ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ ବର୍ତ୍ତମାନ ଦେଶ-ବିଦେଶରୁ ଅନେକ ପ୍ରତିକ୍ରିୟା ଆସିବାରେ ଲାଗିଲାଣି । ଏହାକୁ ନେଇ ପାକିସ୍ତାନର ପୂର୍ବତ୍ତନ କ୍ରିକେଟର ସାହିଦ ଆଫ୍ରିଦି ମଧ୍ୟ ନିଜ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ, “କାଶ୍ମୀରରେ ମଣିଷତ୍ୱ ବିରୋଧରେ ଆକ୍ରାମକତା ଏବଂ ଅପରାଧ ଦିନକୁ ଦିନ ବଢିବାରେ ଲାଗିଲାଣି । କାଶ୍ମୀରବାସୀଙ୍କୁ ଆମ ଭଳି ସ୍ୱାଧୀନତାର ଅଧିକାର ମିଳିବାର ଆବଶ୍ୟକତା ରହିଛି ।”
ଆଫ୍ରିଦିଙ୍କର ଏହି ମନ୍ତବ୍ୟ ପରେ ବିଜେପି ସାଂସଦ ତଥା ପୂର୍ବତ୍ତନ କ୍ରିକେଟର ଗୌତମ ଗମ୍ଭୀର ନିଜର କଡା ପ୍ରତିକ୍ରିୟା ରଖିଛନ୍ତି । ସେ ଆଫ୍ରିଦିଙ୍କୁ କଟାକ୍ଷ କରି କହିଛନ୍ତି ଯେ, “ଚିନ୍ତା କର ନାହିଁ ପୁଅ, ଖୁବ ଶୀଘ୍ର ପାକିସ୍ତାନ ଅଧିକୃତ କାଶ୍ମୀର (ପିଓକେ) ସମସ୍ୟାର ସମାଧାନ ମଧ୍ୟ ହୋଇଯିବ ।”
@SAfridiOfficial is spot on guys. There is “unprovoked aggression”, there r “crimes against humanity”. He shud be lauded 👏for bringing this up. Only thing is he forgot to mention that all this is happening in “Pakistan Occupied Kashmir”. Don’t worry, will sort it out son!!! pic.twitter.com/FrRpRZvHQt
— Gautam Gambhir (@GautamGambhir) August 5, 2019
ପ୍ରକାଶ ଥାଉକି, କେନ୍ଦ୍ର ସରକାର ସୋମବାର ଦିନ ଜମ୍ମୁ କାଶ୍ମୀରକୁ ସ୍ୱତନ୍ତ୍ର ରାଜ୍ୟର ମାନ୍ୟତା ପ୍ରଦାନ କରୁଥିବା ଧାରା ୩୭୦କୁ ଉଚ୍ଛେଦ କରିଦେଇଛନ୍ତି । ଗୃହମନ୍ତ୍ରୀ ଅମିତ ଶାହା କହିଥିଲେ ଯେ, ଦିଲ୍ଲୀ ଏବଂ ପଣ୍ଡିଚେରୀ ଭଳି ଜମ୍ମୁ କାଶ୍ମୀର ମଧ୍ୟ କେନ୍ଦ୍ର ଶାସିତ ଅଞ୍ଚଳ ହୋଇ ରହିବ ଏବଂ ଏଠାରେ ବିଧାନସଭା ମଧ୍ୟ ରହିବ । ଅନ୍ୟପଟେ ଲଦାଖର ସ୍ଥିତି ଚଣ୍ଡିଗଡ ଭଳି ରହିବ ସେଠାରେ ବିଧାନସଭା ରହିବ ନାହିଁ ।
Comments are closed.