ଭାରତୀ ଆକ୍ସା ଲାଇଫ୍ ଓଡ଼ିଶାରେ “ସମସ୍ତଙ୍କ ପାଇଁ ବୀମା’ ଅଭିଯାନର ନେତୃତ୍ୱ ନେଉଛି

ଭୁବନେଶ୍ୱର: ଭାରତୀ ଆକ୍ସା ଲାଇଫ୍ ଇନ୍‌ସ୍ୟୁରାନ୍ସ ଓଡ଼ିଶାରେ ଜୀବନ ବୀମା ସଚେତନତା ଏବଂ ପ୍ରବେଶକୁ ପ୍ରୋତ୍ସାହିତ କରିବା ପାଇଁ ନିଜର ପ୍ରତିବଦ୍ଧତାକୁ ସୁଦୃଢ଼ କରୁଛି। ଯାହା ଆଇଆରଡିଏଆଇର “୨୦୪୭ ସୁଦ୍ଧା ସମସ୍ତଙ୍କ ପାଇଁ ବୀମା’ ର ବ୍ୟାପକ ଲକ୍ଷ୍ୟ ସହିତ ଯୋଡ଼ିହୋଇରହିଛି। ଓଡ଼ିଶା ପାଇଁ ଆଇଆରଡିଏଆଇ ଦ୍ୱାରା ନିର୍ଦ୍ଧାରଣ କରାଯାଇଥିବା ଲକ୍ଷ୍ୟ ଅନୁସାରେ ଏକ ଅଗ୍ରଣୀ ବୀମା କମ୍ପାନି ଭାବେ ଭାରତୀ ଆକ୍ସା ଲାଇଫ୍ ଇନ୍‌ସ୍ୟୁରାନ୍ସ ଆର୍ôଥକ ସାକ୍ଷରତାକୁ ପ୍ରୋତ୍ସାହିତ କରିବା, ଲୋକଙ୍କ ଦ୍ୱାରା ବୀମା ଗ୍ରହଣ ବୃଦ୍ଧି କରିବା ଏବଂ ରାଜ୍ୟରେ ଦୀର୍ଘକାଳୀନ ସାମାଜିକ-ଅର୍ଥନୈତିକ ପ୍ରଭାବ ସୃଷ୍ଟି କରିବାରେ ଅଗ୍ରଣୀ ଭୂମିକା ଗ୍ରହଣ କରିଛି।
ଉନ୍ନୟନ କମିସନର ତଥା ଓଡ଼ିଶା ସରକାରଙ୍କ ଅତିରିକ୍ତ ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ଓଡ଼ିଶା ରାଜ୍ୟସ୍ତରୀୟ ବୀମା କମିଟି (ଏସ୍‌ଏଲ୍‌ଆଇସି)ର ପ୍ରଥମ ବୈଠକରେ ସଫଳତାର ସହ ଅଂଶଗ୍ରହଣ କରିଥିଲେ। ଏହି ଲକ୍ଷ୍ୟକୁ ପୂରଣ କରିବା ଓ ଆଗକୁ ବଢ଼ାଇବା ପାଇଁ ରାଜ୍ୟ ସରକାର ନିୟମିତ ଭାବେ ରାଜ୍ୟସ୍ତରୀୟ ବୀମା କମିଟି (ଏସ୍‌ଏଲ୍‌ଆଇସି) ବୈଠକ କରିବାକୁ ଆଗ୍ରହ ପ୍ରକାଶ କରିଛନ୍ତି। ଓଡ଼ିଶା ସ୍ୱତନ୍ତ୍ର ପ୍ରଦେଶ ଗଠନର ଶତବାର୍ଷିକୀ ଅବସରରେ ୨୦୩୬ ସୁଦ୍ଧା “ସମସ୍ତଙ୍କ ପାଇଁ ବୀମା’ ଲକ୍ଷ୍ୟ ହାସଲ ଉପରେ ବୈଠକରେ ଆଲୋକପାତ କରାଯାଇଥିଲା।
ଏହି ସମନ୍ୱିତ ଅଭିଯାନର ଏକ ଅଂଶ ଭାବେ କମ୍ପାନି ପକ୍ଷରୁ ଓଡ଼ିଶା କ୍ଷୁଦ୍ର ଶିଳ୍ପ ସଂଘ (ଓଏସଏସଆଇଏ) ସହଯୋଗିତା ସ୍ଥାପନ କରାଯାଇଛି। କମ୍ପାନିର ଏହି ପ୍ରୟାସ ଏମଏସଏମଇମାନଙ୍କ ମଧ୍ୟରେ ଜୀବନ ବୀମା ସଚେତନତା ବୃଦ୍ଧି କରିବାରେ ସହାୟକ ହୋଇଥିବା ବେଳେ ଆର୍ôଥକ ସୁରକ୍ଷାର ମହତ୍ୱକୁ ବୁଝିବାରେ ୧୦୦ରୁ ଅଧିକ ଉଦ୍ୟୋଗକୁ ସାହାଯ୍ୟ କରିଛି।
ଭାରତୀ ଆକ୍ସା ଲାଇଫ୍ ମଧ୍ୟ ଓଡ଼ିଶାର ସ୍ଥାନୀୟ ଗୋଷ୍ଠୀ ସହିତ ସକ୍ରିୟ ଭାବେ ଯୋଡ଼ିହୋଇ ରହିଛି। ୪ଟି ଜିଲ୍ଲାର ୩୫ଟି ଗ୍ରାମ ପଂଚାୟତ ସହ ସହଯୋଗିତା ଏବଂ ସ୍ୱେଚ୍ଛାସେବୀ ଅନୁଷ୍ଠାନର ସହଯୋଗରେ କମ୍ପାନି ଗ୍ରାମାଚଂଳରେ ଆର୍ôଥକ ସାକ୍ଷରତା କର୍ମଶାଳା ଆୟୋଜନ କରି ଅନଗ୍ରସର ଲୋକଙ୍କୁ ଜୀବନ ବୀମାର ଗୁରୁତ୍ୱ ବିଷୟରେ ସଚେତନ କରୁଛି।
ଓଡ଼ିଶାବାସୀଙ୍କ ଅନନ୍ୟ ଆବଶ୍ୟକତାକୁ ଦୃଷ୍ଟିରେ ରଖି ଭାରତୀ ଆକ୍ସା ଲାଇଫ୍ ବିବାହିତ ମହିଳା ସମ୍ପତି (ଏମଡବ୍ଲ୍ୟୁପି) ଆଇନ ଅଧୀନରେ ଛୋଟ ଆକାରର ଏବଂ ବ୍ୟବସାୟ ବୀମା ସମାଧାନ ସହିତ ସ୍ୱତନ୍ତ୍ର ଭାବେ ନିର୍ମିତ ଉତ୍ପାଦ ପ୍ରଚଳନ କରିଛି। ଏହାବ୍ୟତୀତ କମ୍ପାନି ସ୍ଥାନୀୟ ପ୍ରତିଭା, ବିଶେଷକରି ମହିଳାମାନଙ୍କୁ ବୃତ୍ତିଗତ ମାର୍ଗ ସନ୍ଧାନ କରିବା ଏବଂ ଜୀବନ ବୀମା କ୍ଷେତ୍ରରେ କ୍ୟାରିୟର ସୁଯୋଗ ସୃଷ୍ଟି କରିବା ପାଇଁ ପ୍ରୋତ୍ସାହିତ କରିବାରେ ଅଗ୍ରଣୀ ଭୂମିକା ଗ୍ରହଣ କରିଛି। ଏହା କମ୍ପାନିର ମହିଳା କର୍ମଚାରୀ ସଂଖ୍ୟା ବୃଦ୍ଧି ଏବଂ ଆର୍ôଥକ ସ୍ୱାଧୀନତାକୁ ପ୍ରୋତ୍ସାହିତ କରିବାର ଏଜେଣ୍ଡା ସହିତ ସମ୍ପୂର୍ଣ୍ଣ ଭାବରେ ମେଳ ଖାଉଛି। ଭାରତୀ ଆକ୍ସା ଲାଇଫ୍ ୭୦୦ରୁ ଅଧିକ ମହିଳା କର୍ମଚାରୀଙ୍କୁ ନିଯୁକ୍ତି ପ୍ରଦାନ କରିଛି। ସେଥିରେ ୱାଇଟିଡିର ୫୦୧ ଏଜେଂଟ୍ ଏବଂ ୨୬୪ କର୍ମଚାରୀ ଅଛନ୍ତି। ଏହି ପ୍ରୟାସ ଦ୍ୱାରା କମ୍ପାନି ଓଡ଼ିଶାରେ ନିଜ ଉପସ୍ଥିତି ବଢ଼ାଇାକୁ ଯୋଜନା ରଖିଛି।
କମ୍ପାନିର ପ୍ରତିବଦ୍ଧତାକୁ ପ୍ରଶଂସା କରି ଭାରତୀ ଆକ୍ସା ଲାଇଫକୁ ୨୦୨୩ରେ ଓଡ଼ିଶା ସରକାରଙ୍କ ଅର୍ଥ ବିଭାଗର ପ୍ରମୁଖ ଶାସନ ସଚିବ ଶ୍ରୀ ଶାଶ୍ୱତ ମିଶ୍ର ଶ୍ରେଷ୍ଠ ଏମଏସଏମଇ ସହାୟତା ପୁରସ୍କାରରେ ସମ୍ମାନିତ କରିଥିଲେ ଏବଂ ୨୦୨୪ରେ ମତ୍ସ୍ୟ ଓ ପଶୁ ସମ୍ପଦ ବିକାଶ, ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଓଏସଏସଏ ଦ୍ୱାରା ଆୟୋଜିତ ଇଏମଟେକ୍ ରୋଡ୍ ସୋ’ରେ ଅଂଶଗ୍ରହଣ ପାଇଁ କମ୍ପାନିର ପ୍ରୟାସକୁ ସ୍ୱୀକୃତି ପ୍ରଦାନ କରିଥିଲେ ଏବଂ ଆର୍ôଥକ ଅନ୍ତର୍ଭୁକ୍ତୀକରଣ ପ୍ରତି ଏହାର ପ୍ରତିବଦ୍ଧତା ଉପରେ ଆଲୋକପାତ କରିଛନ୍ତି।
ଓଡ଼ିଶାରେ ଭାରତୀ ଆକ୍ସା ଲାଇଫର କାର୍ଯ୍ୟ ସମ୍ପର୍କରେ ଆଲୋକପାତ କରି ମୁଖ୍ୟ ବିତରଣ ଅଧିକାରୀ (ପାର୍ଟନରସିପ୍ ଡିଷ୍ଟ୍ରିବ୍ୟୁସନ୍‌) ତଥା ମାର୍କେଟିଂ ମୁଖ୍ୟ ନୀତିନ ମେହେଟ୍ଟା କହିଛନ୍ତି ଯେ, “ଭାରତୀ ଆକ୍ସା ଲାଇଫରେ ଆମେ “ସମସ୍ତଙ୍କ ପାଇଁ ବୀମା’ ପରିକଳ୍ପନା ପ୍ରତି ଗଭୀର ପ୍ରତିଶ୍ରୁତିବଦ୍ଧ ଏବଂ ଆର୍ôଥକ ନିରାପତା ଦିଗରେ ଓଡ଼ିଶାର ଯାତ୍ରାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ଗର୍ବ ଅନୁଭବ କରୁଛୁ। ଆର୍ôଥକ ସାକ୍ଷରତା, ଉତ୍ପାଦ ପ୍ରଦାନ ଏବଂ ଗୋଷ୍ଠୀ ନିୟୋଜନ କ୍ଷେତ୍ରରେ ଆମର ମିଳିତ ପ୍ରୟାସ ଅର୍ଥପୂର୍ଣ୍ଣ ପରିବର୍ତନକୁ ପ୍ରୋତ୍ସାହିତ କରୁଛି। ରାଜ୍ୟରେ ଦୀର୍ଘମିଆଦୀ ଅର୍ଥନୈତିକ ସ୍ଥିରତା ବୃଦ୍ଧି କରି ପ୍ରତ୍ୟେକ ବ୍ୟକ୍ତିଙ୍କ ପାଖରେ ଜୀବନ ବୀମା ଉପଲବ୍ଧ କରାଇବା ପାଇଁ ଆମେ ରାଜ୍ୟ ସରକାର ଏବଂ ପ୍ରମୁଖ ଅଂଶୀଦାରମାନଙ୍କ ସହ ମିଳିତ ଭାବରେ କାର୍ଯ୍ୟ କରିବାକୁ ସମର୍ପିତ। ବର୍ତ୍ତମାନ ରାଜ୍ୟର ବୀମା ପ୍ରବେଶ ୩% ରହିଛି ଏବଂ ମିଳିତ ପ୍ରୟାସରେ ଆମେ ନିରନ୍ତର ପଦକ୍ଷେପ, ଗୁରୁତ୍ୱପୂର୍ଣ୍ଣ ସହଯୋଗିତା, ଲକ୍ଷ୍ୟ, ସଚେତନତା କାର୍ଯ୍ୟକ୍ରମ ମାଧ୍ୟମରେ ଆର୍ôଥକ ବର୍ଷ ୨୦୨୮-୨୯ ସୁଦ୍ଧା ଏହାକୁ ୫%ରୁ ଅଧିକ କରି ରାଜ୍ୟର ଲକ୍ଷ୍ୟ ପୂରଣ କରିବାକୁ ଲକ୍ଷ୍ୟ ରଖିଛୁ।’’
ରାଜ୍ୟର ଆର୍ôଥକ ଅନ୍ତର୍ଭୁକ୍ତୀକରଣ ଏଜେଣ୍ଡାରେ ଏକ ପ୍ରମୁଖ ଅଂଶୀଦାର ଭାବରେ ଭାରତୀ ଆକ୍ସା ଲାଇଫ୍ ବୀମା ବ୍ୟବଧାନକୁ ଦୂର କରି ଜୀବନର ସୁରକ୍ଷା ଏବଂ ଆର୍ôଥକ ସଶକ୍ତୀକରଣକୁ ପ୍ରୋତ୍ସାହିତ କରିବା ସହ ରାଜ୍ୟ ଏବଂ ଆଇଆରଡିଏଆଇର ଦୃଷ୍ଟିକୋଣରେ ସକ୍ରିୟ ଯୋଗଦାନ କରିବାକୁ ପ୍ରତିଶ୍ରୁତିବଦ୍ଧ ରହିଛି।