ୟେସ ବ୍ୟାଙ୍କ ପ୍ରତିଷ୍ଠାତା ରାଣା କପୁର ଏବଂ ଅନ୍ୟଙ୍କ ବିରୋଧରେ ମିନି ଲ୍ୟାଣ୍ଡ୍ରିଙ୍ଗ ମାମଲାର ତଦନ୍ତ କରୁଥିବା ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ସୋମବାର ଦିନ ରିଲାଏନ୍ସ ଫାଉଣ୍ଡେସନର ଅଧ୍ୟକ୍ଷ ଅନିଲ ଅମ୍ବାନୀଙ୍କୁ ସମନ ପଠାଯାଇଛି ।
ମିଳିଥିବା ସୂଚନା ମୁତାବକ, ଅମ୍ବାନୀ ତଦନ୍ତ ଏଜେନ୍ସିଙ୍କ ଠାରୁ ସ୍ୱାସ୍ଥ୍ୟଗତ ସମସ୍ୟା ଆଧାରରେ ଛୁଟି ଆବେଦନ କରିଥିବାବେଳେ ତାଙ୍କ ପାଇଁ ଏକ ନୂଆ ତାରିଖ ମଧ୍ୟ ଜାରି କରାଯାଇପାରେ । ରିଲାଏନ୍ସ ଗ୍ରୁପର କମ୍ପାନୀ ଗୁଡିକ ପ୍ରାୟ ୧୨, ୮୦୦ କୋଟି ଟଙ୍କାର ଧାରନେଇଥିବାବେଳେ, ଯାହାକି ବର୍ତ୍ତମାନ ଏନପିଏ ହୋଇଯାଇଛି ।
ପ୍ରକାଶ ଥାଉକି, ଅର୍ଥମନ୍ତ୍ରୀ ନିର୍ମଳା ସିତାରମଣ ୬ ମାର୍ଚ୍ଚରେ ସାମ୍ବାଦିକ ସମ୍ମୀଳନୀ ଜରିଆରେ କହିଥିଲେ ଯେ, ଅନିଲ ଅମ୍ବାନୀ ଗ୍ରୁଫ, ଏସେଲ , ଆଇଏଚଏଫଏଲ ଏବଂ ଭୋଡାଫୋନ ଆଦି ଗ୍ରୁପ ବ୍ୟାଙ୍କରୁ ଲୋନ ନେଇଥିଲେ ।
ଅଧିକାରୀଙ୍କ ପକ୍ଷରୁ ମିଳିଥିବା ସୂଚନା ମୁତାବକ, ସମସ୍ତ କମ୍ପାନୀ ଗୁଡିକଙ୍କ ପ୍ରମୋଟର୍ସଙ୍କୁ ପଚରାଉଚରା ପାଇଁ ଡକାଯାଇଛି, ଯେଉଁମାନେ କି ଧାର ନେଇ ଟଙ୍କା ଫେରସ୍ତ କରି ନାହାନ୍ତି ।
Comments are closed.