କ୍ରୀଡା

ସଚିନଙ୍କୁ ନେଇ ଆଇସିସି ପକ୍ଷରୁ ପଚରାଯାଇଥିବା ବିବାଦୀୟ ପ୍ରଶ୍ନର ଉତ୍ତର ଦେଲେ ପ୍ରଶଂସକ

By Yuvasamay News
Google follow
Share It

ଆଇସିସି ପକ୍ଷରୁ ନିଜ ଟ୍ୱିଟର ହାଣ୍ଡଲରେ କ୍ରିକେଟର କିମ୍ବଦନ୍ତୀ ‘ସଚିନ ତେନ୍ଦୁଲକର’ଙ୍କୁ ନେଇ କିଛି ଏପରି ଟ୍ୱିଟ କରାଯାଇଥିଲା, ଯାହାକୁ ଦେଖି ସଚିନଙ୍କ ପ୍ରଶଂସକମାନେ ଖୁବ ରାଗିଯାଇଥିଲେ । ପ୍ରକାଶ ଥାଉକି ସଚିନଙ୍କୁ ଗୁରୁବାର ଦିନ ଆଇସିସି “ହଲ ଅଫ ଫେମ”ରେ ସାମିଲ କରାଯାଇଥିଲା । ସଚିନ ହେଉଛନ୍ତି ଷଷ୍ଠ ଭାରତୀୟ ଯିଏକି ଆଇସିସି “ହଲ ଅଫ ଫେମ”ରେ ସାମିଲ ହୋଇଛନ୍ତି ।
ପ୍ରକାଶ ଥାଉକି, ଆଇସିସି ଟ୍ୱିଟ କରି ସଚିନ ସଂପର୍କରେ ଏହା ଲେଖିଛି ଯେ, “କ’ଣ ସଚିନ ତେନ୍ଦୁଲର ଦୁନିଆର ମହାନ କ୍ରିକେଟର ଅଟନ୍ତି ?” । ଆଇସିସିର ଏହି ପ୍ରଶ୍ନ ଦେଖି ସଚିନଙ୍କ ପ୍ରଶଂସକମାନେ ହଜମ କରିପାରିଲେ ନାହିଁ ।

ଆଇସିସି ପକ୍ଷରୁ ଟ୍ୱିଟ କରି ଲେଖାଯାଇଥିଲା ଯେ, “ଲିଟିଲ ମାଷ୍ଟର ‘ହଲ ଅଫ ଫେମ’ରେ ସାମିଲ ହୋଇଥିବା ନୂଆ ବ୍ୟକ୍ତି ଅଟନ୍ତି ! କ’ଣ ସେ ସର୍ବକାଳୀନ ମହାନ କ୍ରିକେଟର ଅଟନ୍ତି ? ” ଆଇସିସିର ଏହି ପ୍ରଶ୍ନ ପରେ ସଚିନଙ୍କ ପ୍ରଶଂସକମାନେ ଉତ୍ତର ଦେବା ଆରମ୍ଭ କରିଦେଲେ । ଅଧିକାଂଶ ୟୁଜର୍ସ କହିଥିଲେ ଏହା କ’ଣ କୌଣସି ପଚାରିବାର ପ୍ରଶ୍ନ ଅଟେ ।


ପ୍ରକାଶ ଥାଉକି, ଆଇସିସି କ୍ରିକେଟ କିମ୍ବଦନ୍ତୀ ସଚିନଙ୍କ ସହ ସାଉଥ ଆଫ୍ରିକାର ପୂର୍ବତ୍ତନ ଦ୍ରୁତ ବୋଲର ଏଲନ ଡୋନାଲ୍ଡଙ୍କୁ ଆଇସିସି “ହଲ ଅଫ ଫେମ” ସମ୍ମାନରେ ସମ୍ମାନିତ କରିଥିଲା । ଏହି ସମ୍ମାନରେ ସମ୍ମାନିତ ହୋଇଥିବା ସଚିନ ଷଷ୍ଠ ଭାରତୀୟ ହୋଇଥିବାବେଳେ ଏହା ପୂର୍ବରୁ ରାହୁଲ ଦ୍ରାବିଡ ଏହି ସମ୍ମାନରେ ସମ୍ମାନିତ ହୋଇଥିଲେ ।


Share It
Yuvasamay News
You might also like More from author

Comments are closed.