ଭୁବନେଶ୍ୱର: ହାର୍ପର୍କଲିନ୍ସ ପକ୍ଷରୁ ବିଶ୍ୱର ସବୁଠାରୁ ପ୍ରଭାବଶାଳୀ ଓ ପ୍ରେରଣାଦାୟୀ ଲିଡର୍ଙ୍କ ମଧ୍ୟରୁ ଅନ୍ୟତମ ତଥା କିମ୍ବନ୍ଦନ୍ତୀ ବ୍ୟବସାୟୀ ରତନ ଏନ୍. ଟାଟାଙ୍କ ଅଥୋରାଇଜ୍ଡ ବାୟୋଗ୍ରାଫି (ଜୀବନୀ)କୁ ପ୍ରକାଶ କରିବା ପାଇଁ ଅଧିକାର ହାସଲ କରିଥିବା ନେଇ ଘୋଷଣା କରଯାଇଛି । ‘ରତନ ଏନ୍.ଟାଟା : ଦ ଅଥୋରାଇଜ୍ଡ ବାୟୋଗ୍ରାଫି ବାଏ ଡଃ ଥୋମାସ୍ ମାଥ୍ୟୁ’ ହାର୍ପର୍କଲିନ୍ସ ଦ୍ୱାରା ବିଶ୍ୱବ୍ୟାପୀ ସମସ୍ତ ଫର୍ମାଟ୍ରେ ଆସନ୍ତା ନଭେମ୍ବର ୨୦୨୨ରେ ପ୍ରକାଶିତ ହେବ । ହାର୍ପର୍କଲିନ୍ସ ଇଣ୍ଡିଆର ଉଦୟନ ମିତ୍ର , ଲାବିରିନ୍ଥ୍ ଲିଟେରାରି ଏଜେନ୍ସିରେ ଅନିଶ୍ ଚାଣ୍ଡିଙ୍କଠାରୁ ସମସ୍ତ ଭାଷାରେ ୱାର୍ଲ୍ଡ ରାଇଟ୍ସ ହାସଲ କରିଛନ୍ତି । ଏହି ପୁସ୍ତକ ହାର୍ପର୍କଲିନ୍ସ ଦ୍ୱାରା ଇଂରାଜୀ ଓ ମୂଳ ଭାରତୀୟ ଭାଷାଗୁଡିକରେ ପ୍ରକାଶିତ ହେବ ଏବଂ ୟୁଏସ୍ରେ ଏହାକୁ ହାର୍ପରକଲିନ୍ସ ଲିଡର୍ସିପ୍ ଦ୍ୱାରା ଏବଂ ୟୁକେରେ ୱିଲିୟମ କଲିନ୍ସ ଦ୍ୱାରା ପ୍ରକାଶିତ ହେବ । ଡଃ ମାଥ୍ୟୁଙ୍କ ରତନ ଟାଟାଙ୍କ ଜୀବନ ଉପରେ ବିସ୍ତୃତ ବିବରଣୀ ମଧ୍ୟରେ ତାଙ୍କର ଗଠନ ବର୍ଷଗୁଡିକରୁ ଅଜ୍ଞାତ ତଥ୍ୟ ଓ ଚିତାକର୍ଷକ କାହାଣୀ, ଆମେରିକାରେ ଜଣେ ଛାତ୍ର ଭାବେ ସେ ବିତାଇଥିବା ସମୟ, ଭାରତକୁ ଫେରିବା ଓ ଟାଟା ଗ୍ରୁପ୍ ସହିତ ତାଙ୍କର ପ୍ରାରମ୍ଭିକ କାର୍ଯ୍ୟକାଳ ଆଦି ସାମିଲ ରହିଛି ।
ରତନ ଟାଟା ଟେଟ୍ଲି ଟୀର ମାର୍କି ବ୍ରାଣ୍ଡ, ଜାଗୁଆର୍ ଲ୍ୟାଣ୍ଡ ରୋଭର୍ ଓ କୋରସ୍ ଷ୍ଟିଲ୍ ଆଦିକୁ ଅଧିଗ୍ରହଣ କରିବାର ସାହାସ କରି ଟାଟା କଙ୍ଗ୍ଲୋମିରେଟ୍କୁ ଏକ ଗ୍ଲୋବାଲ କୋଲୋସସ୍ରେ ପରିଣତ କରିଛନ୍ତି । ଆଜି ଏହି ଗ୍ରୁପ୍ ହେଉଛି ଭାରତର ସବୁଠାରୁ ମୂଲ୍ୟବାନ ବ୍ରାଣ୍ଡ ଏବଂ ୨୫୦ ବିଲିୟନ ଡଲାରରୁ ଅଧିକ ବଜାର ପୁଞ୍ଜି ସହିତ ବିଶ୍ୱବ୍ୟାପୀ ସବୁଠାରୁ ପ୍ରତିଷ୍ଠିତ କମ୍ପାନୀ ମଧ୍ୟରୁ ଅନ୍ୟତମ- ଏହି ଗ୍ରୁପ୍ ୭୫୦,୦୦୦ରୁ ଅଧିକ ଲୋକଙ୍କୁ ନିଯୁକ୍ତି ଦେଇଛି ଯେଉଁମାନେ ୧୦୦ଟି ଦେଶରେ କାର୍ ନିର୍ମାଣ କରିବା, ଚା’ ମିଶ୍ରଣ କରିବା, ସଫ୍ଟୱେୟାର ଲେଖିବା ଆଦି ଅନେକ କାର୍ଯ୍ୟରେ ନିୟୋଜିତ ଅଛନ୍ତି । ଆଜି ଏହା ହେଉଛି ବିଶ୍ୱର ଅନ୍ୟତମ ସର୍ବବୃହତ୍ ବ୍ୟବସାୟିକ ସଂସ୍ଥା ଏବଂ ଏହା ନିଜର ସହାନୁଭୂତିଶୀଳ ପୁଞ୍ଜିବାଦ ଓ ସମ୍ପତି ଧାରଣ କରିବାର ଟ୍ରଷ୍ଟିସିପ୍ ମଡେଲ୍ ପାଇଁ ଖୁବ୍ ପ୍ରଶଂସିତ ।
ପୁସ୍ତକର ଲେଖକ ଡଃ ଥୋମାସ୍ ମାଥ୍ୟୁ କହିଛନ୍ତି, “ ଗତ ୪ ଦଶନ୍ଧି ମଧ୍ୟରେ ମୁଁ ଭାରତୀୟ କର୍ପୋରେଟ୍ ଇକୋସିଷ୍ଟମକୁ ଅତି ନିକଟରୁ ବିଶ୍ଳେଷଣ କରିବା ଓ ଏହା ସହ ଜଡିତ ହେବା ଏବଂ ବିଗତ ବର୍ଷଗୁଡିକରେ ବିଶେଷ କରି ରତନ ଟାଟା ଓ ଟାଟା ଗ୍ରୁପ୍ ସହିତ ଜଡିତ ହେବାର ସୁଯୋଗ ପାଇଛି । ତେଣୁ ଯେତେବେଳେ ମୁଁ ଉକ୍ତ ବ୍ୟକ୍ତିଙ୍କ କାହାଣୀ ଲେଖିବାର ସୁଯୋଗ ପାଇଥିଲି, ଯାହାଙ୍କ ନାମ ତତ୍କ୍ଷଣାତ୍ ଗଭୀର ପ୍ରଶଂସା ସୃଷ୍ଟି କରେ, ବିଶ୍ୱବ୍ୟାପୀ ଲୋକଙ୍କ ମଧ୍ୟରେ ଅତ୍ୟଧିକ ପ୍ରଶଂସାକୁ ସୀମିତ କରେ, ମୋର କୌଣସି ସନ୍ଦେହ ନଥିଲା ଯେ, ଏହା ଏକ ଉତ୍ସାହଜନକ ତଥାପି ଜଟିଳ କାର୍ଯ୍ୟ ହେବାକୁ ଯାଉଛି ।”
“ଅନୁସନ୍ଧାନର ଅଂଶ ଭାବେ ମୁଁ ଗ୍ରୁପ୍ର ରେକର୍ଡ ଓ ବିଶ୍ୱାସରେ ଅଦୃଶ୍ୟ ପ୍ରବେଶରୁ ଉପକୃତ ହୋଇଥିଲି, ଯାହା ଏହାକୁ ଓ ରତନ ଟାଟାଙ୍କ ବ୍ୟକ୍ତିଗତ ତଥ୍ୟ, ଚିଠି ଓ ପତ୍ରିକାଗୁଡିକୁ ନିୟନ୍ତ୍ରଣ କରୁଛି । ମୁଁ ମଧ୍ୟ ଭର୍ଚୁଆଲି ନିଜେ ରତନ ଟାଟାଙ୍କ ସହ ବାର୍ତାଳାପକୁ ଉପଭୋଗ କରିଥିଲି, ଯିଏ ନିଜ ଜୀବନର କାହାଣୀକୁ ଏକ ଟେଲ୍-ଅଲ୍ ଫ୍ୟାଶନରେ ବର୍ଣ୍ଣନା କରିଥିଲେ । ଏହି ଅନୁସନ୍ଧାନ ମୋତେ ରତନ ଟାଟାଙ୍କ ଯାତ୍ରାକୁ ଅନୁସରଣ କରିବା, ଏଥିରେ ସମ୍ପୃକ୍ତ ଥିବା ବ୍ୟକ୍ତି, ତାଙ୍କୁ ପ୍ରଭାବିତ କରିଥିବା ବ୍ୟକ୍ତି ଓ ଯେଉଁମାନଙ୍କ ଜୀବନର ସେ ଅଂଶ ଥିଲେ , ସେମାନଙ୍କର ସାକ୍ଷାତକାର ନେବା ପାଇଁ ବିଭିନ୍ନ ମହାଦେଶକୁ ନେଇଥିଲା ।” “ମୁଁ ଆଶା କରୁଛି ଯେ, ପାଠକମାନଙ୍କୁ ରତନ ଟାଟାଙ୍କ ଅସାଧାରଣ ଓ ପ୍ରେରଣାଦାୟକ ଜୀବନ ଯାତ୍ରା ସେତିକି ରୋମାଂଚକର ଲାଗିବ ଯେପରି ମୁଁ ଏହି ପୁସ୍ତକକୁ ପ୍ରସ୍ତୁତ କରିବା ସମୟରେ ଅନୁଭବ କରିଥିଲି ।
ହାର୍ପର୍କଲିନ୍ସ ଇଣ୍ଡିଆର ସିଇଓ, ଅନନ୍ତ ପଦ୍ମନାଭନ୍ କହିଛନ୍ତିଯେ, “ ଆମେ ରତନ ଟାଟାଙ୍କ ଅଥୋରାଇଜ୍ଡ ବାୟୋଗ୍ରାଫି ପ୍ରକାଶିତ କରିବା ପାଇଁ ଖୁବ୍ ଆନନ୍ଦିତ ଅଛୁ । ରତନ ଟାଟାଙ୍କ ବ୍ୟକ୍ତିଗତ ଓ ବୃତିଗତ ଜୀବନରେ ଅଦୃଶ୍ୟ ପ୍ରବେଶ ସହିତ, ଡଃ ମାଥ୍ୟୁ ଜଣେ ବ୍ୟକ୍ତିଙ୍କ ଚିତାକର୍ଷକ ଚିତ୍ର ଆଙ୍କିଛନ୍ତି, ଯାହାଙ୍କର ସଠିକ୍ କାର୍ଯ୍ୟ କାରିବାର ଅଦମ୍ୟ ସଙ୍କଳ୍ପ ଅନ୍ୟ ଯେକୌଣସି ବ୍ୟକ୍ତି କିମ୍ବା ସଂଗଠନ ତୁଳନାରେ ସ୍ୱାଧୀନ ଭାରତର ଅନେକ ଦିଗକୁ ପରିବର୍ତନ କରିଛି । ଆମେ ଏହି ପୁସ୍ତକକୁ ଏକାଧିକ ଫର୍ମାଟ୍ ଓ ଭାଷାରେ ବିଭିନ୍ନ ଭୌଗୋଳିକ ସ୍ତରରେ ପ୍ରକାଶ କରିବା ପାଇଁ ଅପେକ୍ଷା କରିରହିଛୁ । ଏହି ପୁସ୍ତକର ପ୍ରକାଶନ ଏକ ଗୁରୁତ୍ୱପୂର୍ଣ୍ଣ ଆନ୍ତର୍ଜାତୀୟ ପ୍ରକାଶନ କାର୍ଯ୍ୟକ୍ରମ ହେବ ।”
ହାର୍ପର୍କଲିନ୍ସ ଇଣ୍ଡିଆର କାର୍ଯ୍ୟକାରୀ ପ୍ରକାଶନ ଉଦୟନ ମିତ୍ର କହିଛନ୍ତି, “ଏହା ହେଉଛି ସ୍ୱାଧୀନ ଭାରତରେ ପ୍ରକାଶିତ ହେବାକୁ ଥିବା ଖୁବ୍ ସରଳ ଭାବେ ସବୁଠାରୁ ଗୁରୁତ୍ୱପୂର୍ଣ୍ଣ ବାୟୋଗ୍ରାଫି ।” ସେହିଭଳି ୱିଲିୟମ କଲିନ୍ସର ପବ୍ଲିଶିଙ୍ଗ୍ ଡାଇରେକ୍ଟର ଆରାବେଲା ପାଇକ୍ କହିଛନ୍ତି, “ଏକ ଚମତ୍କାର ଓ ଚିତାକର୍ଷକ ପୁସ୍ତକ ହେବାକୁ ଯାଉଥିବା ଏହି ପୁସ୍ତକ ଉପରେ ଆମେ ରତନ ଟାଟା, ଡଃ ଥୋମାସ୍ ମାଥ୍ୟୁ ଓ ହାର୍ପରକଲିନ୍ସ ଇଣ୍ଡିଆ ସହିତ କାମ କରି ଅତ୍ୟଧିକ ରେମାଂଚିତ ଓ ଗର୍ବିତ ଅନୁଭବ କରିପାରୁଛୁ ।” ସେହିଭଳି ହାର୍ପର୍ ଲିଡର୍ସିପ୍ର ଉପାଧ୍ୟକ୍ଷ ଓ ପ୍ରକାଶନ ଜାମି ଲୋକାର୍ଡ କହିଛନ୍ତି, “ହାର୍ପର୍କଲିନ୍ସ ଲିଡରସିପ୍ ୟୁଏସ୍ର ଅନେକ ମହାଦେଶ, ବ୍ୟବସାୟ ଓ ପାଠକମାନଙ୍କ ସହ ରତନ ଟାଟାଙ୍କର ଉଲ୍ଲେଖନୀୟ କ୍ୟାରିୟର୍ର କାହାଣୀକୁ ସେୟାର କରିବାର ସୁଯୋଗ ପାଇଁ ଉତ୍ସାହିତ ରହିଛି ।”
Comments are closed.