କରୋନା ଟିକା: ଜଣେ ବ୍ୟକ୍ତି ପିଛା ୫-୫ଟି ଡୋଜ କିଣୁଛନ୍ତି ଧନୀ ଦେଶ, ଜାଣନ୍ତୁ ଭାରତର ସ୍ଥିତି

ଆମେରିକାର ଦୁଇଟି ପ୍ରମୁଖ ଫାର୍ମା କମ୍ପାନୀ ଦ୍ବାରା କୋଭିଡ -୧୯ ଟିକା ପରୀକ୍ଷଣର ଉତ୍ସାହଜନକ ଫଳାଫଳ ଜାରି କରାଯିବା ସହିତ ବିକାଶଶୀଳ ଦେଶ ସମ୍ମୁଖରେ ଏକ ବିରାଟ ଆହ୍ବାନ ହେଉଛି ଏହାର ଜନବହୁଳ ଜନସଂଖ୍ୟା ପାଇଁ ଟୀକାକରଣ କାର୍ଯ୍ୟକ୍ରମ ପ୍ରସ୍ତୁତ କରିବା।

ମୋଡେର୍ନା ଘୋଷଣା କରିଛି ଯେ ଏହାର ଟିକା ପ୍ରାର୍ଥୀ ପ୍ରାୟ ୯୫ ପ୍ରତିଶତ ପ୍ରଭାବଶାଳୀ ହୋଇଥିବାବେଳେ, ପିଫାଇଜର ବାୟୋଏନଟେକ ସହିତ ବିକଶିତ ହୋଇଥିବା ଏହାର ଟିକା ପ୍ରାର୍ଥୀ ପରୀକ୍ଷାରେ ୯୦ ପ୍ରତିଶତ ପ୍ରଭାବଶାଳୀ ବୋଲି ଘୋଷଣା କରିଛି।

ଆମେରିକାର ଭାଇରସ ବିଶେଷଜ୍ଞ ଡକ୍ଟର ଆନ୍ଥୋନୀ ଫୋସି କହିଛନ୍ତି, “ବର୍ତ୍ତମାନ ଆମ ପାଖରେ ଦୁଇଟି ଟିକା ରହିଛି ଯାହା ପ୍ରକୃତରେ ବହୁତ ପ୍ରଭାବଶାଳୀ ଅଟେ। ତେଣୁ ମୁଁ ଭାବୁଛି ଏହା ପ୍ରକୃତରେ ଏକ ଦୃଢ଼ ପଦକ୍ଷେପ ଯେଉଁଠାରେ ଆମେ ଏହି ରୋଗକୁ ନିୟନ୍ତ୍ରଣ କରିବାକୁ ଚାହୁଁଛୁ।”

ଉଭୟ ମୋଡେର୍ନା ଏବଂ ଫାଇଜର ସେମାନଙ୍କ ଟିକା ଡିଜାଇନ୍ କରିବା ପାଇଁ ଅଭିନବ ପ୍ରଯୁକ୍ତିବିଦ୍ୟା ବ୍ୟବହାର କରିଥିଲେ | କିନ୍ତୁ ଏଠାରେ ଗୋଟିଏ କାରଣ ଅଛି ଯାହା ମୋଡେର୍ନା ଏବଂ ଫାଇଜର ଟୀକାକରଣର ଭବିଷ୍ୟତକୁ ଜଟିଳ କରିପାରେ ଏବଂ ତାହା ହେଉଛି ଏହାର ଷ୍ଟୋରେଜ ଏବଂ ବ୍ୟାପକ ଉପଲବ୍ଧତା | ବିଶେଷକରି ଗରମ ଜଳବାୟୁ ସହିତ ସ୍ୱଳ୍ପ ଆୟ ଅଞ୍ଚଳରେ | ଉଭୟ ଟିକା କମ୍ ତାପମାତ୍ରା ଆବଶ୍ୟକ କରେ – ମୋଡେର୍ନା ପାଇଁ ମାଇନସ୍ ୨୦ଂ ସେଲସିୟସ୍ ଏବଂ ଫାଇଜର ପାଇଁ ମାଇନସ୍ ୭୫ଂ ସେଲସିୟସ୍ ପର୍ଯ୍ୟନ୍ତ ଅଲ୍ଟ୍ରା-କୋଲ୍ଡ ଷ୍ଟୋରେଜ୍ ଦରକାର|

ଭାରତର ସ୍ବାସ୍ଥ୍ୟ ବିଶେଷଜ୍ଞମାନେ ବିଶେଷ ଭାବରେ ଫାଇଜର ଟିକା ସମ୍ଭବତାକୁ କଷ୍ଟକର ଭାବେ ବିବେତନା କରିଛନ୍ତି। AIIMS ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି ଯେ ଫାଇଜର ଟିକାକୁ -୭୦ ° C ରେ ରଖିବାକୁ ହେବ, ଯାହା ଭାରତ ଭଳି ବିକାଶଶୀଳ ଦେଶ ପାଇଁ ଏକ ଆହ୍ବାନ, ଯେଉଁଠାରେ ଶୀତଳ ଶୃଙ୍ଖଳା ବଜାୟ ରଖିବା କଷ୍ଟସାଧ୍ୟ ହେବ, ବିଶେଷ କରି ଗ୍ରାମୀଣ ମିଶନରେ।

ଧନୀ ଦେଶଗୁଡିକ ସମଗ୍ର ବିଶ୍ବ ର ମାତ୍ର ୧୩ ପ୍ରତିଶତ ପ୍ରତିନିଧିତ୍ୱ କରନ୍ତି ଏବଂ ଏବେଠାରୁ ବିକାଶର ବିଭିନ୍ନ ପର୍ଯ୍ୟାୟରେ ଟିକା ପ୍ରଦାନର ଅଧାରୁ ଅଧିକ ଯୋଗାଣ ସେମାନେ ନିଜପାଇଁ ନିଶ୍ଚିତ କରିସାରିଛନ୍ତି |
ସେହି ଦେଶଗୁଡିକ ମଧ୍ୟରୁ କେତେକ ପ୍ରତ୍ୟେକ ନାଗରିକଙ୍କ ପାଇଁ ପାଞ୍ଚଟି ଡୋଜ୍ ବୁକ୍ କରିଥିବାବେଳେ ଆବଶ୍ୟକତା କେବଳ ଦୁଇଟି ରହିଛି | ଏହା ହେଉଛି ଏକ ପଦକ୍ଷେପ ଯାହା ବିକାଶଶୀଳ ଦେଶ ପାଇଁ ଯୋଗାଣ ସଙ୍କଟ ସୃଷ୍ଟି କରିବାର ବିପଦକୁ ଦର୍ଶାଉଛି |

ମୋଡେର୍ଣ୍ଣା ସିଇଓ ଷ୍ଟିଫେନ୍ ବାନସେଲ କହିଛନ୍ତି, “ଆମେରିକା ସରକାରଙ୍କ ସହ ଆମର ପ୍ରଥମ ଚୁକ୍ତିନାମା ୧୦୦ ମିଲିୟନ୍ ଡୋଜ୍ ଅର୍ଡର ଥିଲା। ତେଣୁ ଆମେ ଅନୁମାନ କରୁଛୁ ଯେ ବର୍ଷ ଶେଷ ହେବା ପୂର୍ବରୁ ସେହି ୧୦୦ ମିଲିୟନ ମଧ୍ୟରୁ ୨୦ ମିଲିୟନ ପର୍ଯ୍ୟନ୍ତ ଆମେ ପଠାଇବାରେ ସକ୍ଷମ ହେବୁ।”

ଭାରତର ସ୍ଥିତି କଣ?
ଦେଶରେ, ଆଇସିଏମଆର ସହଯୋଗରେ ଭାରତ ବାୟୋଟେକ ଟିକା ପ୍ରାର୍ଥୀ ତୃତୀୟ ପର୍ଯ୍ୟାୟ ପରୀକ୍ଷାରେ ରହିଛି। ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସହଯୋଗରେ ବିକଶିତ ହେଉଥିବା ଅକ୍ସଫୋର୍ଡ-ଆଷ୍ଟ୍ରାଜେନେକା ଟିକା ସହିତ ମଧ୍ୟ ସମାନ ଅବସ୍ଥା | ଡିସେମ୍ବର ସୁଦ୍ଧା ଆଷ୍ଟ୍ରାଜେନେକା ୧୦୦ ମିଲିୟନ୍ ଡୋଜ ଉତ୍ପାଦନ କରିବାକୁ ଲକ୍ଷ୍ୟ ରଖିଛି |

ଡା ପାଲ ଦର୍ଶାଇଛନ୍ତି ଯେ ରୁଷର ପ୍ରାର୍ଥୀ ଟିକା ସ୍ପୁତନିକ୍ ମଧ୍ୟ ଆସନ୍ତା ସପ୍ତାହରେ ଭାରତରେ ମାନବ ପରୀକ୍ଷାରେ ପ୍ରବେଶ କରିବାର ସମ୍ଭାବନା ରହିଛି। ଜିଡସ୍ କ୍ୟାଡିଲା ପ୍ରାର୍ଥୀ ଡିସେମ୍ବର ସୁଦ୍ଧା ଗୁରୁତ୍ବପୂର୍ଣ୍ଣ ତୃତୀୟ ପର୍ଯ୍ୟାୟରେ ପ୍ରବେଶ କରିବ ଏବଂ ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ପ୍ରସ୍ତୁତ ହେବେ ବୋଲି ଆଶା କରାଯାଉଛି। ୧୦୦ ମିଲିୟନ୍ ଡୋଜ ଉତ୍ପାଦନ କରିବାକୁ ଏହାର ଇନ-ହାଉସ କ୍ଷମତା ରହିଛି|

ଟିକାର ମୂଲ୍ୟ

ମୋଡେର୍ନା ତାର ଟିକାକୁ ଡୋଜ ପିଛା ୨,୮୦୦ ଟଙ୍କା ଏବଂ ଫାଇଜର ପ୍ରାୟ ୩୦୦୦ ଟଙ୍କା ମୂଲ୍ୟରେ ରଖିଛି। ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଆଦର ପୁନାୱାଲା ସୂଚାଇ ଦେଇଛନ୍ତି ଯେ ଭାରତରେ ତାଙ୍କର ଟିକା ମୂଲ୍ୟ ୧,୦୦୦ କମ୍ ହେବ। ଅକ୍ସଫୋର୍ଡ ଟିକା ସ୍ୱଳ୍ପ ଏବଂ ମଧ୍ୟମ ଆୟ ଦେଶ ପାଇଁ ୨୨୫ ଟଙ୍କାରେ ଉପଲବ୍ଧ ହୋଇପାରିବ |

Comments are closed.