ଚଳିତ ବର୍ଷ ନିବେଶକମାନଙ୍କୁ ମୋଟ ରିଟର୍ଣ୍ଣ ଦେବା ପରେ ଏବେ ଝଟ୍କା ଦେବାକୁ ଯାଉଛି ସୁନା । କିନ୍ତୁ ସାଧାରଣ ଜନତା ପାଇଁ ଖୁସି ଖବର ଆସିବାକୁ ଯାଉଛି । ଖାସ୍ କରି ସୁନା କିଣାବିକା କରୁଥିବା ଲୋକମାନଙ୍କ ପାଇଁ ଏହା ଅତ୍ୟନ୍ତ ଖୁସିର ଖବର ହୋଇପାରେ ବୋଲି ଆଶା କରାଯାଉଛି । କରୋନା ଭ୍ୟାକସିନ୍ ପ୍ରସ୍ତୁତ ହୋଇଥିବା ଖବର ମଙ୍ଗଳବାର ଦିନ ଦିଲ୍ଲୀ ସରଫା ବଜାରରେ ସୁନାର ଦାମ୍ ୧୦୪୯ଟଙ୍କା ହ୍ରାସ ପାଇଛି । ଏହାସହିତ ସୁନାର ଦାମ୍ ୪୯ହଜାର ତଳକୁ ଖସିଛି । ସୁନାର ଦାମ୍ ୧୦ ଗ୍ରାମ ପ୍ରତି ୪୮୫୬୯ ରହିଛି । ଦିଲ୍ଲୀର ସରଫା ବଜାରରେ ମଙ୍ଗଳବାର ଦିନ ସୁନା ୧୦୪୯ ଟଙ୍କା ହ୍ରାସ ପାଇ ୪୮,୫୬୯ ପ୍ରତି ୧୦ ଗ୍ରାମ ପ୍ରତି ରହି ବନ୍ଦ ହୋଇଥିଲା ।
ବିଶେଷଜ୍ଞଙ୍କ ଅନୁଯାୟୀ, କୋଭିଡ-୧୯ର ଭ୍ୟାକସିନ୍ ଓ ଆମେରିକା ରାଷ୍ଟ୍ରପତି ଭାବେ ଜୋ-ବାଇଡେନ୍ କାର୍ଯ୍ୟଭାର ସମ୍ଭାଳିବ ନେଇ ପ୍ରସ୍ତୁତି ସୁନା ଦର ହ୍ରାସ ପାଇବାର ଅନ୍ୟତମ କାରଣ ପାଲଟିଛି । ଏହା ବ୍ୟତୀତ ବିଶ୍ୱ ବଜାରରେ ଦୁର୍ବଳତା ଏବଂ ଟଙ୍କାର ବିନିମୟ ମୁଲ୍ୟରେ ଉନ୍ନତି ମଧ୍ୟ ସୁନା ଦର ଉପରେ ପ୍ରଭାବ ପକାଇଛି । ଏସବୁ ଭିତରେ ରୂପାର ଦର ମଧ୍ୟ ହ୍ରାସ ପାଇଛି । ରୂପା ୧,୫୮୮ ଟଙ୍କା ହ୍ରାସ ପାଇ ୫୯,୩୦୧ କିଲୋଗ୍ରାମ ପ୍ରତି ରହିଛି । ଆନ୍ତର୍ଜାତୀୟ ବଜାରରେ ସୁନା ଏକ ଆନ୍ସର ହ୍ରାସ ପାଇ ୧,୮୩୦ ଡଲାରରେ ପହଞ୍ଚିଥିବା ବେଳେ ରୂପା ପ୍ରାୟ ୨୩.୪୨ ଡଲାରରେ ଅପରିବର୍ତ୍ତିତ ରହିଛି । ଏଞ୍ଜେଲା ବ୍ୟାଙ୍କିଙ୍ଗର ଉପ-ଉପରାଷ୍ଟ୍ରପତି ଅନୁଜ ଗୁପ୍ତା କହିଛନ୍ତି ଯେ ସୁନା ୪୯,୦୦୦ ତଳକୁ ଖସିଛି । ଆଗାମୀ ଦିନରେ ଏହା ଆହୁରି ଖସିଯିବାର ସମ୍ଭାବନା ମଧ୍ୟ ରହିଛି।
ତେବେ ଅନେକ ବିଶେଷଜ୍ଞଙ୍କ ମତରେ ,ଯଦି ଆଗାମୀ ଦିନରେ ସୁନାର ମୁଲ୍ୟ ୪୫ହଜାର ତଳକୁ ଖସିବାର ସମ୍ଭାବନା ରହିଛି । ଖାସ୍ କରି ସୁନା ଦର ହ୍ରାସ ପାଇବାର ୪ଟି ମୁଖ୍ୟ କାରଣ ଅଛି ବୋଲି ବିଶେଷଜ୍ଞମାନେ ଅନୁମାନ କରିଛନ୍ତି । ତେବେ ଆସନ୍ତୁ ଜାଣିବା ସୁନା ଦର ହ୍ରାସ ପାଇବାର ସେହି ୪ଟି ପ୍ରମୁଖ କାରଣଗୁଡି଼କ-
କରୋନା ଭ୍ୟାକସିନ୍ ପ୍ରସ୍ତୁତିର ନିକଟରେ କମ୍ପାନୀ-
ବିଶ୍ୱର ଅନେକ ଔଷଧ କମ୍ପାନୀମାନେ କରୋନାର ମୁକାବିଲା ପାଇଁ ଭ୍ୟାକ୍ସିନ୍ ପ୍ରସ୍ତୁତି ଦିଗରେ ଲାଗିରହିଛନ୍ତି । ଏମତିକି କିଛି କମ୍ପାନୀ ମଧ୍ୟ ଟୀକା ପ୍ରସ୍ତୁତିର ଅତି ନିକଟତରେ ପହଞ୍ଚିଛି । ଅନେକ କମ୍ପାନୀ ନିଜ ନିଜ ଭ୍ୟାକ୍ସିନ୍ର କାର୍ଯ୍ୟଶୈଳୀ ନେଇ ଅନେକ ଦାବି କରୁଛନ୍ତି । କମ୍ପାନୀମାନେ ସେମାନଙ୍କ ଟୀକା 70 ରୁ 94 ପ୍ରତିଶତ ପର୍ଯ୍ୟନ୍ତ ପ୍ରଭାବଶାଳୀ ହୋଇପାରିବ ଦାବି କରିଛନ୍ତି। ଏଭଳି ପରିସ୍ଥିତିରେ କରୋନା ଭୟ ଯୋଗୁଁ ଆଗାମୀ ସମୟରେ ସୁନା ଏକ ସୁରକ୍ଷିତ ବିନିଯୋଗ ହେବ ନାହିଁ । ଏହି କାରଣରୁ ସୁନା ହ୍ରାସ ପାଉଛି ।
ଆମେରିକାର ଜୋ-ବାଇଡେନ୍ଙ୍କ ବିଜୟୀ-
ଆମେରିକାରେ ରାଷ୍ଟ୍ରପତି ନିର୍ବାଚନରେ ଜୋ-ବାଇଡେନ ବିଜୟୀ ହୋଇଛନ୍ତି । ରାଷ୍ଟ୍ରପତି ପଦ ସମ୍ଭାଳିବାକୁ ସେମାନେ ପ୍ରସ୍ତୁତିକୁ ଜୋରଦାର କରିଦେଇଛନ୍ତି। ବାଇଡେନ୍ କ୍ଷମତାକୁ ଆସିଲେ ଚାଲିଥିବା ବାଣିଜ୍ୟ ଯୁଦ୍ଧ ସମାପ୍ତ ହେବାର ଆଶା କରାଯାଉଛି । ଏହା ବିଶ୍ୱବ୍ୟାପୀ ବ୍ୟବସାୟିକ କାର୍ଯ୍ୟକଳାପର ଗତି ଉଠାଇବ ବୋଲି ଆଶା କରାଯାଉଛି । ଆର୍ଥିକ ସଙ୍କଟ ଯୋଗୁଁ ସୁନା ନିଜର ଚମକ ହରାଉଛି ।
ବିଶ୍ୱ ଅର୍ଥନୀତିରେ ତୀବ୍ର ଉନ୍ନତି-
ଭାରତ ଏବଂ ଆମେରିକା ସମେତ ବିଶ୍ୱର ଅର୍ଥନୀତିରେ ତୀବ୍ର ଉନ୍ନତି ଘଟିଥିବାର ଦେଖିବାକୁ ମଳିଛି । ବିଶେଷଜ୍ଞମାନେ ଅନୁଯାୟୀ, ଅର୍ଥିନୈତିକ ଅଭିବୃଦ୍ଧି କ୍ଷେତ୍ରରେ ସେୟାର ସହ ଜଡିତ ନିବେଶ ଅଧିକ ଲାଭଦାୟକ ଅଟେ। ଏଭଳି ପରିସ୍ଥିତିରେ ବର୍ତ୍ତମାନ ନିବେଶକମାନେ ସୁନା ଅପେକ୍ଷା ଅଧିକ ସେୟାର କିଣିବାକୁ ଅଗ୍ରାଧିକାର ଦେଉଛନ୍ତି। ଏହା ଦ୍ୱାରା ସୁନା ଦରରେ ହ୍ରାସ ପାଉଛି ।
ବର୍ତ୍ତମାନ ସୁନାରେ ନିବେଶ କରିବା ଉପଯୁକ୍ତ ସମୟ ନୁହେଁ-
ଏଞ୍ଜେଲା ବ୍ୟାଙ୍କିଙ୍ଗର ଉପାଧ୍ୟକ୍ଷ ଅନୁଜ ଗୁପ୍ତା କହିଛନ୍ତି ଯେ, କରୋନା ସଙ୍କଟ ବଢିବା ପରେ ସୁନା ଦାମ୍ ୫୫,୦୦୦ ଅତିକ୍ରମ କରିଥିଲା । କିନ୍ତୁ ବର୍ତ୍ତମାନ କରୋନା ମୁକାବିଲା ନେଇ ଟିକା ପ୍ରସ୍ତୁତିର ଶେଷ ପର୍ଯ୍ୟାୟ ପାଖେଇ ଆସୁଥିବାରୁ ଏବେ ସୁନା ଦର ହ୍ରାସ ପାଇବାରେ ଲାଗିଛି। ଗୁପ୍ତା ଆହୁରୀ ମଧ୍ୟ କହିଛନ୍ତି ଯେ, ଟିକା ପ୍ରସ୍ତୁତ ହେବା ପରେ ଯଦି ୧୦ ଗ୍ରାମ ପ୍ରତି ସୁନା ୪୫ ହଜାର ଟଙ୍କା ତଳକୁ ଖସିଯାଏ । ତେବେ ଏହା ଆଶ୍ଚର୍ଯ୍ୟଜନକ ନୁହେଁ, ତେଣୁ ଏଭଳି ପରିସ୍ଥିତିରେ ସୁନାରେ ବିନିଯୋଗରୁ ଦୂରେଇ ରହିବାର ଆବଶ୍ୟକତା ରହିଛି। ଅବଶ୍ୟ, ଏକ ବର୍ଷ କିମ୍ବା ଅଧିକ ସମୟ ମଧ୍ୟରେ, ଏହା ପୁଣି ୫୫ ହଜାର ଟଙ୍କା ସ୍ତରରେ ପହଞ୍ଚିପାରେ ।
Comments are closed.