ବଲିଉଡର ଲୋକପ୍ରିୟ ଗାୟିକା ନେହା କକ୍କର ବର୍ତ୍ତମାନ ନିଜର ବିବାହକୁ ନେଇ ଚର୍ଚ୍ଚାରେ ରହିଥିବାବେଳେ ଇଣ୍ଡିଆନ ଆଇଡଲରେ ବର୍ତ୍ତମାନ ଆଦିତ୍ୟ ଏବଂ ନେହାଙ୍କ ବିବାହକୁ ନେଇ ସମସ୍ତ ପ୍ରସ୍ତୁତି ଆରମ୍ଭ ହୋଇଯାଇଛି । ଉଭୟଙ୍କ ବିବାହ ଆସନ୍ତା ୧୪ ଫେବୃଆରୀରେ ଇଣ୍ଡିଆନ ଆଇଡଲ ସେଟରେ ହେବାକୁ ଥିବାବେଳେ ଏହାକୁ ଦେଖିବା ପାଇଁ ସମସ୍ତେ ଉତ୍ସୁକତାର ଚାହିଁ ମଧ୍ୟ ରହିଛନ୍ତି । କିନ୍ତୁ ଏହି ସବୁ ମଧ୍ୟରେ ନେହା ନିଜ ପ୍ରଶଂସକଙ୍କୁ କ୍ଷମା ମାଗିଥିବା ଦେଖିବାକୁ ମିଳିଛି ।
ପ୍ରକାଶ ଥାଉକି, ୧୦ ଫେବୃଆରୀ ଆଦିତ୍ୟ ଏବଂ ନେହାଙ୍କ ବହୁପ୍ରତୀକ୍ଷିତ ଗୀତ ‘ଗୋଆ ବିଚ’ ରିଲିଜ ହେବାକୁ ଥିବାବେଳେ କେତେକ ସମସ୍ୟା ପାଇଁ ଏହି ଗୀତଟି ୧୦ ଫେବୃଆରୀରେ ରିଲିଜ ହୋଇପାରି ନଥିଲା । ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ଲେଖିଛନ୍ତି କି “ଆମେ ପରସ୍ପରକୁ ଭୁଲ ମାଗୁଛୁ, ଗୋଆ ବିଚର ଭିଡିଓ ୧୧ ଫେବୃଆରୀରେ ରିଲିଜ ହେବ । ଆପଣ ସମସ୍ତଙ୍କ ଧର୍ଯ୍ୟ ଏବଂ ଭଲ ପାଇବା ପାଇଁ ଧନ୍ୟବାଦ ।”
Comments are closed.