ହିନ୍ଦୁଜା ରିନ୍ୟୁଏବଲ୍ସ ପକ୍ଷରୁ ଦୀପକ ଠାକୁରଙ୍କୁ ପରିଚାଳନା ନିର୍ଦ୍ଦେଶକ ଓ ସିଇଓ ଭାବେ ନିଯୁକ୍ତି

ଭୁବନେଶ୍ୱର: ହିନ୍ଦୁଜା ଗ୍ରୁପର ଅଂଶ ହିନ୍ଦୁଜା ରିନ୍ୟୁଏବଲ୍ସ ଏନର୍ଜି ପ୍ରାଇଭେଟ ଲିମିଟେଡ (ଏଚଆରଇପିଏଲ) ଦୀପକ ଠାକୁରଙ୍କୁ ପରିଚାଳନା ନିର୍ଦ୍ଦେଶକ ଓ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଭାବେ ନିଯୁକ୍ତ କରିଛି। ତାଙ୍କ କାର୍ଯ୍ୟକାଳ ୨୦୧୫ ଅକ୍ଟୋବର ୧ ଠାରୁ କାର୍ଯ୍ୟକାରୀ ହେବ। ତାଙ୍କର ଅକ୍ଷୟ ଶକ୍ତି, ଭିତ୍ତିଭୂମି, ଶିଳ୍ପ ଉତ୍ପାଦ, ଏବଂ ଇଲେକ୍ଟ୍ରୋନିକ୍ସ କ୍ଷେତ୍ରରେ ତିନି ଦଶନ୍ଧିରୁ ଅଧିକ ବର୍ଷର ବିଭିନ୍ନ ଅଭିଜ୍ଞତା ରହିଛି। ଦୀପକ, ମହିନ୍ଦ୍ରା ଗ୍ରୁପ, ରିଲାଏନ୍ସ, ଷ୍ଟର୍ଲିଂ ଆଣ୍ଡ ଉଇଲସନ, ଏଲଏଣ୍ଡଟି, ହନିୱେଲ, ଏବଂ ଥର୍ମାକ୍ସ ଭଳି ବିଭିନ୍ନ ସଂସ୍ଥାରେ ନେତୃତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ସୌର, ପବନ, ଷ୍ଟୋରେଜ ଏବଂ ହାଇବ୍ରିଡ ସିଷ୍ଟମ ଆଦି ଅକ୍ଷୟ ଶକ୍ତିର ସମ୍ପୂର୍ଣ୍ଣ ମୂଲ୍ୟ ଶୃଙ୍ଖଳାରେ ତାଙ୍କର ଅଭିଜ୍ଞତା ରହିଛି ଯେଉଁଥିରେ ପ୍ରକଳ୍ପ ବିକାଶ, ଇପିସି, ଓଏଣ୍ଡଏମ, ପ୍ରଯୁକ୍ତି, ଉତ୍ପାଦନ, ଏବଂ ଇନଭିଟ ମାଧ୍ୟମରେ ସମ୍ପତ୍ତି ମୁଦ୍ରୀକରଣ ଆଦି ରହିଛି। ନିଜ ପଦରୁ ଇସ୍ତଫା ଦେଇଥିବା ସୁମିତ ପାଣ୍ଡେଙ୍କ ସ୍ଥାନରେ ସେ ନିଯୁକ୍ତ ହୋଇଛନ୍ତି।
ଦୀପକଙ୍କ ନିଯୁକ୍ତି ସମ୍ପର୍କରେ ଏଚଆରଇପିଏଲର ଅଧ୍ୟକ୍ଷ ଶୋମ ହିନ୍ଦୁଜା କହିଛନ୍ତି ଯେ, “ଆମେ ଅକ୍ଷୟ ଶକ୍ତି କ୍ଷେତ୍ରରେ ଏକ ଅଗ୍ରଣୀ ସଂସ୍ଥା ହେବାର ଆମର ଆକାଂକ୍ଷାକୁ ଜାରି ରଖିଛୁ ଏବଂ ଦୀପକଙ୍କ ଅଭିଜ୍ଞତା ଏବଂ ନେତୃତ୍ୱ ଆମର ଆଗାମୀ ଯାତ୍ରାରେ ଗୁରୁତ୍ୱପୂର୍ଣ୍ଣ ହେବ। ଦୀପକଙ୍କୁ ଆମ ସହିତ ପାଇ ଆମେ ଖୁସି ଏବଂ ହିନ୍ଦୁଜା ରିନ୍ୟୁଏବଲ୍ସକୁ ଗଢ଼ି ତୋଳିବା ପାଇଁ ଆଗ୍ରହୀ। ମୁଁ ମଧ୍ୟ ସୁମିତଙ୍କୁ ହିନ୍ଦୁଜା ରିନ୍ୟୁଏବଲ୍ସରେ ତାଙ୍କର ମୌଳିକ ଅବଦାନ ପାଇଁ ଧନ୍ୟବାଦ ଜଣାଇବା ସହ ତାଙ୍କର ଭବିଷ୍ୟତ ପାଇଁ ଶୁଭେଚ୍ଛା ଜଣାଉଛି।”
ଦୀପକ ଠାକୁର କହିଛନ୍ତି, “ହିନ୍ଦୁଜା ଗ୍ରୁପର ଅଂଶ ହେବା ମୋ ପାଇଁ ଗୌରବର ବିଷୟ। ଗ୍ରୁପର ଅକ୍ଷୟ ଶକ୍ତି ପ୍ରତି ଗଭୀର ପ୍ରତିବଦ୍ଧତା ଭାରତର ଶକ୍ତି ସଞ୍ଚରଣ ସହିତ ଦୃଢ଼ ଭାବେ ସମ୍ପର୍କିତ ଏବଂ ମୁଁ ଏହି ପ୍ରଭାବଶାଳୀ ଏବଂ ବିକାଶମୂଳକ ଯାତ୍ରାର ଅଂଶ ହେବାକୁ ଆଗ୍ରହୀ।”
ସ୍ୱଚ୍ଛ ଶକ୍ତି ଏବଂ ସ୍ଥାୟୀତ୍ୱର ଏକ ନିଷ୍ଠାପର ସମର୍ଥକ ଭାବେ ଦୀପକ ୨୦୦୯ରେ ଜାତୀୟ ସୌର ଥର୍ମାଲ ନୀତି ପ୍ରଣୟନରେ ଅବଦାନ ରଖିଥିଲେ ଯାହା ଭାରତର ସ୍ୱଚ୍ଛ ଶକ୍ତି ରୋଡମ୍ୟାପର ମୂଳଦୁଆ ସ୍ଥାପନ କରିବାରେ ସାହାଯ୍ୟ କରିଥିଲା। ସେ ପୁଣେ ବିଶ୍ୱବିଦ୍ୟାଳୟରୁ ମେକାନିକାଲ ଇଞ୍ଜିନିୟରିଂରେ ସ୍ନାତକ ଡିଗ୍ରୀ ଏବଂ ସିମ୍ବିଓସିସ ଇନଷ୍ଟିଟ୍ୟୁଟ ଅଫ ବିଜନେସ ମ୍ୟାନେଜମେଣ୍ଟରୁ ଏମବିଏ ଡିଗ୍ରୀ ହାସଲ କରିଛନ୍ତି।