ସ୍ପାଇସ ମନି ଏକାଡେମିର ଡିଜିଟାଲ ତାଲିମରେ ୫.୨୮ ଲକ୍ଷ ଅଧିକାରୀ ସଶକ୍ତ

ଭୁବନେଶ୍ୱର: ଭାରତର ଅଗ୍ରଣୀ ରୁରାଲ ଫିନଟେକ୍ ସ୍ପାଇସ୍ ମନି ଏହାର ଅଗ୍ରଣୀ ଲର୍ଣ୍ଣିଂ ପ୍ଲାଟଫର୍ମ ସ୍ପାଇସ୍ ମନି ଏକାଡେମି ଜରିଆରେ ଡିଜିଟାଲ ସାକ୍ଷରତା ଅନ୍ତରକୁ ଦୂର କରୁଛି। ୱେବ ଓ ମୋବାଇଲ୍ ଆପ୍ ଜରିଆରେ ଉପଲବ୍ଧ ହେଉଥିବା ଏକାଡେମିର ଡିଜିଟାଲ ତାଲିମ ୫,୨୮,୦୦୦ ଅଧିକାରୀମାନଙ୍କୁ ଅଣ ବ୍ୟାଙ୍କ ବିଜନେସ କରେସପଣ୍ଡେଂଟ ଭାବେ କାର୍ଯ୍ୟ କରିବା ଲାଗି ସଶକ୍ତ କରିଛି। ଦେଶର ଅନଗ୍ରସର ଅଂଚଳରେ ଆର୍ôଥକ ଅନ୍ତର୍ଭୁକ୍ତୀକରଣ ଓ ଡିଜିଟାଲ କାରବାରକୁ ବଢ଼ାଇବା ଲାଗି ସେମାନଙ୍କୁ ଆବଶ୍ୟକ ଦକ୍ଷତା ଓ ଜ୍ଞାନ ପ୍ରଦାନ କରାଯାଉଛି।
ଏହି ଅଭିଯାନ ପ୍ରଭାବରେ ଏଇପିଏସ ନଗଦ ଉଠାଣରେ ୬.୯ ପ୍ରତିଶତ ବୃଦ୍ଧି ହୋଇଛି ଯାହା ଗ୍ରାମାଚଂଳରେ ଡିଜିଟାଲ ପେମେଂଟର ଗ୍ରହଣୀୟତାକୁ ଦର୍ଶାଉଛି। ଏହି ସମୟରେ ବିଲ ପଇଠ (ବିବିପିଏସ) ୧୭ ପ୍ରତିଶତ ବୃଦ୍ଧି ପାଇଛି। ସଂଚୟ ଓ ଚଳନ୍ତୀ ଖାତା କାରବାର (କାସା) ୯୩ ପ୍ରତିଶତ ବୃଦ୍ଧି ପାଇଛି।
ସ୍ପାଇସ ମନି ଏକାଡେମି ପକ୍ଷରୁ ଆର୍ôଥକ ବ୍ୟବସ୍ଥାରେ ମହିଳାଙ୍କ ଯୋଗଦାନ ବଢ଼ାଇବା ଉପରେ ଗୁରୁତ୍ୱ ଦିଆଯାଉଛି। ୨୦୨୪ରେ ଏକାଡେମି ପକ୍ଷରୁ ୨୯୫୦ ମହିଳା ଅଧିକାରୀମାନଙ୍କୁ ଆଧାର ସକ୍ଷମ ପେମେଂଟ ବ୍ୟବସ୍ଥା (ଏଇପିଏସ), ବିବିପିଏସ, ତତ୍କାଳ ପାନ କାର୍ଡ ଜାରି କରିବା ଏବଂ ସଂଚୟ ଖାତା ଆଦି ଗୁରୁତ୍ୱପୂର୍ଣ୍ଣ ଆର୍ôଥକ ଉତ୍ପାଦ ଉପରେ ତାଲିମ ପ୍ରଦାନ କରାଯାଇଥିଲା। ମହିଳା ଅଧିକାରୀ/ମର୍ଚାଂଟମାନଙ୍କ ସୁବିଧାକୁ ଦୃଷ୍ଟିରେ ରଖି ସେମାନଙ୍କ ପାଇଁ ସ୍ପାଇସ ମନି ସ୍ୱତନ୍ତ୍ର ଅଧିବେଶନ ଆୟୋଜନ କରୁଛି। ଲିଙ୍ଗ ଅନ୍ତର୍ଭୁକ୍ତୀକରଣ ଆର୍ôଥକ ସଶକ୍ତୀକରଣକୁ ନେଇ ସ୍ପାଇସ ମନିର ରହିଥିବା ବ୍ୟାପକ ଲକ୍ଷ୍ୟ ଅନୁସାରେ ଏହି କାର୍ଯ୍ୟକ୍ରମ ସମନ୍ୱିତ ରହିଛି।
ସ୍ପାଇସ ମନି ଏକାଡେମି ଏହାର ଢ଼ାଂଚାଗତ ଲର୍ଣ୍ଣିଂ କାର୍ଯ୍ୟକ୍ରମ ଜରିଆରେ ଅଧିକାରୀମାନଙ୍କ ଡିଜିଟାଲ ବ୍ୟାଙ୍କିଙ୍ଗ ଦକ୍ଷତାରେ ଉନ୍ନତି ଆଣୁଛି। ପରିବର୍ତିତ ନିୟାମକ ବ୍ୟବସ୍ଥା ସହ ଆଗକୁ ବଢ଼ି ସ୍ପାଇସ ମନି ଆର୍ôଥକ ସାକ୍ଷରତା ଓ ନିୟମ ପାଳନକୁ ଜାରି ରଖିଛି।
ସ୍ପାଇସ ମନି ପକ୍ଷରୁ ଏଇପିଏସ ଉପରେ ୧,୪୯,୦୨୬ ଜଣ, ବିବିପିଏସରେ ୮୫୮୯୮ ଜଣ, କାସା ସେବାରେ ୪୫,୦୦୦ ଜଣ, ତତ୍କାଳ ପାନ କାର୍ଡରେ ୬,୯୭,୦୦୦ ଜଣ, ସବସ୍କ୍ରିପସନ ଭିତିକ ସେବାରେ ୧୭୮୦୦ ଜଣ, ନଗଦ ଉପରେ ୨୦,୦୨୬ ଜଣ, କାସା (ଆକ୍ସିସ-ସିଏ)ରେ ୪୧,୩୦୦ ଜଣ ଏବଂ କାସା (ଆକ୍ସିସ-ଏସଏ)ରେ ୬୦,୭୦୦ ଜଣଙ୍କୁ ତାଲିମ ପ୍ରଦାନ କରାଯାଇଛି।
ଏହି ଅବସରରେ ସ୍ପାଇସ ମନିର ପ୍ରତିଷ୍ଠାତା ଓ ସିଇଓ ଦିଲ୍ଲୀପ ମୋଦୀ କହିଛନ୍ତି ଯେ, ‘ବାସ୍ତବ ଆର୍ôଥକ ଅନ୍ତର୍ଭୁକ୍ତୀକରଣ କେବଳ ସେବା ପ୍ରଦାନ କରିବାଠାରୁ ଅଧିକ ବୋଲି ସ୍ପାଇସ ମନିରେ ଆମର ବିଶ୍ୱାସ ରହିଛି। ଏଥିପାଇଁ ଦରକାର ଗଭୀର ଜ୍ଞାନ, ନିରନ୍ତର ଦକ୍ଷତା ଗଠନ ଏବଂ ତୃଣମୂଳ ସ୍ତରରେ ସଶକ୍ତୀକରଣ। ଅଣ ବ୍ୟାଙ୍କ ବିଜନେସ କରେସପଣ୍ଡେଂଟମାନଙ୍କୁ ତାଲିମ ପ୍ରଦାନ କରି ଆମେ ସେମାନଙ୍କୁ ଅପହଂଚ ଅଂଚଳରେ ଆର୍ôଥକ ଅନ୍ତର ଦୂର କରିବା ଲାଗି ଆବଶ୍ୟକ ବିଶେଷଜ୍ଞତା ପ୍ରଦାନ କରୁଛୁ। ଏହି ମିସନର କେନ୍ଦ୍ର ସ୍ଥଳରେ ରହିଛି ସ୍ପାଇସ ମନି ଯାହା ଆମ ଅଧିକାରୀମାନଙ୍କୁ କେବଳ ସେବା ପ୍ରଦାନକାରୀ ଭାବେ ସୁନିଶ୍ଚିତ କରୁନାହିଁ, ବରଂ ଗୋଷ୍ଠୀରେ ବାସ୍ତବ ଆର୍ôଥକ ସକ୍ଷମକାରୀରେ ପରିଣତ କରିଛି। ତାଲିମ ପରେ କାରବାରରେ ହୋଇଥିବା ଉଲ୍ଳେଖନୀୟ ବୃଦ୍ଧି ଦୂରଦୂରାନ୍ତ ଅଂଚଳରେ ଆର୍ôଥକ ସେବା ପହଂଚାଇବା ଏବଂ ଗ୍ରାମୀଣ ଭାରତର ଡିଜିଟାଲ ଅର୍ଥନୀତିକୁ ସୁଦୃଢ଼ କରିବାରେ ଏକାଡେମିର ପ୍ରଭାବର ପ୍ରମାଣ।’’