ଚଳିତ ବିଶ୍ୱକପରେ ହିଟ ମ୍ୟାନ ରୋହିତ ଶର୍ମା ଭଲ ଫର୍ମରେ ଥିବାବେଳେ ସେ ବର୍ତ୍ତମାନ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟରେ ୫ଟି ଶତକ ଲଗାଇ ସର୍ବାଧିକ ରନ ତାଲିକାରେ ୬୪୭ ରନ ସଂଗ୍ରହ କରି ଶ୍ରେଷ୍ଠ ସ୍ଥାନରେ ରହିଛନ୍ତି । ତେବେ ଚଳିତ ବିଶ୍ୱକପର ସେମିଫାଇନାଲରେ ହିଟ ମ୍ୟାନ ରୋହିତ ଶର୍ମାଙ୍କୁ ଅଟକାଇବା ପାଇଁ ନ୍ୟୁଜିଲାଣ୍ଡର ଜଣେ ମାତ୍ର ବୋଲର ଅଛନ୍ତି, ଯାହାଙ୍କ ନାମ ହେଉଛି ‘ଟ୍ରେଣ୍ଟ ବୋଲ୍ଟ’ ।
କାରଣ ବିଶ୍ୱକପ ପୂର୍ବରୁ ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଇଥିବା ଅଭ୍ୟାସ ମ୍ୟାଚରେ ବୋଲ୍ଡଙ୍କ ଘାତକ ବୋଲିଂରେ ରୋହିତ ମାତ୍ର ୨ ରନ କରି ଆଉଟ ହୋଇଯାଇଥିବାବେଳେ ଭାରତ ଏହି ମ୍ୟାଚରେ ନ୍ୟୁଜିଲାଣ୍ଡ ଠାରୁ ପରାଜୟ ମଧ୍ୟ ବରଣ କରିଥିଲା ।
ଦିନିକଆ ମ୍ୟାଚରେ ରୋହିତ ଏବଂ ବୋଲ୍ଟ ପରସ୍ପର ସହ ୧୨ ଥର ଆମନାସାମନା ହୋଇଥିବାବେଳେ ବୋଲ୍ଡ ୪ ଥର ରୋହିତଙ୍କୁ ନିଜ ଶୀକାର କରିଥିବାର ରେକର୍ଡ ମଧ୍ୟ ରହିଛି । ସେହିଭଳି ରୋହିତ, ବୋଲ୍ଟଙ୍କ ବିପକ୍ଷରେ ୨୨ ପ୍ରତିଶତ ହାରରେ ୧୩୬ ବଲ ଖେଳି ୮୮ ରନ ସଂଗ୍ରହ କରିଥିବାବେଳେ ଚଳିତ ବିଶ୍ୱକପ ସେମିଫାଇନାଲରେ ଉଭୟଙ୍କ ମଧ୍ୟରେ ହେବାକୁ ଥିବା ପ୍ରତିଦ୍ୱନ୍ଦିତା ଖେଳିପ୍ରେମୀଙ୍କୁ ଅତି ରୋମାଞ୍ଚକ ସ୍ତରକୁ ନେଇଯିବ ।
ସେପଟେ ଭଭୟ ଦଳ ନିଜର ଶ୍ରେଷ୍ଠ ପ୍ରଦର୍ଶନ ଦେଖାଇ ଫାଇନାଲକୁ କିପରି ଉତ୍ତୀର୍ଣ୍ଣ ହେବେ ସେଥିପାଇଁ ସମସ୍ତେ ଯଥା ସମ୍ଭବ ପ୍ରୟାସ କରିବେ । ସେହିଭଳି ରୋହିତ ଯଦି ଏହି ମ୍ୟାଚରେ ନିଜର ଷଷ୍ଠ ଶତକ ହାସଲ କରିନିଅନ୍ତି ତେବେ ସେ କ୍ରିକେଟ କିମ୍ବଦନ୍ତୀ ସଚିନଙ୍କୁ ମଧ୍ୟ ପଛରେ ପକାଇଦେବେ । ରୋହିତ ବିଶ୍ୱକପରେ ସର୍ବାଧିକ ରନ ସଂଗ୍ରହରେ ସଚିନଙ୍କ ଠାରୁ ମାତ୍ର ୨୭ ରନ ପଛରେ ଅଛନ୍ତି ।
Comments are closed.