହଣ କରି ପରିବେଶ ସଂରକ୍ଷଣ ପ୍ରତି ନିଜର ସମର୍ପଣ ପ୍ରଦର୍ଶନ କରିଥିଲେ।
ସେନ୍ଦøର୍ଯ୍ୟରେ ଭରା ଚାନ୍ଦିପୁର ବେଳାଭୂମିରୁ ଆବର୍ଜନା ଓ ଅଳିଆ ହଟାଇବା, ପ୍ରାକୃତିକ ସୌନ୍ଦର୍ଯ୍ୟ ଓ ପରିବେଶ ସନ୍ତୁଳନକୁ ପ୍ରୋତ୍ସାହିତ କରିବା ଉପରେ ଏହି ସଫେଇ ଅଭିଯାନରେ ଗୁରୁତ୍ୱାରୋପ କରାଯାଇଥିଲା। ଉପଯୁକ୍ତ ନିଷ୍କାସନ ସୁନିଶ୍ଚିତ କରିବା ପାଇଁ କର୍ମଚାରୀମାନେ ଦଳଗତ ଭାବେ କାମ କରିବା ସହିତ ବର୍ଜ୍ୟବସ୍ତୁ ସଂଗ୍ରହ ଏବଂ ତାହାକୁ ଅଲଗା କରିଥିଲେ। ଏହି ଅଭିଯାନ ସମୟରେ ୨୫ରୁ ଅଧିକ ବସ୍ତା ଅଳିଆ ସଂଗ୍ରହ କରାଯାଇଥିଲା ଯାହା ସାମୂହିକ ପ୍ରୟାସର ଗୁରୁତ୍ୱପୂର୍ଣ୍ଣ ପ୍ରଭାବ ଉପରେ ଆଲୋକପାତ କରୁଛି। ସାର୍ବଜନୀନ ସ୍ଥାନରେ ସ୍ୱଚ୍ଛତା ବଜାୟ ରଖିବା ଏବଂ ସାମୁଦ୍ରିକ ପରିବେଶର ସୁରକ୍ଷା ଉପରେ ଏହି କାର୍ଯ୍ୟକ୍ରମ ଗୁରୁତ୍ୱାରୋପ କରିଥିଲା।
ପରିବେଶ ସଚେତନତାକୁ ପ୍ରୋତ୍ସାହିତ କରିବା ଏବଂ ପରିବେଶ ଏବଂ ସମାଜର କଲ୍ୟାଣରେ ଯୋଗଦାନ କରୁଥିବା କାର୍ଯ୍ୟକଳାପରେ କର୍ମଚାରୀମାନଙ୍କୁ ନିୟୋଜିତ କରିବା ପାଇଁ ଟିପିଏନଓଡିଏଲର ବ୍ୟାପକ ସିଏସଆର ଲକ୍ଷ୍ୟ ସହିତ ଏହି ପଦକ୍ଷେପ ସମନ୍ୱିତ ରହିଛି। ଏଭଳି କାର୍ଯ୍ୟକ୍ରମ ଆୟୋଜନ କରି ଟିପିଏନଓଡିଏଲ ନିରନ୍ତର ବିକାଶ ପାଇଁ ପ୍ରତିଶ୍ରୁତିବଦ୍ଧ ଓ ଏକ ସାମାଜିକ ଦାୟିତ୍ୱବାନ ସଂସ୍ଥା ଭାବରେ ନିଜର ପ୍ରତିଷ୍ଠାକୁ ସୁଦୃଢ଼ କରିପାରିଛି। ଅଂଶଗ୍ରହଣକାରୀମାନେ ଏଭଳି ମହତ ଉଦ୍ଦେଶ୍ୟକୁ ସମର୍ଥନ ଜାରି ରଖିବା ପାଇଁ ଏକ ନୂତନ ଉଦ୍ଦେଶ୍ୟ ଏବଂ ସଂକଳ୍ପ ସହିତ କାର୍ଯ୍ୟକ୍ରମ ଶେଷ କରିଥିଲେ। ଚାନ୍ଦିପୁର ବେଳାଭୂମିରେ ସଫେଇ ଅଭିଯାନ ସମ୍ପ୍ରଦାୟରେ ସକାରାତ୍ମକ ପରିବର୍ତନ ଆଣିବା ପାଇଁ ଟିପିଏନଓଡିଏଲର ଅତୁଟ ସମର୍ପଣର ପ୍ରମାଣ।
ଟିପିଏନ୍‌ଓଡିଏଲ୍‌ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଦ୍ୱିଜଦାସ ବସାକ ସ୍ୱେଚ୍ଛାସେବୀ କାର୍ଯ୍ୟକଳାପରେ କର୍ମଚାରୀଙ୍କ ସମ୍ପୃକ୍ତି ଉପରେ ଆଲୋକପାତ କରିଥିଲେ ଯାହା ପରିବେଶ ଏବଂ ସମାଜ ଉପରେ ବହୁତ ପ୍ରଭାବ ପକାଇଥାଏ। ଏହାବ୍ୟତୀତ ଭାରତର ଦାୟିତ୍ୱବାନ ନାଗରିକ ହିସାବରେ ପରିବେଶ ରକ୍ଷଣାବେକ୍ଷଣ ଦିଗରେ ସକ୍ରିୟ ପଦକ୍ଷେପ ନେବା ଆମର କର୍ତବ୍ୟ ବୋଲି ସେ କହିଥିଲେ। ଏଭଳି ପଦକ୍ଷେପ କେବଳ ସକାରାତ୍ମକ ପ୍ରଭାବ ପକାଇନଥାଏ ବରଂ ଅନ୍ୟମାନଙ୍କୁ ମଧ୍ୟ ଏକ ସ୍ୱଚ୍ଛ ଓ ସବୁଜ ଭବିଷ୍ୟତ ଗଠନ ରେ ହାତ ମିଳାଇବାକୁ ପ୍ରେରଣା ଦେଇଥାଏ।’’