ଖୁବ ଶୀଘ୍ର ‘ଡୋଭାଲ’ଙ୍କ ଭୂମିକାରେ ନଜର ଆସିବେ ଅକ୍ଷୟ

0

ଖୁବ ଶୀଘ୍ର ଅକ୍ଷୟଙ୍କ ଆଗାମୀ ଫିଲ୍ମ ‘ମିସନ ମଙ୍ଗଲ’ ରିଲିଜ ହେବାକୁ ଯାଉଥିବାବେଳେ ଏହି ଫିଲ୍ମରେ ସରମନ ଜୋଶୀ, ବିଦ୍ୟା ବାଲନ, ତାପସୀ ମନୁ, ସୋନାକ୍ଷୀ ସିହ୍ନା ଏବଂ କିର୍ତ୍ତି କୁହ୍ଲାରୀଙ୍କ ଭଳି ଅନେକ ଲୋକପ୍ରିୟ କଳାକାରଙ୍କୁ ମଧ୍ୟ ଦେଖିବାକୁ ମିଳିବ । ‘ଏସ ଶଙ୍କର’ଙ୍କ ଦ୍ୱାରା ନିର୍ମିତ ହୋଇଥିବା ଏହି ଫିଲ୍ମ ଅଗଷ୍ଟ ୧୫ରେ ରିଲିଜ ହେବ । ଅକ୍ଷୟ କୁମାର ବର୍ତ୍ତମାନ ଏହି ଫିଲ୍ମର ପ୍ରମୋସନ ପାଇଁ ବ୍ୟସ୍ତ ରହିଥିବାବେଳେ ଅନ୍ୟପଟେ ଅକ୍ଷୟଙ୍କ ପ୍ରଶଂସଙ୍କ ପାଇଁ ପୁଣି ଏକ ଖୁସି ଖବର ସାମନାକୁ ଆସିଛି ।
ମିଳିଥିବା ସୂଚନା ମୁତାବକ, ଅକ୍ଷୟ ଖୁବ ଶୀଘ୍ର ମୋଦିଙ୍କ ରାଷ୍ଟ୍ରିୟ ସୁରକ୍ଷା ପରାମର୍ଶଦାତ୍ତା ‘ଅଜିତ ଡୋଭାଲ’ଙ୍କ ଭୂମିକାରେ ନଜର ଆସିବାକୁ ଯାଉଛନ୍ତି । ନିର୍ଦ୍ଦେଶକ ‘ନିରଜ ପାଣ୍ଡେ’, ଡୋଭାଲଙ୍କ ଉପରେ ଏକ ଫିଲ୍ମ ନିର୍ମାଣ କରିବାକୁ ଯାଉଥିବାବେଳେ ଡୋଭାଲଙ୍କ ଭମିକାରେ ଅକ୍ଷୟ ନଜର ଆସିବେ ବୋଲି ଚୂଡାନ୍ତ ହୋଇ ସାରିଛି ।
ପ୍ରକାଶ୍ର ଥାଉକି, ପୂର୍ବରୁ ଅକ୍ଷୟ ଏବଂ ନୀରଜ ବେବି, ସ୍ପେଶାଲ ୨୬ ଓ ରୁସ୍ତମ ଭଳି ଫିଲ୍ମରେ ଏକାଠି କାମ କରିସାରିଥିବାବେଳେ ବର୍ତ୍ତମାନ ପୁଣି ଥରେ ‘ଡୋଭାଲ’ଙ୍କ ଉପରେ ନିର୍ମିତ ହେବାକୁ ଥିବା ଫିଲ୍ମରେ ଉଭୟଙ୍କୁ ଏକାଠି ଦେଖିବାକୁ ମିଳିବ ।

Leave A Reply

Your email address will not be published.