ଇରେଡା ପକ୍ଷରୁ ୨୦୨୪-୨୫ ଆର୍ôଥକ ରର୍ଷରେ ଋଣ ମଞ୍ଜୁର ୨୭% ବୃଦ୍ଧି ପାଇ ୪୭,୪୫୩ କୋଟି ଟଙ୍କା, ଲୋନ ବୁକ ୨୮% ବୃଦ୍ଧି ପାଇ ୭୬,୨୫୦ କୋଟି ଟଙ୍କା

ଭୁବନେଶ୍ୱର: ଭାରତୀୟ ଅକ୍ଷୟ ଶକ୍ତି ବିକାଶ ଏଜେନ୍ସି ଲିମିଟେଡ (ଇରେଡା) ପକ୍ଷରୁ ୨୦୨୫ ମାର୍ଚ୍ଚ ୩୧ ସୁଦ୍ଧା ଶେଷ ଆର୍ôଥକ ବର୍ଷରେ ଏହାର ଆର୍ôଥକ ପ୍ରଦର୍ଶନରେ ଉଲ୍ଲେଖନୀୟ ଅଭିବୃଦ୍ଧି ଘୋଷଣା କରାଯାଇଛି।
୨୦୨୪-୨୫ ଆର୍ôଥକ ବର୍ଷରେ ଋଣ ମଞ୍ଜୁରି ୨୭ ପ୍ରତିଶତ ବୃଦ୍ଧି ପାଇ ୪୭,୪୫୩ କୋଟି ଟଙ୍କା ହୋଇଛି ଯାହା ପୂର୍ବ ବର୍ଷରେ ୩୭,୩୫୪ କୋଟି ଟଙ୍କା ଥିଲା। ଋଣ ଆବଂଟନ ୨୦ ପ୍ରତିଶତ ବୃଦ୍ଧି ପାଇ ୩୦,୧୬୮ କୋଟି ଟଙ୍କା ହୋଇଛି। ୨୦୨୩-୨୪ ଆର୍ôଥକ ବର୍ଷରେ ତାହା ୨୦,୦୮୯ କୋଟି ଟଙ୍କା ଥିଲା। ବକେୟା ଲୋନ ବୁକ ୨୮ ପ୍ରତିଶତ ବୃଦ୍ଧି ପାଇ ୨୦୨୫ ମାର୍ଚ୍ଚ ୩୧ ସୁଦ୍ଧା ୭୬,୨୫୦ କୋଟି ଟଙ୍କାରେ ପହଂଚିଛି ଯାହା ପୂର୍ବବର୍ଷ ୫୯,୬୯୮ କୋଟି ଟଙ୍କା ଥିଲା।
ଇରେଡାର ଅଧ୍ୟକ୍ଷ ଓ ପରିଚାଳନା ନିର୍ଦେଶକ ଶ୍ରୀ ପ୍ରଦୀପ କୁମାର ଦାସ କହିଛନ୍ତି ଯେ, ‘ଆର୍ôଥକ ବର୍ଷର ଶେଷ ଦିନରେ ଇରେଡାର ବାର୍ଷିକ ପ୍ରଦର୍ଶନ ଘୋଷଣା କରିବା କର୍ପୋରେଟ ପ୍ରଶାସନ ଓ ଆମ ନିବେଶଙ୍କ ପ୍ରତି ସ୍ୱଚ୍ଛତାର ଉଚ୍ଚ ମାନକ ପ୍ରତି ଆମ ପ୍ରତିବଦ୍ଧତାକୁ ଦର୍ଶାଉଛି। ଇରେଡାର ଋଣ ମଞ୍ଜୁରି, ଆବଂଟନ ଓ ଲୋନ ବୁକରେ ନିରନ୍ତର ବୃଦ୍ଧି ଅକ୍ଷୟ ଶକ୍ତି ପ୍ରକଳ୍ପକୁ ଫାଇନାନ୍ସ କରିବାରେ ଆମ ଦୃଢ଼ ସମର୍ପଣକୁ ପ୍ରତିଫଳିତ କରୁଛି। ଅଭିନବ ଓ ହାସଲ ହୋଇପାରୁଥିବା ଫାଇନାନ୍ସ ସମାଧାନ ଜରିଆରେ ଭାରତର ସ୍ୱଚ୍ଛ ଶକ୍ତି ପରିବର୍ତନକୁ ସମର୍ଥନ କରିବାକୁ ଆମେ ପ୍ରତିବଦ୍ଧ ରହିଛୁ।’’
‘ଅତୁଟ ସମର୍ଥନ ପାଇଁ ମୁଁ ନୂତନ ଓ ଅକ୍ଷୟ ଶକ୍ତି ମନ୍ତ୍ରଣାଳୟର ମାନ୍ୟବର କେନ୍ଦ୍ର ମନ୍ତ୍ରୀ, ମାନ୍ୟବର ରାଷ୍ଟ୍ରମନ୍ତ୍ରୀ, ସଚିବ, ଆମ ନିର୍ଦେଶକ ବୋର୍ଡ, ମନ୍ତ୍ରଣାଳୟ ନିୟାମକ ଓ ଅଧିକାରୀ ଏବଂ ଅନ୍ୟମାନଙ୍କୁ ହାର୍ଦ୍ଦିକ କୃତଜ୍ଞତା ଜଣାଉଛି। ଇରେଡା ଟିମର ସମର୍ପଣ ଓ ନିରବଚ୍ଛିନ୍ନ ଉଦ୍ୟମକୁ ମୁଁ ପ୍ରଶଂସା କରୁଛି। ସେମାନଙ୍କ ପ୍ରତିବଦ୍ଧତା ଆମ ସଫଳତାକୁ ଆଗକୁ ବଢ଼ାଇଛି ବୋଲି ଶ୍ରୀ ଦାସ କହିଛନ୍ତି।