ଗ୍ରୀଷ୍ମ ଋତୁରେ କାକୁଡି ଅତ୍ୟନ୍ତ ସୁସ୍ଥ ଖାଦ୍ୟ, ଏହା ଶରୀରରେ ଜଳ ଅଭାବକୁ ପୂରଣ କରିଥାଏ । ଏହା ବ୍ୟତୀତ କାକୁଡି ପେଟର ଉତ୍ତାପକୁ ଦୂର କରିବାରେ ମଧ୍ୟ ଖୁବ୍ ପ୍ରଭାବଶାଳୀ । ସ୍ୱାସ୍ଥ୍ୟ ବିଶେଷଜ୍ଞମାନେ ଏହାକୁ ଖାଦ୍ୟର ଏକ ଅଂଶ କରିବାକୁ ମଧ୍ୟ ପରାମର୍ଶ ଦେଇଥାନ୍ତି । କାକୁଡିରେ ଥିବା ଭିଟାମିନ୍ ସି, ବିଟା କାରୋଟିନ୍ ପରି ଆଣ୍ଟିଅକ୍ସିଡାଣ୍ଟ ଶରୀରରେ ଥିବା ଫ୍ରି ରେଡିକାଲଗୁଡିକ ବାହାର କରିବାରେ ସାହାଯ୍ୟ କରିଥାଏ । କେବଳ ଏତିକି ନୁହେଁ, କାକୁଡି ରୋଗ ପ୍ରତିରୋଧକ ଶକ୍ତି ବଢାଇ ହାଡକୁ ମଜବୁତ କରିଥାଏ। ତେଣୁ କାକୁଡି ଖାଇବା ଅତ୍ୟନ୍ତ ଲାଭଦାୟକ, କିନ୍ତୁ ଅନେକ ସମୟରେ ଲୋକମାନେ କାକୁଡି ଖାଇବା ପରେ ଏପରି କିଛି ଭୁଲ କରିଥାନ୍ତି, ଯାହା ପରେ ଶରୀର ଉପରେ ଖରାପ ପ୍ରଭାବ ପକାଇଥାଏ । ପ୍ରାୟତଃ ଲୋକମାନେ କାକୁଡି ଖାଇବା ପରେ ପାଣି ପିଇଥାନ୍ତି, ଯାହା ଶରୀରକୁ କ୍ଷତି ପହଞ୍ଚାଇଥାଏ । କାକୁଡି ଖାଇବା ପରେ ପାଣି ନପିଇବାକୁ ବିଶେଷଜ୍ଞମାନେ ଆମକୁ ପରାମର୍ଶ ଦେଇଥାନ୍ତି । ଆସନ୍ତୁ ଜାଣିବା କାହିଁକି?
ତରଭୁଜ ଏବଂ ସପୁରୀ ପରି କାକୁଡି ମଧ୍ୟ ପାଣିରେ ଭରପୂର ଖାଦ୍ୟ । ଯେଉଁଥିରେ ୯୫ ପ୍ରତିଶତ ଜଳ ରହିଥାଏ ଏବଂ ବିଶେଷଜ୍ଞମାନେ ଏହାକୁ ଖାଇବା ପରେ ପାଣି ନପିଇବାକୁ ପରାମର୍ଶ ଦେଇଥାନ୍ତି । କାରଣ କାକୁଡିରେ ଭିଟାମିନ୍ ସି, ଭିଟାମିନ୍ କେ, କପର୍, ମ୍ୟାଗ୍ନେସିୟମ୍, ପୋଟାସିୟମ୍, ମାଙ୍ଗାନିଜ୍ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ ସିଲିକା ଭଳି ଅତ୍ୟାବଶ୍ୟକ ପୋଷକ ତତ୍ତ୍ୱ ଭରି ରହିଥାଏ, ଯାହା ଚର୍ମ ଏବଂ କେଶ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ତେଣୁ କାକୁଡି ଖାଇବା ପରେ ପାଣି ପିଇବା ଦ୍ୱାରା ଆପଣ ଏହି ଜରୁରୀ ପୋଷକତତ୍ତ୍ୱରୁ ବଞ୍ଚିତ ହୋଇଥାନ୍ତି । ଏହା ବ୍ୟତୀତ ପୋଷକ ତତ୍ତ୍ୱର ଉତ୍ତମ ଅବଶୋଷଣ ପାଇଁ କଞ୍ଚା ପନିପରିବା ଏବଂ ଫଳ ଖାଇବା ପରେ ମଧ୍ୟ ପାନୀୟ ଜଳରୁ ଦୂରେଇ ରହିବାକୁ ବିଶେଷଜ୍ଞମାନେ ପରାମର୍ଶ ଦେଇଥାନ୍ତି ।
କାକୁଡି ଖାଇବା ପରେ ପାଣି ପିଇବା ଦ୍ୱାରା କଣ ହୋଇଥାଏ କ୍ଷତି :
– ଖାଇବା ପରେ ତୁରନ୍ତ ପାଣି ପିଇବା ହଜମ ପ୍ରକ୍ରିୟାକୁ ନଷ୍ଟ କରିଥାଏ ।
-ଖାଦ୍ୟ ହଜମ କରିବା ପାଇଁ ଶରୀରରେ ପିଏଚ୍ ସ୍ତର ଆବଶ୍ୟକ, ତେଣୁ କାକୁଡି ସହିତ ପାଣି ପିଇବା ଶରୀରର ପିଏଚ୍ ସ୍ତରକୁ ଖରାପ କରିଥାଏ ।
-କାକୁଡି ସହିତ ପାଣି ପିଇବା ଦ୍ୱାରା ଆପଣଙ୍କୁ ଡାଇରିଆ ଏବଂ ପତଳା ଝାଡା ଭଳି ସମସ୍ୟାର ସମ୍ମୁଖୀନ ହେବାକୁ ପଡିଥାଏ ।
-କାକୁଡି ଉପରେ ପାଣି ପିଇବା ଦ୍ୱାରା ଖାଦ୍ୟ ହଜମ କରିବା ପାଇଁ ଆବଶ୍ୟକ ହେଉଥିବା ଏସିଡ୍ ପ୍ରଭାବଶାଳୀ ଭାବରେ କାମ କରିନଥାଏ।
Comments are closed.