ବଲିଉଡର ଅଭିନେତ୍ରୀ କଙ୍ଗନା ରଣାୱତ ତାଙ୍କ ବିବୃତ୍ତି ହେତୁ ପ୍ରତିଦିନ ଚର୍ଚ୍ଚାରେ ରହିଥାନ୍ତି। ଯଦିଓ କଙ୍ଗନାଙ୍କ ଟ୍ୱିଟର ଆକାଉଣ୍ଟକୁ ସ୍ଥଗିତ ରଖାଯାଇଛି, ସେ ଅନ୍ୟ ସୋସିଆଲ ମିଡିଆ ପ୍ଲାଟଫର୍ମରେ ଅନେକ ପ୍ରସଙ୍ଗରେ ନିଜର ମତ ପ୍ରକାଶ କରୁଛନ୍ତି। ଏବେ ପୁଣି ଥରେ କଙ୍ଗନା ଲାଇମଲାଇଟକୁ ଆସିଛନ୍ତି । କଙ୍ଗନା କହିଛନ୍ତି ଯେ ଦେଶର ନାମ ଇଣ୍ଡିଆରୁ ପରିବର୍ତ୍ତନ ହୋଇ ଭାରତ ହେବା ଉଚିତ। ଇନଷ୍ଟାଗ୍ରାମରେ ଏହି ପୋଷ୍ଟ ସେୟାର କରି କଙ୍ଗନା ନିଜର ମତ ରଖିଛନ୍ତି।
କଙ୍ଗନା ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ବ୍ରିଟିଶମାନେ ଆମକୁ ଦାସତ୍ୱର ନାମ ଭାରତ ଦେଇଛନ୍ତି। ଯାହାର ଶବ୍ଦର ଅର୍ଥ ହେଉଛି ସିନ୍ଧୁ ନଦୀର ପୂର୍ବ। କ’ଣ ଆପଣ ପ୍ରକୃତରେ କୌଣସି ଛୋଟ ପିଲାକୁ ନାକ କିମ୍ବା ଦ୍ୱିତୀୟ ଜନ୍ମ କିମ୍ବା ସି ସେକ୍ସନ କିହିବେ? ଏହା କି ପ୍ରକାର ନାମ? ମୁଁ ଆପଣଙ୍କୁ ତିନୋଟି ସଂସ୍କୃତ ଶବ୍ଦ ଭରତର ଅର୍ଥ କହିବି । ଭା (ଭାବ), ରା (ରାଗ), ତା (ତାଳ) । ଆମେ ଦାସ ହେବା ପୂର୍ବରୁ ଏହା ହିଁ ଥିଲୁ ।‘
କଙ୍ଗନା ଆହୁରି ମଧ୍ୟ କହିଛନ୍ତି, ‘ସାଂସ୍କୃତିକ ଏବଂ ସୌନ୍ଦର୍ଯ୍ୟଗତ ଭାବରେ ବିକଶିତ ସଭ୍ୟତା । ପ୍ରତ୍ୟେକ ନାମର ଏକ ସ୍ପନ୍ଦନ ହୋଇଥାଏ ଏବଂ ବ୍ରିଟିଶମାନେ ଏହା ଜାଣିଥିଲେ ତେଣୁ ସେମାନେ କେବଳ ସ୍ଥାନ ନୁହେଁ ଲୋକଙ୍କୁ ଏବଂ ଗୁରୁତ୍ୱପୂର୍ଣ୍ଣ ସ୍ମାରକୀକୁ ମଧ୍ୟ ନୂତନ ନାମ ଦେଇଥିଲେ । ଆମକୁ ଆମର ହଜିଯାଇଥିବା ଗୌରବ ଫେରି ପାଇବାକୁ ପଡିବ, ଚାଲ ଭାରତ ନାମରୁ ଆରମ୍ଭ କରିବା ।‘
କଙ୍ଗନା ରଣାୱତଙ୍କ ଆଗାମୀ ଫିଲ୍ମ ‘ଥଲାଇଭି’ ଖୁବ ଶୀଘ୍ର ରିଲିଜ୍ କରିବାକୁ ଯାଉଛି। ଏହି ଫିଲ୍ମଟି ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନୀ ଉପରେ ଆଧାରିତ। ଏହା ବ୍ୟତୀତ କଙ୍ଗନା ‘ଧକଡ’ ଏବଂ ‘ତେଜସ୍’ ଫିଲ୍ମରେ ମଧ୍ୟ ନଜର ଆସିବେ।
Comments are closed.