ପ୍ରୋଜିଲ୍ ଗ୍ରିନ୍ ଏନର୍ଜି ଲିମିଟେଡ୍ ପକ୍ଷରୁ ସେବି ନିକଟରେ ଡିଆର୍ଏଚ୍ପି ଦାଖଲ
ଭୁବନେଶ୍ୱର: ରାଜସ୍ୱ ଦୃଷ୍ଟିରୁ ଭାରତର ଚତୁର୍ଥ ବୃହତମ ସୋଲାର ଇପିସି କମ୍ପାନି ପ୍ରୋଜିଲ୍ ଗ୍ରିନ୍ ଏନର୍ଜି ଲିମିଟେଡ୍ ପକ୍ଷରୁ ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି) ନିକଟରେ ଡ୍ରାଫ୍ଟ ରେଡ୍ ହେରିଂ ପ୍ରୋସପେକ୍ଟସ୍ (ଡିଆର୍ଏଚ୍ପି) ଦାଖଲ କରାଯାଇଛି। କମ୍ପାନି ୭୦୦ କୋଟି ଟଙ୍କାର ଇକ୍ୱିଟି ସେୟାରକୁ ଇନିସିଆଲ ପବ୍ଲିକ୍ ଅଫରିଂ (ଆଇପିଓ) ଜରିଆରେ ଉପଲବ୍ଧ କରିବ।
ଏହି ଅଫରରେ ୩୫୦ କୋଟି ଟଙ୍କାର ନୂଆ ଇକ୍ୱିଟି ସେୟାର ଜାରି କରାଯିବ ଏବଂ ଅଫର୍ ଫର୍ ସେଲ୍ରେ ଅଂଶଧନକାରୀମାନେ ୩୫୦ କୋଟି ଟଙ୍କାର ଇକ୍ୱିଟି ସେୟାର ବିକ୍ରି କରିବେ। ସୋବିତ ବୈଜନାଥ ରାୟ ୧୬୮.୫ କୋଟି ଟଙ୍କା, ମନନ ହିତେନ୍ଦ୍ରକୁମାର ଠକର ୧୬୮.୦ କୋଟି ଟଙ୍କାର, ଏଏଆର୍ ଇଏମ୍ ଭେଂଚର୍ସ ଏଲ୍ଏଲ୍ପି ୩ କୋଟି ଙ୍କାର, ଭବେଶ କୁମାର ବଚୁଭାଇ ମେହେଟ୍ଟା ୨ କୋଟି ଟଙ୍କା, ଜୟ ଚନ୍ଦ୍ରକାନ୍ତ ଗୋଗରି ୬ କୋଟି ଟଭ୍କାର, ମନୋଜ ମୁଜଲି ଛେଡା ୨ କୋଟି ଟଙ୍କାର ଇକ୍ୱିଟି ସେୟାର ବିକ୍ରି କରିବେ।
ଏହି ଇସ୍ୟୁରୁ ଯେଉଁ ପାଣ୍ଠି ସଂଗୃହୀତ ହେବ ତାହାକୁ କମ୍ପାନି ଦୀର୍ଘକାଳୀନ କାର୍ଯ୍ୟକାରୀ ପୁଞ୍ଜି ଆବଶ୍ୟକତା ପୂରଣ କରିବା, ସହାୟକ କମ୍ପାନିରେ ନିବେଶ, ଋଣକୁ ସମ୍ପୂର୍ଣ୍ଣ କିମ୍ବା ଆଂଶିକ ପରିଶୋଧ କରିବା ଏବଂ ସାଧାରଣ କର୍ପୋରେଟ୍ କାର୍ଯ୍ୟରେ ବ୍ୟବହାର କରିବାକୁ କମ୍ପାନି ପ୍ରସ୍ତାବ ଦେଇଛି।
ଏହି ଅଫର୍ର ବୁକ୍ ରନିଂ ଲିଡ୍ ମ୍ୟାନେଜର ହେଉଛନ୍ତି ନୁଭାମା ୱେଲ୍ଥ ମ୍ୟାନେଜମେଂଟ୍ ଲିମିଟେଡ୍ ଓ ଏସ୍ବିଆଇ କ୍ୟାପିଟାଲ୍ ମାର୍କେଟସ୍ ଲିମିଟେଡ୍।
ପ୍ରୋଜିଲ୍ ଗ୍ରିନ୍ ଏନର୍ଜି ହେଉଛି ଏକ ଆରମ୍ଭରୁ ଶେଷ ପର୍ଯ୍ୟନ୍ତ ଅକ୍ଷୟ ଶକ୍ତି ସମାଧାନ ପ୍ରଦାନ କରୁଥିବା ସଂସ୍ଥା ଯେଉଁଥିରେ ଇଞ୍ଜିନିୟରିଂ, ପ୍ରକ୍ୟୁମେଂଟ୍ ଓ ନିର୍ମାଣ ଆଦି କାର୍ଯ୍ୟ ଜାରି ରହିଛି। କମ୍ପାନି ଏହାର କ୍ଲାଏଂଟ୍ମାନଙ୍କ ପାଇଁ ସ୍ୱତନ୍ତ୍ର ସୌର ଇପିସି ପ୍ରକଳ୍ପ କାର୍ଯ୍ୟକାରୀ କରୁଥିବା ବେଳେ ଏହା “ପ୍ଲଗ୍ ଆଣ୍ଡ ପ୍ଲେ ସୋଲାର ପାର୍କ ମଡେଲ୍’ ବିକାଶ ଉପରେ ଅଧିକ ଧ୍ୟାନ ଦେଉଛି। ଏହି ମଡେଲ୍ ଅଧୀନରେ କମ୍ପାନି ପ୍ରକଳ୍ପ ପରିକଳ୍ପନା, ଜମି ଅଧିଗ୍ରହଣ, ପ୍ରକଳ୍ପ ମୂତୟନ, ଆବଶ୍ୟକ ମଞ୍ଜୁରି ହାସଲ ଏବଂ ପ୍ରକଳ୍ପରୁ ଗ୍ରିଡ୍କୁ ସଂଯୋଗ ପ୍ରଦାନ ଆଦି ସୁବିଧା ପ୍ରଦାନ କରୁଛି।
ପ୍ରୋଜିଲ୍ ଗ୍ରିନ୍ ଏନର୍ଜି ସଫଳତାର ସହିତ ଭାରତର ୧୭ଟି ରାଜ୍ୟରେ ୮୭୩.୯୮ ମେଗାୱାଟ୍ର ୧୮୨ଟି ସୌର ପ୍ରକଳ୍ପ କାର୍ଯ୍ୟକାରୀ କରିଛି ଏବଂ ନେପାଳରେ ଗୋଟିଏ ପ୍ରକଳ୍ପ ସହିତ ୧୨୫ କ୍ଲାଏଂଟ୍କୁ ସେବା ପ୍ରଦାନ କରିଛି। ଟୋରେଂଟ ପାୱାର, ଏଏମ୍ ଗ୍ରିନ୍ ଏନର୍ଜି, ଜିଏଚ୍ସିଏଲ୍, ଆଲେମ୍ବିକ୍ ଫାର୍ମାସ୍ୟୁଟିକାଲ୍ସ, ଅସାହି ସଙ୍ଗୱାନ କଲର୍ସ, ମାର୍କ ଆଲୟଜ୍, ଅଜୟ କଷ୍ଟପିନ୍ ଇଣ୍ଡଷ୍ଟ୍ରିଜ୍, ପଶୁପତି କଷ୍ଟପିନ୍ ଓ ଏସିଜି ଆସୋସିଏଟେଡ୍ କ୍ୟାପ୍ସୁଲ୍ ଆଦିକୁ ଏହା ସେବା ପ୍ରଦାନ କରିଛି।
୨୦୨୧-୨୨ ଆର୍ଥିକ ବର୍ଷରେ କମ୍ପାନିର ପରିଚାଳନା ରାଜସ୍ୱ ୨୮୭.୧୮ କୋଟି ଟଙ୍କା ଥିଲା ଏବଂ ୨୦୨୩-୨୪ ସୁଦ୍ଧା ତାହା ୯୪୮.୮୮ କୋଟି ଟଙ୍କାକୁ ବୃଦ୍ଧି ପାଇଛି। ଏହି ସମୟରେ ଏହା ଇବିଅ।।ଇଟିଡିଏ ୨୪.୭ କୋଟି ଟଙ୍କାରୁ ୨୨୮.୭୧ ପ୍ରତିଶତ ବୃଦ୍ଧି ପାଇ ୬୮.୭୧ କୋଟି ଟଙ୍କା ହୋଇଛି। ଏହାର ଲାଭ ପରିମାଣ ୧୦.୦୧ କୋଟି ଟଙ୍କାରୁ ୨୦୨.୬୪ ପ୍ରତିଶତ ବୃଦ୍ଧି ପାଇ ୫୧.୫୯ କୋଟି ଟଙ୍କା ହୋଇଛି।
Comments are closed.