ପାରମ୍ପରିକ ଶତ୍ରୁ ହେଲେ ମିତ୍ର, ଏକାଠି ବସି ଯାତ୍ରା କଲେ ସାପ ଓ ବେଙ୍ଗ

ବେଙ୍ଗ ଏବଂ ସାପ ମଧ୍ୟରେ ଥିବା ସଂପର୍କ ବିଷୟରେ ତ ଆପଣମାନେ ନିଶ୍ଚିତ ଜାଣିଥିବେ । ବେଙ୍ଗ, ସାପର ଭୋଜନ ହୋଇଥିବାବେଳେ ବେଙ୍ଗ ଏବଂ ସାପ ଉଭୟ ପରସ୍ପରଙ୍କର କେବେବି ମିତ୍ର ହୋଇପାରିବେ, ତାହା ଭାବିବା ସଂପୂର୍ଣ୍ଣ ବୃଥା । କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେବାରେ ଲାଗିଛି , ଯାହାକୁ ଦେଖିଲେ ଆପଣମାନେ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଏହି ଭିଡିଓରେ ବେଙ୍ଗଙ୍କର ଏକ ଦଳ ବିରାଟକାୟ ଅଜଗର ଉପରେ ବସି ଖେଳକୁଦ କରୁଛନ୍ତି ।
ମିଳିଥିବା ସୂଚନା ଅନୁସାରେ ଏହି ଭିଡିଓଟି ଅଷ୍ଟ୍ରେଲିଆର ଅଟେ । ଯାହାକୁ “ପଲ ମୋକ” ନାମକ ଜଣେ ଚାଷୀ ରାତ୍ରୀ ସମୟରେ ଉଠାଇଥିଲେ । ପଲ ଏହି ଭିଡିଓକୁ ନିଜ ଫେସବୁକ ଆକାଉଣ୍ଟରେ ସେୟାର କରବା ସହ ଲେଖିଥିଲେ ଯେ, “ଦେଶରେ ଆସିଥିବା ପ୍ରଳୟଙ୍କରୀ ଝଡ, ବାତ୍ୟାରୁ ନିଜକୁ ବଞ୍ଚାଇବା ପାଇଁ ସାପ ଏବଂ ବେଙ୍ଗ ଏକାଠି ହୋଇଯାଇଛିନ୍ତି ”

ସେ ଆହୁରୀ ମଧ୍ୟ କହିଥିଲେ ଯେ, “ପ୍ରଳୟଙ୍କାରୀ ବନ୍ୟା ଯୋଗୁଁ ସମସ୍ତ ଚାଷ ଜମିରେ ପାଣି ଭର୍ତ୍ତି ହୋଇଯାଇଛି , ଯେଉଁଥିପାଇଁ ସମସ୍ତ ବେଙ୍ଗ ଉଚ୍ଚ ସ୍ଥାନକୁ ଚାଲି ଆସିଛନ୍ତି । ଏହି ସମୟରେ ମୁଁ ଯେତେବେଳେ ଗୋଟିଏ ପାଶ୍ୱର୍କୁ ଦେଖିଲି ସେତେବେଳେ ଅଧିକାଂଶ ବେଙ୍ଗ ଏକାଠି ରୁଣ୍ଡ ହୋଇଥିବାବେଳେ ଅନ୍ୟ ପାଶ୍ୱର୍ରେ ଏକ ବିରାଟକାୟ ଅଜଗର ଉପରେ ଅନେକ ବେଙ୍ଗ ସାହାର ସ୍ୱରୁପ ଖେଳକୁଦ କରୁଥିଲେ ।”

Comments are closed.