ଅପରାଧ ପାଇଁ ଅପରାଧିୀକୁ ଦଣ୍ଡ ଦେବା କଥା ଆପଣ ନିଶ୍ଚୟ ଶୁଣିଥିବେ କିନ୍ତୁ ଆଜି ଆମେ ଆପଣଙ୍କୁ ଯେଉଁ କେତୋଟି ଅଜବ ଦଣ୍ଡ ବିଷୟରେ କହିବାକୁ ଯାଉଛୁ ତାହା ସମ୍ପର୍କରେ ଆପଣ ଆଗରୁ କେବେ ମଧ୍ୟ ଶୁଣିନଥିବେ ।
ସ୍ପେନର ଏଣ୍ଡାଲୁସିଆରେ ବାସ କରୁଥିବା ୨୫ ବର୍ଷୀୟ ଯୁବକଙ୍କର ମା ବାପା ପକେଟମନି ଦେବା ବନ୍ଦ କରିଦେଇଥିଲେ, ଯେଉଁ କାରଣରୁ ସେ ଏହି ବିଷୟକୁ ଅଦାଲତକୁ ଟାଣିଆଣିଥିଲେ । କିନ୍ତୁ ଅଦାଲତ ଓଲଟା ତାଙ୍କୁ ହିଁ ଦଣ୍ଡ ଶୁଣାଇଥିଲେ ଯେ ଆଗାମୀ ୩୦ ଦିନ ମଧ୍ୟରେ ତାଙ୍କୁ ତାଙ୍କ ମା-ବାପାଙ୍କର ଘର ଛାଡ଼ିବାକୁ ପଡ଼ିବ ଏବଂ ନିଜ ଗୋଡ଼ରେ ଠିଆ ହେବାକୁ ପଡ଼ିବ ।
ବିବିସିର ରିପୋର୍ଟ ଅନୁଯାୟୀ ୨୦୦୮ ମସିହାରେ ଏଣ୍ଡ୍ର୍ରୟୁ ୱେକ୍ଟରଙ୍କ ଉପରେ ନିଜ କାରରେ ଅଧିକ ଶବ୍ଦରେ ଗୀତ ଶୁଣିବା କାରଣରୁ ୧୨୦ ପାଉଣ୍ଡ ଅର୍ଥାତ ଏବେର ହିସାବରେ ପାଖାପାଖି ୧୧ ହଜାର ଟଙ୍କାର ଜୋରିମାନା ଲାଗିଥିଲା । ସେ ନିଜର ମନପସନ୍ଦର ସଂଗୀତ ‘ର୍ୟାପ’ ଶୁଣୁଥଲେ । ଏମିତିରେ ବିଚାରପତି ପରେ କହିଥିଲେ ଯେ ସେ ଜୋରିମାନାର ରକମ କମାଇ ୩୦ପାଉଣ୍ଡ କରିଦେବେ, କିନ୍ତୁ ୱେକ୍ଟରଙ୍କୁ ଏଥିପାଇଁ ୨୦ ଘଣ୍ଟା ପର୍ଯ୍ୟନ୍ତ ବୀଥୋୱନ, ବାଖ ଏବଂ ଶୋପେନର ଶାସ୍ତ୍ରୀୟ ସଙ୍ଗୀତ ଶୁଣିବାକୁ ହେବ ।
ଆମେରିକାସ୍ଥିତ ବିସୌରୀର ବାସିନ୍ଦା ଡେବିଡ ବେରୀ ନାମକ ଜଣେ ବ୍ୟକ୍ତି କେତେକ ହରିଣ ଶିକାର କରିଥିଲେ । ୨୦୧୮ ମସିହାରେ ଏହି ଦଣ୍ଡପାଇଁ ଦୋଷୀ ସାବ୍ୟସ୍ତ ହୋଇ ତାଙ୍କୁ ଗୋଟିଏ ବର୍ଷ ପର୍ଯ୍ୟନ୍ତ ଜେଲରେ ରହି ମାସକୁ ଅନ୍ତତଃ ଥରେ ଡିଜନୀର ବାମ୍ବୀ କାର୍ଟୁନ ଦେଖିବାର ଦଣ୍ଡ ଶୁଣାଇଥିଲେ ।
୨୦୦୩ ମସିହାରେ ଆମେରିକାସ୍ଥିତ ଚିକାଗୋର ଦୁଇଜଣ ଯୁବକ ବଡ଼ଦିନ ସଂନ୍ଧ୍ୟାରେ ଚର୍ଜରୁ ଜୀଶୁଖ୍ରୀଷ୍ଟଙ୍କର ମୂର୍ତ୍ତୀ ଚୋରି କରିଥଲେ ଏବଂ ଏହାକୁ ଖରାପ ମଧ୍ୟ କରିଦେଇଥିଲେ । ଏହି ଅଭିଯୋଗରେ ଉଭୟଙ୍କୁ ୪୫ଦିନ ପାଇଁ ଜେଲଦଣ୍ଡ ଶୁଣାଯାଇଥିଲା । ଏହାବାଦ ସେମାନଙ୍କୁ ସେମାନଙ୍କର ନିଜ ସହରରେ ଜଣେ କୃଷକଙ୍କ ସହିତ ମାର୍ଚ କରିବାର ଆଦେଶ ଦିଆଯାଇଥିଲା ।
୨୦୧୧ ମସିହାରେ ଆମେରିକାର ଓକଲାହୋମାରେ ବାସ କରୁଥିବା ୧୭ ବର୍ଷୀୟ ଟାଇଲର ଏଲରେଡ ମଦ୍ୟପାନ କରି ଗାଡ଼ି ଚଳାଉଥିବା କାରଣରୁ ଦୁର୍ଘଟଣାରେ ତାଙ୍କର ଜଣେ ବନ୍ଧୁଙ୍କର ମୃତ୍ୟୁ ହୋଇଯାଇଥିଲା । ଯେହେତୁ ଟାଇଲର ସେହି ସମୟରେ ହାଇସ୍କୁଲରେ ପଢ଼ୁଥିଲେ ସେଥିପାଇଁ ଅଦାଲତ ତାଙ୍କୁ ହାଇସ୍କୁଲ ଓ ଗ୍ରାଜୁଏସନ ଶେଷ କରିବା ବ୍ୟତୀତ ବର୍ଷଯାକ ପାଇଁ ଡ୍ରଗ, ମଦ ଏବଂ ନିକୋଟିନ ଟେଷ୍ଟ କରାଇବା ବ୍ୟତୀତ ୧୦ ବର୍ଷ ପର୍ଯ୍ୟନ୍ତ ଚର୍ଜ ଯିବାର ଦଣ୍ଡ ଶୁଣାଇଥଲେ ।
Comments are closed.