ନ୍ୟୁୟର୍କରେ ବର୍ତ୍ତମାନ ରିଷି କପୁରଙ୍କ ଚିକିତ୍ସା ଅନ୍ତିମ ପର୍ଯ୍ୟାୟରେ ଆସି ପହଞ୍ଚିଲାଣି, ଏବଂ ଆଉ ସେ ଅଳ୍ପ ଦିନ ମଧ୍ୟରେ ଭାରତ ଫେରି ଆସିବେ ବୋଲି ବଡ ଭାଇ ରଣଧୀର କପୁର ସୂଚନା ଦେଇଛନ୍ତି । ରଣଧୀର ସାମ୍ବାଦିକ ମାନଙ୍କୁ ଏହି ସଂପର୍କରେ ସୂଚନା ଦେଇ କହିଛନ୍ତି ଯେ, “ରିଷି ପୂର୍ବ ଅପେକ୍ଷା ବର୍ତ୍ତମାନ ବହୁତ ଭଲ ଅଛନ୍ତି । ସେ ତାଙ୍କ ଚିକିତ୍ସାକୁ ଶେଷ କରି ଖୁବ ଶୀଘ୍ର ଭାରତ ପ୍ରତ୍ୟାବର୍ତ୍ତନ କରିବେ ।”
ପ୍ରକାଶ ଥାଉକି ଏହା ପୂର୍ବରୁ ରିଷି କପୁରଙ୍କ ସାଙ୍ଗ ତଥା ଫିଲ୍ମ ନିର୍ମାତା ରାହୁଲ ରାୱାଲ ନିଜ ଫେସବୁକରେ ଏହି ସଂକ୍ରାନ୍ତରେ ସୂଚନା ଦେଇ ସାରିଥିଲେ । ଫିଲ୍ମ ନିର୍ମାତା ରାହୁଲଙ୍କ ଏହି ପୋଷ୍ଟ ପରେ ରିଷିଙ୍କ ପ୍ରସଂଶକଙ୍କ ସମତେ ତାଙ୍କର ନିକଟ ସମ୍ପର୍କୀୟ ମଧ୍ୟ ଅନେକ କମେଣ୍ଟ ଦେବା ସହିତ ସେ ଯେପରି ଶୀଘ୍ର ଆରୋଗ୍ୟ ହୋଇଯିବେ ସେଥିପାଇଁ କାମନା ମଧ୍ୟ କରିଥିଲେ ।
ପୂର୍ବରୁ ରାହୁଲ, ରିଷିଙ୍କ ସହିତ ଏକ ଫଟୋ ଫେସବୁକରେ ଫୋଷ୍ଟ କରି କ୍ୟାପସନରେ “ରିଷି କପୁର (ଚିଣ୍ଟୁ) କ୍ୟାନସର ସେ ମୁକ୍ତ ହେ” ବୋଲି ଲେଖିଥିଲେ ।
ପ୍ରକାଶ ଥାଉକି ରିଷି କପୁର ଦୀର୍ଘ ଦିନ ହେବ କ୍ୟାନସରରେ ପୀଡିତ ଥିଲେ, ଯେଉଁଥିପାଇଁ ସେ ନ୍ୟୁୟର୍କରେ ଚିକିତ୍ସାଧୀନ ଅବସ୍ଥାରେ ଥିଲେ । ଏହା ରିଷି ନିଜେ ତାଙ୍କର ଏହି ରୋଗ ସଂପର୍କରେ ଫେସବୁକରେ ସମସ୍ତଙ୍କୁ ସୂଚନା ଦେଇଦେଇଥିଲେ ।
Comments are closed.