ସଭିଏଁ ଛଣାଛଣି ଖାଦ୍ୟ ଖାଇବାକୁ ବେଶ ପସନ୍ଦ କରନ୍ତି। ଏହା ଖାଇବାକୁ ସ୍ୱାଦିଷ୍ଟ ଲାଗୁ ଥିବାରୁୁ ବିଶେଷ କରି ଜଳଖିଆରେ ଓ ଥଣ୍ଡା ପାଗରେ ଅଧିକାଂଶ ଲୋକେ ଛଣାଛଣି ଖାଇଥାଅନ୍ତି। ଏହା ଓଜନ ବୃଦ୍ଧି କରିଥାଏ। ଅନେକ ସମୟରେ ଆବଶ୍ୟକତା ଠାରୁ ଅଧିକ ଛଣାଛଣି ଖାଇବା ଦ୍ୱାରା ହୃଦୟ ଜନିତ ରୋଗ, କୋଲେଷ୍ଟେରୋଲ୍, ଉଚ୍ଚ ରକ୍ତଚାପ ଭଳି ସମସ୍ୟା ସୃଷ୍ଟି ହୋଇଥାଏ। ତେବେ ଏହା ଜାଣି ରଖନ୍ତୁ ଛଣାଛଣି ଖାଦ୍ୟ ଖାଇବା ପରେ କେଉଁ କାର୍ଯ୍ୟ କରିବା ଉଚିତ ଓ ଅନୁଚିତ ..
ଛଣାଛଣି ଖାଦ୍ୟ ଖାଇବାର କିଛି ସମୟ ପରେ ହାଲକା ଉଷୁମ ପାଣି ପିଇବା ଦ୍ୱାରା ଏହା ସହଜରେ ହଜମ ହୋଇଯାଏ। ଗ୍ୟାଷ୍ଟ୍ରିକ ସମସ୍ୟା ମଧ୍ୟ ସୃଷ୍ଟି ହୋଇ ନଥାଏ।
ଛଣାଛଣି ଖାଦ୍ୟ ଖାଇବାର କିଛି ସମୟ ପରେ ହାଲକା ଉଷୁମ ପାଣିରେ ଅଳ୍ପ ଲେମ୍ବୁ ରସ ମିଶାଇ ଏହାକୁ ପିଅନ୍ତୁ। ଏହା ଦ୍ୱାରା ଶରୀରରେ କୌଣସି ବିଷାକ୍ତ ପଦାର୍ଥ ଜମା ହେବାକୁ ଦେଇନଥାଏ। ମେଦ ବୃଦ୍ଧି ହେବାକୁ ଦେଇନଥାଏ। ଅଦରକାରୀ ପଦାର୍ଥ ବାହାର କରିବାରେ ସହାୟକ ହୋଇଥାଏ। ରୋଗ ପ୍ରତିରୋଧକ ଶକ୍ତି ମଜଭୂତ ହୋଇଥାଏ।
ଛଣାଛଣି ଖାଦ୍ୟ ଖାଇବା ପରେ କିଛି ସମୟ ଚାଲନ୍ତୁ। ଏହା ଦ୍ୱାରା ଖାଦ୍ୟ ସଠିକ ଭାବେ ହଜମ ହେବା ସହ ପେଟ ହାଲକା ଅନୁଭବ ହୋଇଥାଏ।
ଫଳ ଓ ପନିପରିବାର ସେବନ କରିବା ଦ୍ୱାରା ଶରୀରକୁ ଭିଟାମିନ,ଫାଇବର ଓ ଆବଶ୍ୟକୀୟ ଖଣିଜ ଭରପୁର ମାତ୍ରାରେ ମିଳିଥାଏ। ଅଧିକ ଛଣାଛଣି ଖାଇବା ଦ୍ୱାରା କୋଷ୍ଠକାଠିନ୍ୟର ସମ୍ଭାବନା ଅଧିକ ଥାଏ। ଏଥିରୁ ରକ୍ଷା ପାଇବା ପାଇଁ ସକାଳର ଜଳଖିଆରେ କିଛି ପରିମାଣରେ ଡ୍ରାଏ ଫ୍ରୁଟ୍ସ ଓ ଫଳ ନିଶ୍ଚୟ ଖାଆନ୍ତୁ। ଖରାବେଳର ଖାଦ୍ୟରେ ସାଲାଡ ଓ ସବୁଜ ପନିପରିବା ନିଶ୍ଚୟ ଖାଆନ୍ତୁ।
ଛଣାଛଣି ଖାଦ୍ୟ ଖାଇବା ପରେ କିଛି ଏପରି କାର୍ଯ୍ୟ ରହିଛି ଯାହା କରିବା ଉଚିତ ନୁହେଁ। ଏଭଳି ଖାଦ୍ୟ ଖାଇବା ପରେ ଥଣ୍ଡା ଜିନିଷ ଆଦୌ ଖାଇବା ଉଚିତ ନୁହେଁ। ଏହା ଦ୍ୱାରା ପେଟ ଜନିତ ଅନେକ ସମସ୍ୟା ସୃଷ୍ଟି ହୋଇଥାଏ। ଖାଦ୍ୟ ସହଜରେ ହଜମ ହୋଇନଥାଏ।
ରାତିରେ ଆଦୌ ଛଣାଛଣି ଜିନିଷ ଖାଆନ୍ତୁ ନାହିଁ। ଖାଇବାର ୩ ଘଣ୍ଟା ପର୍ଯ୍ୟନ୍ତ ଶୁଅନ୍ତୁ ନାହିଁ। ଏହାସହ ରାତିରେ ଖାଦ୍ୟ ଖାଇବା ପରେ ଶୋଇବା ମଧ୍ୟରେ ୩ ଘଣ୍ଟା ବ୍ୟବଧାନ ରଖନ୍ତୁ। ଏପରି କରିବା ଦ୍ୱାରା ଖାଦ୍ୟ ଭଲ ଭାବେ ହଜମ ହୋଇଥାଏ।
Comments are closed.