ଭୁବନେଶ୍ୱର : ସିଆଇଆଇ ଓଡ଼ିଶା ପକ୍ଷରୁ ବାର୍ଷିକ ବୈଠକ ଅବସରରେ “ଓଡ଼ିଶା ଲିଡିଙ୍ଗ: ସ୍ଥାୟୀ ଏବଂ ସମାବେଶୀ ବିକାଶ ପାଇଁ ସହଭାଗୀତା’ ଶୀର୍ଷକ ଏକ ଅଧିବେଶନ ଆୟୋଜନ କରାଯାଇଛି। ଏହି ଅଧିବେଶନରେ ରାଜ୍ୟରେ ଶିଳ୍ପ ବିକାଶକୁ ତ୍ୱରାନ୍ୱିତ କରିବା, ନବସୃଜନ ଇକୋସିଷ୍ଟମକୁ ସୁଦୃଢ଼ କରିବା ଏବଂ ସମାବେଶୀ ଆର୍ôଥକ ଅଭିବୃଦ୍ଧିକୁ ପ୍ରୋତ୍ସାହିତ କରିବା ପାଇଁ ସରକାର ଏବଂ ଶିଳ୍ପ ମଧ୍ୟରେ ଦୃଢ଼ ସହଯୋଗର ଗୁରୁତ୍ୱ ଉପରେ ଆଲୋକପାତ କରାଯାଇଛି।
ଅଧିବେଶନଟି ସିଆଇଆଇ ଓଡ଼ିଶା ରାଜ୍ୟ ପରିଷଦର ଅଧ୍ୟକ୍ଷ ଶ୍ରୀ ଅନିଲ କୁମାର ସିଂହଙ୍କ ବକ୍ତବ୍ୟ ସହିତ ଆରମ୍ଭ ହୋଇଥିଲା, ଯେକି ଓଡ଼ିଶାର ଶିଳ୍ପ ଅଭିବୃଦ୍ଧି, ଇଲେକ୍ଟ୍ରୋନିକ୍ସ, ଆଇଟି, ନବୀକରଣୀୟ ଶକ୍ତି ଏବଂ ଉନ୍ନତ ଉତ୍ପାଦନ ଭଳି କ୍ଷେତ୍ରରେ ବିବିଧତା ଏବଂ ସରକାର, ଶିଳ୍ପ ଏବଂ ପ୍ରତିଷ୍ଠାନ ମଧ୍ୟରେ ସହଯୋଗର ଗୁରୁତ୍ୱ ଉପରେ ଆଲୋକପାତ କରିଛନ୍ତି। ସେ ନୀତିଗତ ସମର୍ଥନ, ନିବେଶ ପ୍ରୋତ୍ସାହନ ଏବଂ କ୍ଷମତା-ନିର୍ମାଣ ପଦକ୍ଷେପରେ ସିଆଇଆଇ ଓଡ଼ିଶାର ପ୍ରୟାସ ବିଷୟରେ ମଧ୍ୟ ଉଲ୍ଲେଖ କରିଛନ୍ତି।
ନିଜର ଉଦଘାଟନୀ ଅଭିଭାଷଣରେ, ଓଡ଼ିଶା ସରକାରଙ୍କ ମାନ୍ୟବର ଶିଳ୍ପ, ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ମନ୍ତ୍ରୀ ଶ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଗୁରୁତ୍ୱାରୋପ କରିଛନ୍ତି ଯେ, ସ୍ଥାୟୀ ଆର୍ôଥକ ଅଭିବୃଦ୍ଧି ପାଇଁ ସରକାର ଏବଂ ଶିଳ୍ପ ମଧ୍ୟରେ ଦୃଢ଼ ସହଭାଗୀତା ଆବଶ୍ୟକ। ସେ ବୃହତ ଉଦ୍ୟୋଗ ଏବଂ ଏମଏସଏମଇ ମଧ୍ୟରେ ସହଯୋଗର ଆବଶ୍ୟକତା ଉପରେ ଆଲୋକପାତ କରିଛନ୍ତି ଏବଂ ସମାବେଶୀ ବିକାଶ ସୁନିଶ୍ଚିତ କରିବା ପାଇଁ ସାମାଜିକ ଦାୟିତ୍ୱ ସହିତ ଆର୍ôଥକ ମହତ୍ୱାକାଂକ୍ଷାକୁ ସନ୍ତୁଳିତ କରିବା ଉପରେ ଗୁରୁତ୍ୱାରୋପ କରିଛନ୍ତି। ମନ୍ତ୍ରୀ ଉଲ୍ଲେଖ କରିଛନ୍ତି ଯେ ରାଜ୍ୟ ସରକାର ସ୍ୱତନ୍ତ୍ର ଶିଳ୍ପ ଇକୋସିଷ୍ଟମ ନିର୍ମାଣ ଏବଂ ନିବେଶକୁ ଆକର୍ଷିତ କରିବା ପାଇଁ ବୟନ ଏବଂ ପୋଷାକ, ଔଷଧ ଏବଂ ଚିକିତ୍ସା ଉପକରଣ, ଲଜିଷ୍ଟିକ୍ସ ଏବଂ ଉନ୍ନତ ଉତ୍ପାଦନ ଭଳି କ୍ଷେତ୍ରର ଅଂଶୀଦାରମାନଙ୍କ ସହିତ ସକ୍ରିୟ ଭାବରେ ଜଡିତ ଅଛନ୍ତି।
ମାନ୍ୟବର ମନ୍ତ୍ରୀ ଶିଳ୍ପ ସମ୍ପ୍ରସାରଣର ପରବର୍ତୀ ପର୍ଯ୍ୟାୟକୁ ସମର୍ଥନ କରିବା ପାଇଁ ସମଗ୍ର ଓଡ଼ିଶାରେ ଶିଳ୍ପ ପାର୍କ ମଡେଲକୁ ପ୍ରୋତ୍ସାହିତ କରିବା ଏବଂ ଆଂଚଳିକ ଶିଳ୍ପ କରିଡର ବିକାଶ କରିବା ଉପରେ ସରକାରଙ୍କ ଧ୍ୟାନ ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ରାଜ୍ୟ ଭବିଷ୍ୟତ ପାଇଁ ପ୍ରସ୍ତୁତ ପ୍ରତିଭାଗୁଡ଼ିକୁ ସୃଷ୍ଟି କରିବା ପାଇଁ ଦକ୍ଷତା ବିକାଶ ପଦକ୍ଷେପଗୁଡ଼ିକୁ ପ୍ରାଥମିକତା ଦେବା ସହିତ ଶିଳ୍ପ କର୍ମଶକ୍ତିରେ ମହିଳାମାନଙ୍କର ଅଧିକ ଅଂଶଗ୍ରହଣକୁ ଉତ୍ସାହିତ କରୁଛି।
ଓଡ଼ିଶା ସରକାରଙ୍କ ମୁଖ୍ୟ ସଚିବ ଶ୍ରୀମତୀ ଅନୁ ଗର୍ଗ, ଆଇଏଏସ୍, ରାଜ୍ୟର ଅର୍ଥନୈତିକ ପରିବର୍ତନକୁ ସମର୍ଥନ କରିବା ପାଇଁ ଭିତିଭୂମି ଏବଂ ଦକ୍ଷତା ବୃଦ୍ଧି ଉପରେ ଗୁରୁତ୍ୱାରୋପ କରିଛନ୍ତି । ଏହାସହିତ ବନ୍ଦର, ବିମାନବନ୍ଦର ଏବଂ ସଡ଼କ ସଂଯୋଗୀକରଣର ବିସ୍ତାର ଆବଶ୍ୟକତା ଉପରେ ଆଲୋକପାତ କରିଛନ୍ତି ଏବଂ ପ୍ରସ୍ତାବିତ ଭୁବନେଶ୍ୱର-କଟକ-ପାରାଦୀପ-ପୁରୀ ଅର୍ଥନୈତିକ କରିଡର ବିଷୟରେ ଉଲ୍ଲେଖ କରିଛନ୍ତି।
ସେ ଉଲ୍ଲେଖ କରିଛନ୍ତି ଯେ ଓଡ଼ିଶାର ଜିଡିପି ୧୦ ଲକ୍ଷ କୋଟି ଟଙ୍କା ଅତିକ୍ରମ କରିଛି ଏବଂ ନୀତି ଆୟୋଗ ରାଜ୍ୟକୁ ଆର୍ôଥକ ସ୍ୱାସ୍ଥ୍ୟ ସୂଚକାଙ୍କରେ ଶ୍ରେଷ୍ଠ ପ୍ରଦର୍ଶନକାରୀ ଭାବରେ ସ୍ୱୀକୃତି ଦେଇଛି। ସେ ରିଅଲ ଇଷ୍ଟେଟ, ପର୍ଯ୍ୟଟନ ଏବଂ ଓଡ଼ିଶା ଏଆଇ ମିଶନରେ ସୁଯୋଗ ଉପରେ ମଧ୍ୟ ଆଲୋକପାତ କରିଛନ୍ତି, ଯେବେକି ନିବେଶକମାନଙ୍କୁ “ଥିଙ୍କ ଇଣ୍ଡିଆ, ଥିଙ୍କ ଓଡ଼ିଶା’ ପାଇଁ ଉତ୍ସାହିତ କରିଛନ୍ତି।
ଓଡ଼ିଶା ସରକାରଙ୍କ ଗୃହ, ଶିଳ୍ପ ଏବଂ ସୂଚନା ଏବଂ ଜନସଂପର୍କ ବିଭାଗର ଅତିରିକ୍ତ ମୁଖ୍ୟ ସଚିବ, ଆଇଏଏସ୍ ଶ୍ରୀ ହେମନ୍ତ ଶର୍ମା, ଭିଜନ ୨୦୩୬ ଏବଂ ଭିଜନ ୨୦୪୭ ସହିତ ସମନ୍ୱିତ ରାଜ୍ୟର ଶିଳ୍ପ ରୋଡମ୍ୟାପ୍ ଉପରେ ଆଲୋକପାତ କରି କହିଛନ୍ତି ଯେ ଓଡ଼ିଶାର ଜିଏସଡିପିରେ ଉତ୍ପାଦନ ପ୍ରାୟ ୪୭% ଅବଦାନ ରଖେ ଏବଂ କୃଷି ପ୍ରାୟ ୨୦% ଅବଦାନ ରଖେ। ସେ ଖଣିଜ ଏବଂ ଖଣି କ୍ଷେତ୍ରରେ ଓଡ଼ିଶାର ଶକ୍ତି ଉପରେ ଆଲୋକପାତ କରିଛନ୍ତି, କାରଣ ଏହା ଲୁହାପଥର, କୋଇଲା, ଇସ୍ପାତ ଏବଂ ବକ୍ସାଇଟ୍ର ଏକ ଅଗ୍ରଣୀ ଉତ୍ପାଦକ, ଏବଂ ଖାଦ୍ୟ ପ୍ରକ୍ରିୟାକରଣ, ବୟନ ଏବଂ ପ୍ୟାକେଜିଂରେ ଅଭିବୃଦ୍ଧି ସୁଯୋଗ ଉପରେ ଇଙ୍ଗିତ କରିଛନ୍ତି।
ସେ ଆହୁରି କହିଛନ୍ତି ଯେ ରାଜ୍ୟକୁ ଆଗାମୀ ୧୫-୨୦ ବର୍ଷ ମଧ୍ୟରେ ପ୍ରାୟ ଟ.୩୦ ଲକ୍ଷ କୋଟିର ନିବେଶର ଆବଶ୍ୟକତା ପଡ଼ିବ, ଯେଉଁଥିରେ ଧାତୁ ଡାଉନଷ୍ଟ୍ରିମ୍ ଶିଳ୍ପ, ରାସାୟନିକ ଏବଂ ପେଟ୍ରୋକେମିକାଲ୍ସ, ବୟନଶିଳ୍ପ ଏବଂ ଜାହାଜ ନିର୍ମାଣ, ମହାକାଶ ଏବଂ ପ୍ରତିରକ୍ଷା ଭଳି ଉଦୀୟମାନ କ୍ଷେତ୍ର ଉପରେ ଧ୍ୟାନ ଦିଆଯିବ।
ସିଆଇଆଇ ପୂର୍ବାଂଚଳର ଉପାଧ୍ୟକ୍ଷ ଶ୍ରୀଯୁକ୍ତ ମେହୁଲ ମୋହନକା ମଧ୍ୟ ସମାବେଶକୁ ସମ୍ବୋଧିତ କରିଥିଲେ ଏବଂ ଓଡ଼ିଶାର ପ୍ରଗତିକୁ ପ୍ରଶଂସା କରିଛନ୍ତି, ଏହାକୁ ସରକାର, ଶିଳ୍ପ, ଶିକ୍ଷାନୁଷ୍ଠାନ ଏବଂ ସମ୍ପ୍ରଦାୟ ମଧ୍ୟରେ ସହଯୋଗ ପାଇଁ ଶ୍ରେୟ ଦେଇଥିଲେ। ସେ ଅର୍ଥନୈତିକ ପରିବର୍ତନ, ଶାସନ ଏବଂ ଭିତିଭୂମିରେ ରାଜ୍ୟର ସଫଳତା ଉପରେ ଆଲୋକପାତ କରିଥିଲେ, ଉଲ୍ଲେଖ କରିଥିଲେ ଯେ ଏହାର ବିକାଶ ମଡେଲ ସାମାଜିକ ଅନ୍ତର୍ଭୁକ୍ତି ଏବଂ ସ୍ଥାୟୀତ୍ୱ ସହିତ ଶିଳ୍ପ ଅଭିବୃଦ୍ଧିକୁ ସନ୍ତୁଳିତ କରିଥାଏ।
ଏହି କାର୍ଯ୍ୟକ୍ରମ ସମୟରେ, ରାଜ୍ୟବ୍ୟାପୀ ଶିଳ୍ପଗୁଡ଼ିକ ଦ୍ୱାରା ଉଲ୍ଲେଖନୀୟ ସଫଳତା ଏବଂ ନବସୃଜନକୁ ସ୍ୱୀକୃତି ଦେବା ପାଇଁ ସିଆଇଆଇ ଶିଳ୍ପ କାର୍ନିଭାଲ ୨୦୨୫ ପୁରସ୍କାର ପ୍ରଦାନ କରାଯାଇଛି। ସିଆଇଆଇ ଓଡ଼ିଶା ରାଜ୍ୟ ପରିଷଦର ଉପାଧ୍ୟକ୍ଷ ମଣିକାନ୍ତ ନାଏକଙ୍କ ଶେଷ ମନ୍ତବ୍ୟ ସହିତ ଉଦଘାଟନୀ ସମାରୋହ ସମାପ୍ତ ହୋଇଛି, ଯିଏକି ରାଜ୍ୟରେ ସ୍ଥାୟୀ ଶିଳ୍ପ ଅଭିବୃଦ୍ଧି ଏବଂ ଆର୍ôଥକ ସମୃଦ୍ଧିକୁ ଆଗେଇ ନେବା ପାଇଁ ଓଡ଼ିଶା ସରକାର ଏବଂ ଶିଳ୍ପ ଅଂଶୀଦାରମାନଙ୍କ ସହିତ ଘନିଷ୍ଠ ଭାବରେ କାର୍ଯ୍ୟ କରିବା ପାଇଁ ସିଆଇଆଇର ପ୍ରତିବଦ୍ଧତାକୁ ପୁଣି ଦୋହରାଇଛନ୍ତି।
ଏହି ବୈଠକରେ “ଫ୍ୟୁଚର ରେଡି ଓଡ଼ିଶା-ଇଂଟରାକ୍ସନ ୱିଥ ୟଙ୍ଗ ମାଇଣ୍ଡସ” ଶୀର୍ଷକ ଏକ ସ୍ୱତନ୍ତ୍ର ଆଲୋଚନା ଅଧିବେଶନ ମଧ୍ୟ ଅନୁଷ୍ଠିତ ହୋଇଥିଲା, ଯାହାକୁ ବେଦାନ୍ତ ଲିମିଟେଡର ସିଇଓ ଶ୍ରୀ ସି ଚନ୍ଦ୍ରୁ ପରିଚାଳନା କରିଥିଲେ। ସ୍ୱଦେଶ ଇନଫ୍ରା ପ୍ରାଇଭେଟ ଲିମିଟେଡର ପରିଚାଳନା ନିର୍ଦ୍ଦେଶକ ଶ୍ରୀ ସ୍ୱୟଂ ବରାଳ ଏବଂ ଶ୍ରୀକେମ୍ ରେଜିନ୍ସର ଶ୍ରୀ ବିଭୋର ଶର୍ମାଙ୍କ ସମେତ ଯୁବ ଉଦ୍ୟୋଗୀମାନେ ଷ୍ଟାର୍ଟଅପ୍ ଅଭିବୃଦ୍ଧି, ନବସୃଜନ, ପରାମର୍ଶ ଏବଂ ପୁଞ୍ଜିର ପ୍ରବେଶ ଉପରେ ଚିନ୍ତାଧାରା ବାଂଟିଥିଲେ।
ଏହି ବୈଠକରେ ବରିଷ୍ଠ ସରକାରୀ ଅଧିକାରୀ, ଶିଳ୍ପ ନେତା, ଷ୍ଟାର୍ଟଅପ ଏବଂ ବ୍ୟବସାୟ ସମୂହର ସଦସ୍ୟମାନେ ଯୋଗ ଦେଇଥିଲେ ।
Comments are closed.