ଅହମ୍ମଦାବାଦର ଜାଇଡସ୍ ଲ୍ୟାବରେ ପିଏମ ମୋଦୀ: କରୋନା ଭ୍ୟାକ୍ସିନ ବିଷୟରେ ବୈଜ୍ଞାନିକମାନଙ୍କ ସହ କଲେ ଆଲୋଚନା

0

କୋରୋନା ବିରୋଧରେ ଭାରତରେ ଟିକା କେଉଁ ପର୍ଯ୍ୟନ୍ତ ପହଞ୍ଚିଛି ତାହାର ଆକଳନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶର ତିନୋଟି ଶୀର୍ଷ ଲାବୋରେଟୋରୀ ଗସ୍ତରେ ଯାଉଛନ୍ତି। ପ୍ରଧାନମନ୍ତ୍ରୀ ଆଜି ଅହମ୍ମଦାବାଦର ଜାଏଡସ୍ ବାୟୋଟେକ୍ ପାର୍କ, ହାଇଦ୍ରାବାଦର ଭରତ ବାୟୋଟେକ୍ ଏବଂ ପୁଣେର ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଗସ୍ତରେ ଆସିଛନ୍ତି। ପ୍ରଧାନମନ୍ତ୍ରୀ ଏଠାରେ ଗବେଷକ, ବୈଜ୍ଞାନିକଙ୍କ ସହିତ କଥାବାର୍ତ୍ତା କରିବେ ଏବଂ ନିଜେ ଟୀକା କ୍ଷେତ୍ରରେ ଅଗ୍ରଗତି ବିଷୟରେ ଅନୁଧ୍ୟାନ କରିବେ |

ଜାଇଡସ୍ ବାୟୋଟେକ୍ ପାର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେହି ଲ୍ୟାବରେ ପହଞ୍ଚିଛନ୍ତି, ଯେଉଁଠାରେ କରୋନା ଟିକା ବିକଶିତ କରାଯାଉଛି | ଏଠାରେ ସେ ବୈଜ୍ଞାନିକ ଏବଂ ଅନୁସନ୍ଧାନକାରୀଙ୍କୁ ଭେଟିଛନ୍ତି।


ଜାଇଡସ୍ କ୍ୟାଡିଲା ଜାତୀୟ ବାୟୋଫାର୍ମା ମିଶନ୍, ବିରାକ ଏବଂ ବାୟୋଟେକ୍ନୋଲୋଜି ବିଭାଗ, ଭାରତ ସରକାରଙ୍କ ସହ କରୋନା ଟିକା ପ୍ରସ୍ତୁତ କରିଛନ୍ତି। ଜାଇଡସ୍ କ୍ୟାଡିଲାର କରୋନା ଟିକା ଜାଇକୋଭ୍ ଡି ନାମରୁ ଆସୁଛି | ଏକ ଆକଳନ ଅନୁଯାୟୀ, ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ଜାଇଡସ୍ କ୍ୟାଡିଲା ଟିକା ବ୍ୟବହାର ପାଇଁ ପ୍ରସ୍ତୁତ ହୋଇପାରେ। ରିପୋର୍ଟ ଅନୁଯାୟୀ, ଜାଇଡସ୍ କ୍ୟାଡିଲା ୧୭ କୋଟି ଟିକା ପ୍ରସ୍ତୁତ କରିବାକୁ ପ୍ରସ୍ତୁତ ହେଉଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କରୋନା ଭ୍ୟାକ୍ସିନ୍ ଲ୍ୟାବ ଗସ୍ତ ସମୟରେ ମଧ୍ୟରେ ଆଜି ଗତ ୨୪ ଘଣ୍ଟା ମଧ୍ୟରେ ଦେଶରେ ୪୧,୩୨୨ ଟି କରୋନା ମାମଲା ଚିହ୍ନଟ ହୋଇଥିବାବେଳେ ଗତ ୨୪ ଘଣ୍ଟା ମଧ୍ୟରେ ୪୮୫ ଜଣଙ୍କର ମୃତ୍ୟୁ ଘଟିଛି।

Leave A Reply

Your email address will not be published.