ପ୍ରତିବର୍ଷ ପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଥର ମଧ୍ୟ ସୀମାରେ ମୁତୟନ ହୋଇଥିବା ସୈନିକମାନଙ୍କ ସହ ଦୀପାବଳୀ ପାଳନ କରୁଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜସ୍ଥାନର ଜୈସଲମେର ସୀମାରେ ପହଞ୍ଚିଛନ୍ତି। ଜୈସଲମେରରେ ଭାରତ-ପାକିସ୍ଥାନ ସୀମା ଏକତ୍ରୀତ ହୋଇଥାଏ। ସୀମାରେ ଏଠାରେ ବିଏସ୍ଏଫ୍ ନିୟୋଜିତ ରହିଛନ୍ତି। ପ୍ରସିଦ୍ଧ ତାନୋଟ ମାତା ମନ୍ଦିର ମଧ୍ୟ ଏଠାରେ ଅଛି | ପ୍ରଧାନମନ୍ତ୍ରୀ ଜୈସଲମେରର ଲୌଙ୍ଗେୱାଲା ସୀମାରେ ବିଏସଏଫ ଯବାନଙ୍କ ସହ ଦୀପାବଳି ପାଳନ କରୁଛନ୍ତି। ଲୋଙ୍ଗେୱାଲା ମୂଳତ ବିଏସଏଫ ର ଏକ ପୋଷ୍ଟ |
ଆଲୋକର ପର୍ବ ଦୀପାବଳି ଅବରରେ ଦେଶବାସୀଙ୍କୁ ମାଇକ୍ରୋବ୍ଲଗିଂ ସାଇଟ୍ ଟ୍ବିଟର୍ରେ ଟ୍ବିଟ୍ କରି ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ଟ୍ବିଟ୍ କରି ଲେଖିଛନ୍ତି, ‘ସମସ୍ତ ଦେଶବାସୀଙ୍କୁ ଦୀପାବଳିର ହାର୍ଦ୍ଦିକ ଶୁଭକାମନା। ଆପଣ ସମସ୍ତଙ୍କୁ ଦୀପାବଳିର ଶୁଭେଚ୍ଛା। ଏହି ପର୍ବ ଆପଣଙ୍କ ଭବିଷ୍ୟତ ପାଇଁ ଉଜ୍ଜଳତା ଏବଂ ଆନନ୍ଦ ଆଣିଦେଉ। ସମସ୍ତେ ସୁସ୍ଥ ଓ ସମୃଦ୍ଧ ରୁହନ୍ତୁ।’
ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଦୀପାବଳି ଅବସରରେ ଏକ ଭିଡିଓ ସେୟାର୍ କରିଛନ୍ତି। ଭିଡିଓରେ ସେ ବୀର ଯବାନଙ୍କୁ ମନେ ପକାଇବାକୁ କହିଛନ୍ତି। ସୀମାରେ ରହି ଭାରତମାତାର ସେବା ଓ ସୁରକ୍ଷା କରୁଥିବା ଯବାନମାନଙ୍କୁ ସ୍ମରଣ କରିବାକୁ ଦେଶବାସୀଙ୍କୁ କହିଛନ୍ତି ମୋଦୀ। ଭାରତ ମାଆର ଏହି ବୀର ସନ୍ତାନଙ୍କ ସମ୍ମାନରେ ଘରେ ଏକ ଦୀପ ଜଳାଇବା ଉଚିତ ବୋଲି ମୋଦୀ କହିଛନ୍ତି। ସେ ବୀର ଯବାନମାନଙ୍କ ଉଦ୍ଦେଶ୍ୟରେ କହିଛନ୍ତି କି ଯଦିଓ ଆପଣମାନେ ସୀମାରେ ଅଛନ୍ତି ମାତ୍ର ପୂରା ଦେଶ ଆପଣଙ୍କ ସାଥିରେ, ଆପଣଙ୍କ ପାଇଁ ଶୁଭକାମନା କରୁଛି। ସେ ଆହୁରି ବି କହିଛନ୍ତି କି ଯାହାଙ୍କ ପିଲାମାନେ ଆଜି ସୀମାରେ କର୍ତ୍ତବ୍ୟ କରୁଛନ୍ତି ସେମାନଙ୍କ ତ୍ୟାଗକୁ ମୋର ନମସ୍କାର। ଦେଶର ଯେଉଁ ବି ବ୍ୟକ୍ତି କିଛି ନା କିଛି ଦେଶ ସହ ଜଡ଼ିତ କାମ ପାଇଁ ନିଜ ଘରେ ନାହାନ୍ତି, ନିଜ ପରିବାର ସହ ଯୋଡ଼ି ହୋଇ ରହିନାହାନ୍ତି ସେମାନଙ୍କୁ ହୃଦୟରୁ କୃତଜ୍ଞତା ଜଣାଇଛନ୍ତି ମୋଦୀ।
This Diwali, let us also light a Diya as a #Salute2Soldiers who fearlessly protect our nation. Words can’t do justice to the sense of gratitude we have for our soldiers for their exemplary courage. We are also grateful to the families of those on the borders. pic.twitter.com/UAKqPLvKR8
— Narendra Modi (@narendramodi) November 13, 2020
Comments are closed.