ନିଜର ବିଳାସପୂର୍ଣ୍ଣ ଜୀବନଶୈଳୀ ଏବଂ ଫୁଟବଲରେ ନିଜର ଦକ୍ଷତା ପାଇଁ ବିଶ୍ବ ପ୍ରସିଦ୍ଧ ଫୁଟବଲ ଖେଳାଳୀ କ୍ରିଷ୍ଟିଆନୋ ରୋନାଲଡୋ ବର୍ତ୍ତମାନ ଦୁନିଆର ସବୁଠୁ ଦାମୀ କାରର ମାଲିକ ହୋଇପାରିଛନ୍ତି | ଏହି ଗାଡିଟିର ନାମ ହେଉଛି ‘ଲା ଭୋଇଟ୍ ନୋଏର୍’ ବା La Voiture Noire, ଯାହାରି ସ୍ପୋର୍ଟସ୍ କାର ନିର୍ମାତା ବୁଗାଟୀ କମ୍ପାନୀର ଅଟେ | ଏହି କାରର ମୂଲ୍ୟ ୮.୫ ନିୟୁତ ୟୁରୋ, ଯାହା ପ୍ରାୟ ୭୫ କୋଟି ଟଙ୍କା ଅଟେ।
ପର୍ତ୍ତୁଗୀଜ୍ ଫୁଟବଲର୍ ତଥା ଇଟାଲୀ ଲିଗ୍ ସିରି ଏରେ ୟୁଭେଣ୍ଟସ୍ ପାଇଁ ଖେଳୁଥିବା ରୋନାଲଡୋ ଇନଷ୍ଟାଗ୍ରାମରେ ଏହି କାର୍ ସହିତ ନିଜର ଏକ ସାର୍ଟହୀନ ଫଟୋ ସେୟାର କରିଛନ୍ତି। ରୋନାଲଡୋ ୨୦୨୧ ସୁଦ୍ଧା ଏହି କାରର ଡେଲିଭରୀ ପାଇବାକୁ ସକ୍ଷମ ହେବେ।
ଫ୍ରେଂଚ ଭାଷାରେ ବୁଗାଟୀର ଲା ଭୋଇଚର ନୋଏରର ଅର୍ଥ ହେଉଛି କଳା କାର୍ | ଲା ଭଏଚର୍ ନୋଏର୍ ହେଉଛି ସବୁଠୁ ଦାମୀ ସ୍ପୋର୍ଟସ କାର | ଏହାର ସମାନ ଇଞ୍ଜିନ୍ ଅଛି ଯାହା ଶିରନ୍ ସ୍ପୋର୍ଟରେ ଆସେ | ଏହା ୮.୦ ଲିଟର କ୍ୱାଡ୍ ଟର୍ବୋ ଚାର୍ଜଡ୍ W16 ଇଞ୍ଜିନ୍ ଦ୍ୱାରା ଚାଳିତ, ଯାହା ୧୫୦୦ PS ଶକ୍ତି ଏବଂ ୧୬୦୦ Nm ଟର୍କ ଦେଇଥାଏ | ମାତ୍ର ୨.୪ ସେକେଣ୍ଡରେ, ଏହି କାର ୦ ରୁ ୬୦ କିଲୋମିଟର ପ୍ରତି ଘଂଟାର ବେଗ ଧରିପାରେ | ଏହି ସମୟରେ, ଏହାର ସର୍ବୋଚ୍ଚ ବେଗ ଘଣ୍ଟା ପ୍ରତି ୩୮୦ କିଲୋମିଟର ଅଟେ |
୧୮୩୦ ରେ ନିର୍ମିତ ଏକ ବୁଗାଟୀପ ଟାଇ C-57SC କୁ ମନେ ପକାଇ ଲା ଭଏଚର୍ ନୋଏର୍ ନିର୍ମିତ | ଏହି କାରର କିଛି ମଡେଲ୍ ଅଛି ଏବଂ ଏହାକୁ ଲା ଭଏଚର୍ ନୋଏର୍ ଅର୍ଥାତ୍ ‘ସିମ୍ପଲ୍ ବ୍ଲାକ୍’ କୁହାଯାଏ | ଏହି କାରରେ ହ୍ୟାଣ୍ଡ କ୍ରାଫ୍ଟେଡ କାର୍ବନ ଫାଇବରର ଏକ ବଡି ଓ୍ବର୍କ ଅଛି |
ରିପୋର୍ଟ ଅନୁଯାୟୀ, ଭାରତରେ ଏହି କାରର ପ୍ରକୃତ ମୂଲ୍ୟ ପ୍ରାୟ ୮୭.୭ କୋଟି ଟଙ୍କା ଏବଂ ଟାକ୍ସ ପରେ ଅନ୍-ରୋଡ୍ ମୂଲ୍ୟ ୧୩୩ କୋଟି ଟଙ୍କା ହେବ, ଯେଉଁଥିରେ ପ୍ରାୟ ୪୫ କୋଟି ଟ୍ୟାକ୍ସ ମଧ୍ୟ ସାମିଲ ରହିଛି।
ଗତ ବର୍ଷ ରୋନାଲଡୋ ୨୧.୫ ମିଲିୟନ ପାଉଣ୍ଡ ଖର୍ଚ୍ଚ କରି ବୁଗାଟୀ ଶିରନ୍ କିଣିଥିଲେ। ତାଙ୍କ ଗ୍ୟାରେଜରେ ମର୍ସିଡିଜ୍ ସି କ୍ଲାସ୍ ସ୍ପୋର୍ଟ୍ କୁପ୍, ଆଷ୍ଟନ୍ ମାର୍ଟିନ୍, ଲମ୍ବୋର୍ଗିନି ଆଭେଣ୍ଟାଡୋର LP700-4, ମ୍ୟାକଲେରେନ୍ MP4 12C, ବେଣ୍ଟଲି କଣ୍ଟିନେଣ୍ଟାଲ୍ ଜିଟିସି ସ୍ପିଡ୍, ରୋଲ୍ସ ରୋଏସ୍ ଫାଣ୍ଟମ୍ ଏବଂ ଫରାରୀ ୫୯୯ ଜିଟିଓ ଭଳି କାର ଅନ୍ତର୍ଭୁକ୍ତ |
Comments are closed.