୧୫୦୦ ପରିତ୍ୟକ୍ତ ମାସ୍କରୁ ପ୍ରସ୍ତୁତ ହେଲା ସୁନ୍ଦର ୱେଡିଙ୍ଗ ଗାଉନ, ଦେଖିବାକୁ କୌଣସି ପରୀ କାହାଣୀର ଡ୍ରେସଠାରୁ ନୁହେଁ କମ
ମାସ୍କ ଏବଂ ହ୍ୟାଣ୍ଡ ସାନିଟାଇଜର କରୋନାଭାଇରସ୍ ଯୁଗରେ ଜୀବନର ଏକ ଅବିଚ୍ଛେଦ୍ୟ ଅଂଶ ପାଲଟିଛି। ଆଜି ପ୍ରାୟ ସଭିଏଁ ନିଜ ଘରୁ ବାହାରକୁ ଯିବା ପୂର୍ବରୁ ମାସ୍କ ପିନ୍ଧିବାକୁ ଭୁଲୁ ନାହାଁନ୍ତି | ଏପରି ପରିସ୍ଥିତିରେ, ପ୍ରତ୍ୟେକ ଦିନ ପରିତ୍ୟକ୍ତ ମାସ୍କଗୁଡ଼ିକର ସଂଖ୍ୟା ଯଥେଷ୍ଟ ଅଧିକ ହେବା ସ୍ୱାଭାବିକ | ଏବଂ ବର୍ତ୍ତମାନ, ବ୍ରିଟେନର ଜଣେ ଡିଜାଇନର୍ ଏହିପରି ବ୍ୟବହୃତ ତଥା ପରିତ୍ୟକ୍ତ ମାସ୍କଗୁଡିକୁ ଏପରି ଏକ ଜିନିଷରେ ଅନ୍ତର୍ଭୁକ୍ତ କରିବାର ଏକ ନିଆରା ଧାରଣା ଆଣିଛନ୍ତି ଯାହା ଦେଖିବା ପାଇଁ ଉପଯୋଗୀ ଏବଂ ସୁନ୍ଦର ହେବ – ଯାହାକି ହେଉଛି ସମ୍ପୁର୍ଣ୍ଣ ଭାବରେ ବ୍ୟବହୃତ ମାସ୍କରେ ତିଆରି ଏକ ଧଳା ବିବାହ ଗାଉନ | ଏହି ବିବାହ ପୋଷାକରେ ୧୫୦୦ରୁ ଅଧିକ ଧଳା ରଙ୍ଗର ଫେସ୍ ମାସ୍କ ବ୍ୟବହାର କରାଯାଇଛି। ଡିଜାଇନର୍ ଟମ୍ ସିଲଭରଉଡ୍ ଏହି ବିବାହ ଗାଉନ ତିଆରି କରିଛନ୍ତି। ବିବାହ ସମ୍ପର୍କିତ ପରାମର୍ଶ ଦେଉଥିବା ୱେବସାଇଟ୍ ‘ହିଚ୍ଡ’ ଏହି ପୋଷାକ ପାଇଁ ଅର୍ଥ ବିନିଯୋଗ କରିଛି।
ମଡେଲ ଜେମିମା ହାମ୍ବ୍ରୋ ଏହି ସୁନ୍ଦର ଧଳା ବିବାହ ଗାଉନଟିକୁ ପିନ୍ଧି ଲଣ୍ଡନର ସେଣ୍ଟ୍ ପଲ୍ସ କ୍ୟାଥେଡ୍ରାଲଠାରେ ଫଟୋଶୁଟ୍ କରିଛନ୍ତି। ଇଂଲଣ୍ଡରେ ବିବାହ ଉତ୍ସବ ଉପରେ ଲାଗୁ ହୋଇଥିବା କରୋନା କଟକଣା ସମାପ୍ତ ହୋଇଥିବାରୁ ଏହାକୁ ‘ଫ୍ରିଡମ୍ ଡେ’ ଭାବେ ପାଳନ କରିବା ପାଇଁ ଏହି ପୋଷାକକୁ ଉନ୍ମୋଚନ କରାଯାଇଛି। ଏହାସହିତ ପରିତ୍ୟକ୍ତ ପ୍ଲାଷ୍ଟିକ୍ ପିପିଇ ଦ୍ବାରା ପରିବେଶରେ ତିଆରି ହେଉଥିବା ବର୍ଜ୍ୟବସ୍ତୁ ଉପରେ ଦୃଷ୍ଟି ଆକର୍ଷଣ କରିବା ମଧ୍ୟ ଏହି ପୋଷାକର ଲକ୍ଷ୍ୟ ରହିଛି। ହିଚ୍ଡ ଦାବି କରିଛି ଯେ, ବ୍ରିଟେନରେ ପ୍ରତ୍ୟେକ ସପ୍ତାହରେ ୧୦୦ ମିଲିୟନ ପରିତ୍ୟକ୍ତ ମାସ୍କ ଫିଙ୍ଗାଯାଏ।
Comments are closed.