ବଲିଉଡ ଅଭିନେତ୍ରୀ ପ୍ରୀତି ଜିଣ୍ଟା ସୋସିଆଲ ମିଡିଆରେ ବେଶ ସକ୍ରିୟ। ସମ୍ପ୍ରତି, ସେ ତାଙ୍କ ପ୍ରଶଂସକଙ୍କ ସହ ସରୋଗେସି ସାହାଯ୍ୟରେ ଯାଆଁଳା ପିଲାର ମା ହେବାର ଖୁସି ସେୟାର କରିଥିଲେ। ବର୍ତ୍ତମାନ ତାଙ୍କ ସହ ଜଡିତ ଆଉ ଏକ ଖୁସିଖବର ସାମ୍ନାକୁ ଆସିଛି। ସମସ୍ତେ ଜାଣନ୍ତି, ଅଭିନେତ୍ରୀ ପ୍ରୀତି ଜିଣ୍ଟା ଦୀର୍ଘ ସମୟ ଧରି ଫିଲ୍ମ ସ୍କ୍ରିନରୁ ଦୂରରେ ଅଛନ୍ତି। ଏକ ସମୟ ଥିଲା ଯେତେବେଳେ ଲୋକମାନେ ତାଙ୍କୁ ସ୍କ୍ରିନରେ ଦେଖିବାକୁ ଚାହିଁ ରହିଥାନ୍ତି, ଆଜି ବି ଲୋକଙ୍କ ମଧ୍ୟରେ ଏହି କ୍ରେଜ୍ ଜାରି ରହିଛି। ବର୍ତ୍ତମାନ ତାଙ୍କର ଏହି ଲୋକପ୍ରିୟତା ହିଁ ତାଙ୍କୁ ସିଲଭର୍ ସ୍କ୍ରିନକୁ ଫେରାଇ ଆଣିଛି। ସୂଚନା ଅନୁଯାୟୀ, ପ୍ରାୟ ୪ ବର୍ଷ ପରେ ପ୍ରୀତି ଜିଣ୍ଟା ପୁଣି ଥରେ ବଡ ପରଦାକୁ ଫେରୁଛନ୍ତି। ସେ ନିର୍ଦ୍ଦେଶକ ଦାନିଶ ରେଞ୍ଜୁଙ୍କ କାଶ୍ମୀର ଉପରେ ଆଧାରିତ ଅନଟାଇଟେଲ୍ଡ ଫିଲ୍ମ ସହିତ ବଲିଉଡକୁ ଫେରୁଛନ୍ତି। ଦାନିଶ ରେଞ୍ଜୁଙ୍କ ଅନଟାଇଟେଲ୍ଡ ଫିଲ୍ମରେ ପ୍ରୀତି ଜିଣ୍ଟା ଜଣେ ସାହସୀ କାଶ୍ମୀରୀ ମା ଭୂମିକାରେ ଅଭିନୟ କରିବେ ଯଦିଓ, ଏହା ବିଷୟରେ କୌଣସି ଅଫିସିଆଲ୍ ନିଶ୍ଚିତ କରାଯାଇ ନାହିଁ, କିନ୍ତୁ ଯଦି ଏହା ଘଟେ ତେବେ ପ୍ରଶଂସକଙ୍କ ପାଇଁ ଏହା କୌଣସି ଟ୍ରିଟ୍ ଠାରୁ କମ୍ ନୁହେଁ।
Comments are closed.