ଦେଶରେ କରୋନା ସଙ୍କଟ ସମୟରେ ଉଜୁଡି ଯାଇଥିବା ଅର୍ଥବ୍ୟବସ୍ଥାକୁ ସଜାଡିବାକୁ ମୋଦି ସରକାର ଦେଢଲକ୍ଷ କୋଟିର ଆଉ ଏକ ଆର୍ଥିକ ପ୍ୟାକେଜ ଆଜି ଘୋଷଣା କରିପାରନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଦିନ ସାଢେ ୧୨ଟା ସମୟରେ ଏହି ଘୋଷଣା କରିପାରନ୍ତି । ସାଢେ ୧୨ ସମୟରେ ସାମ୍ବାଦିକ ସମ୍ମିଳନୀରେ ଅର୍ଥମନ୍ତ୍ରୀ ଏହି ଘୋଷଣା କରିବେ ବୋଲି ସୂଚନା ମିଳିଛି । ଆଶା କରାଯାଉଛି କି ଏହି ସାମ୍ବାଦିକ ସମ୍ମିଳନୀରେ ସହାୟତା ପ୍ୟାକେଜର ଘୋଷଣା ହେବ । ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ କିଛି ବରିଷ୍ଠ ନେତୃବୃନ୍ଦ ଏହି ଆର୍ଥିକ ପ୍ୟାକେଜକୁ ଅନ୍ତିମ ମୋହର ଦେବେ । ଏହି ପ୍ୟାକେଜରେ ଚାକିରି ସୃଷ୍ଟି ଏବଂ ଅସୁବିଧାଜନକ କ୍ଷେତ୍ରକୁ ଆରାମ ଦେବା ଉପରେ ଗୁରୁତ୍ୱ ଦିଆଯାଇପାରେ । କରୋନା ଭାଇରସ ସଂକ୍ରମଣକୁ ଅଟକାଇବା ପାଇଁ ଦେଶରେ ଜାରି କରାଯାଇଥିବା ଲକଡାଉନ ପାଇଁ ଦେଶରେ ରୋଜଗାର କ୍ଷମତା ହ୍ରାସ ହୋଇଛି ।
ଚଳିତ ଆର୍ଥିକ ବର୍ଷରେ ପ୍ରଥମ ତ୍ରୈମାସିକ ଜିଡିପି ଫଳାଫଳରେ ୨୪ ପ୍ରତିଶତ ତଳକୁ ଖସିଯାଇଥିଲା । ଏହାଫଳରେ ରୋଜଗାର ବଢାଇବା ପାଇଁ ସରକାର ଆର୍ଥିକ ପ୍ୟାକେଜର ଘୋଷଣା କରିଥିଲେ । କିନ୍ତୁ ଏସବୁ ସହାୟତା ପ୍ୟାକେଜ ପରେ ମଧ୍ୟ ଅର୍ଥିକ ମାନ୍ଦାବସ୍ଥାରେ କୌଣସି ସଫଳତା ମିଳିନଥିଲା ।
Comments are closed.