ସୂର୍ଯ୍ୟ ନମସ୍କାର କରି ଟ୍ରୋଲ୍ ହେଲେ କରୀନା, ୟୁଜର୍ସ କହିଲେ-‘ମୁସଲିମଙ୍କ ପାଇଁ ଏହା ଅପରାଧ’

କରୀନା ପ୍ରାୟତଃ ସୋସିଆଲ ମିଡିଆରେ ନିଜର ୱାର୍କଆଉଟ ଭିଡିଓ ଏବଂ ଫଟୋ ସେୟାର କରି ଫ୍ୟାନ୍ସଙ୍କୁ ଫିଟନେସ ପାଇଁ ପ୍ରେରିତ କରନ୍ତି। ଏବେ ପୁଣି ଥରେ ଅଭିନେତ୍ରୀ ଏହା କରିଥିବା ଦେଖାଯାଇଛି। ସେ ନିଜ ଇନଷ୍ଟାଗ୍ରାମରେ ୱାର୍କଆଉଟ୍ କରୁଥିବାର ଏକ ଭିଡିଓ ପୋଷ୍ଟ କରିଛନ୍ତି। ସେ ୧୦୮ ଥର ସୂର୍ଯ୍ୟ ନମସ୍କାର କରିବା ବିଷୟରେ କହିଛନ୍ତି। ଫିଟନେସ ପାଇଁ କରୀନାଙ୍କ ଉତ୍ସାହ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି।
https://www.instagram.com/reel/CWsceThIdkY/?utm_source=ig_web_copy_link
ଭିଡିଓରେ କରୀନା ତାଙ୍କ ଘରେ ସୂର୍ଯ୍ୟ ନମସ୍କାର କରୁଥିବା ନଜର ଆସିଛନ୍ତି। ସେ ବ୍ଲାକ୍ ପ୍ୟାଣ୍ଟ ସହିତ ପିଙ୍କ କ୍ରପ୍ ଟପ୍ ପିନ୍ଧିଛନ୍ତି ଏବଂ କେଶକୁ ସୁନ୍ଦର ଭାବରେ ବାନ୍ଧିଛନ୍ତି। ସେ ୧୦୮ ଥର ସୂର୍ଯ୍ୟ ନମସ୍କାର କରିଛନ୍ତି। ଭିଡିଓ ସେୟାର କରି କରୀନା ଲେଖିଛନ୍ତି, ‘ସୂର୍ଯ୍ୟ ନମସ୍କାର ୧୦୮ ଥର, ଧନ୍ୟବାଦ। ମୁଁ ଆଜି ରାତିରେ ପମ୍ପକିନ୍ ପାଏ ଖାଇବାକୁ ପ୍ରସ୍ତୁତ ଅଛି। ‘

ଭିଡିଓ ଉପରେ କମେଣ୍ଟ ଦେଇ ଅନେକ ୟୁଜର୍ସ ତାଙ୍କୁ ପ୍ରଶଂସା କରିଥିବାବେଳେ କେତେକ ଧର୍ମ କାରଣରୁ ତାଙ୍କୁ ଟ୍ରୋଲ କରିଛନ୍ତି। ଜଣେ ୟୁଜର୍ ଲେଖିଛନ୍ତି ମୁସଲମାନମାନଙ୍କ ପାଇଁ ଯୋଗ ଅପରାଧ। ଏହାକୁ ଖୋଲା ସ୍ଥାନରେ କରନ୍ତୁ ନାହିଁ, ନଚେତ୍ କିଛି ଧର୍ମଗୁରୁ ଏକ ଫତୱା ଜାରି କରିବେ। କେହି ତାଙ୍କ ସୂର୍ଯ୍ୟ ନମସ୍କାରରେ ତ୍ରୁଟି ଦେଖୁଛନ୍ତି, ତେବେ ଆଉ କେହି ସୂର୍ଯ୍ୟ ନମସ୍କାର ୧୦୮ ଥର କରିବା ବିଷୟରେ ପ୍ରଶ୍ନ ଉଠାଇଛନ୍ତି ।